ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓐ‐ꓟꓮꓪ ꓡꓳ ꓒꓱ ꓗꓪ ꓶꓽ ꓓꓳ ꓫꓱꓽ ꓓꓳ ꓚꓺ ꓟ ꓚꓱ,

ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓐ‐ꓟꓮꓪ ꓡꓳ ꓒꓱ ꓗꓪ ꓶꓽ ꓓꓳ ꓫꓱꓽ ꓓꓳ ꓚꓺ ꓟ ꓚꓱ,

ꓟꓬ‐ꓟ ꓗꓴꓷꓼ ꓗ‐ꓛꓲ ꓟꓵꓽ ꓫꓴ ꓐ‐ꓟꓮꓪ ꓡꓳ ꓒꓱ ꓗꓪ ꓪꓴ‐ꓢ ꓶꓽ ꓓꓳ ꓫꓱꓽ ꓓꓳ ꓚꓺ ꓡ ꓕꓯ ꓔꓲꓺ ꓒ ꓐꓴ ꓠꓬ ꓞꓲꓼ ꓣꓳ ꓟ ꓐꓰ ꓟꓶ: ꓘꓳꓼ ꓟꓽ ꓫꓱ ꓟ ꓪꓴ. ꓠꓬꓲ ꓠꓻ ꓓꓴ ꓔꓳ ꓜꓳ ꓢꓲ ꓠꓬꓲ ꓮ ꓟꓬ, ꓫꓵꓻ ꓡꓰꓳ꓿ ꓪꓴ‐ꓢ ꓟꓬꓱꓽ ꓟꓯꓼ ꓢꓴ ꓐꓴ ꓮ ꓟꓬ, ꓢꓯꓼ ꓕꓵꓼ ꓥ ꓟꓲ꓾ ꓪꓴ‐ꓢ ꓦꓻ ꓡꓱ ꓡ ꓢꓴ ꓮ ꓟꓬ, ꓟꓽ ꓔꓬ ꓟ ꓔꓯ ꓡꓳ. ꓟꓳ ꓪ ꓡꓳ꓿ AD 1936 ꓘꓳꓼ ꓕꓯ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓔꓲꓺ ꓒ ꓐꓴ ꓠꓬ ꓐ‐ꓟꓮꓪ꓾ ꓗ‐ꓔ꓾ ꓟꓶ‐ꓚꓲ‐ꓠ ꓔꓯ ꓙꓲꓻ ꓫꓬ ꓢꓴ ꓚꓳ‐ꓡꓳ‐ꓐ ꓔꓲꓺ ꓒ ꓜꓴꓻ ꓔꓯ ꓡꓯꓼ ꓙꓱ ꓗꓷꓳ꓿ ꓚꓳ‐ꓡꓳ‐ꓐ ꓔꓲꓺ ꓒ ꓜꓴꓻ ꓠꓬ ꓮ ꓟꓬ, ꓢꓯꓼ ꓕꓵꓼ ꓢꓲ ꓠꓬꓲ ꓔꓲꓺ ꓒ ꓬꓲ. ꓫꓵꓺ ꓐꓴ ꓔꓯ ꓪꓴ‐ꓢ ꓟꓬꓱꓽ ꓟꓯꓼ ꓠ, ꓟ ꓗ‐ꓚꓲ ꓟꓵꓽ  ꓗꓪ ꓔꓬ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯꓼ ꓗꓷꓳ꓿

ꓟꓲ ꓠꓯ ꓗꓪ ꓢꓰꓼ ꓡꓯ ꓘꓳ ꓓꓴ (2) ꓧꓪ. ꓔꓯ ꓪꓴ‐ꓢ ꓟꓬꓱꓽ ꓟꓯꓼ ꓢꓴ ꓔꓲꓺ ꓒ (24) ꓣꓳ ꓗ‐ꓚꓲ ꓟꓵꓽ ꓗꓪ ꓛꓲ ꓡ ꓪ꓿ AD 1939 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓠꓬ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓢꓯꓼ ꓖꓶ ꓗꓷꓳ꓿ ꓖꓳ ꓟ ꓑꓶ ꓓꓴ ꓔꓲꓺ ꓒ Patrick Usher ꓔꓯ ꓔꓲꓺ ꓒ ꓓꓽ ꓙꓵꓽ ꓪ ꓖꓶ ꓗꓷꓳ꓿ ꓗ‐ꓛꓲ ꓟꓵꓽ ꓗꓪ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓢꓳ ꓦꓲꓻ (20) ꓒꓴ ꓖꓶ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ ꓕꓳ ꓶ ꓟ. ꓖꓶ ꓗꓷꓳ꓿

AD 1959 ꓘꓳꓼ ꓕꓯ ꓔꓲꓺ ꓒ ꓓꓽ U ꓢher ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ. ꓬꓰꓳ꓿ ꓗ‐ꓛꓲ ꓟꓵꓽ ꓗꓪ ꓪꓴ‐ꓢ ꓟꓬꓱꓽ ꓟꓯꓼ ꓔꓬ ꓢꓴ ꓐꓴ ꓔꓲꓺ ꓒ ꓐꓴ ꓔꓯ ꓡꓳ. ꓙ ꓠ, ꓟ ꓔꓲꓺ ꓒ Howe ꓔꓯ ꓔꓲꓺ ꓒ ꓓꓽ ꓙꓵꓽ ꓪ ꓖꓶ ꓗꓷꓳ꓿ ꓔꓲꓺ ꓒ ꓓꓽ Howe ꓠꓬ ꓔꓲꓺ ꓒ ꓓꓽ ꓙꓵꓽ ꓪ ꓔꓯ AD 1961 ꓘꓳꓼ ꓕꓯ ꓘꓳꓻ  ꓣꓴ ꓟꓶ ꓡꓰꓳ꓿

Add new comment

13 + 0 =