ꓗꓳꓸ ꓛꓲ ꓡˍ ꓟ ꓙꓵꓹ ꓐꓰ ꓐꓬꓽ ꓫꓵꓸ ꓗꓸ (Q & A)

ꓢꓲꓺ ꓒ ꓬꓰ-ꓢꓴ ꓦꓵ ꓑꓮꓲꓽ ꓚꓧꓣꓲꓢꓔꓟꓮꓢ ꓙꓵꓹ ꓟꓽ ꓛꓲ ꓡˍ ꓢꓰꓼ ꓧꓶꓸ ꓕꓯ ꓗꓪ ꓙꓲ-ꓢꓴ ꓢꓲꓺ ꓤꓼ ꓐꓴ ꓪꓽ ꓘꓴ ꓦꓲ ꓘꓴꓽ ꓗꓪ ꓐꓬꓽ ꓫꓵꓸ ꓗꓸ ꓣꓱˍ ꓟ ꓔꓯ ꓣꓳꓽ ꓡꓳꓸ ꓟꓳ ꓪ ꓓˍ ꓡꓳ= ꓖꓳ ꓟ ꓐꓬꓽ ꓫꓵꓸ ꓗꓸ ꓔꓯ ꓠꓲꓹ ꓚꓵꓼ ꓑꓲꓳ ꓔ ꓟ ꓢꓲꓹ ꓒꓬꓽ ꓡꓰ ꓬꓰ ꓔ ꓟ ꓬꓲ ꓚꓳ ꓕꓲꓽ ꓚꓳ ꓗꓪ ꓐꓬ ꓫꓵꓸ ꓗꓸ 4 ꓗꓸ ꓥˍ ꓠꓬ 5 ꓗꓸ ꓕꓱ ꓡꓰ ꓣꓱˍ ꓟ ꓔꓯ ꓣꓳꓽ ꓡꓳꓸ ꓟꓳ ꓪ ꓓˍ ꓡꓳ= ꓕꓱ ꓟ ꓠꓬ ꓮꓸ ꓫꓵꓽ ꓔꓯ ꓥꓳꓽ ꓮꓸ ꓫꓵꓽ ꓬꓲ ꓢꓷꓸ ꓡꓰ ꓓꓴ ꓥˍ ꓡ? ꓕꓱ ꓟ ꓔꓯ ꓢꓷꓸ ꓠꓹ ꓟ ꓐꓱ ꓶ ꓗꓳꓸ ꓛꓲ ꓡˍ ꓟ ꓙꓵꓹ ꓥˍ ꓠꓬ ꓥꓳ ꓡꓳꓸ ꓔꓬˍ ꓟ ꓙꓵꓹ ꓥˍ ꓠꓬ ꓮꓓꓦꓰꓠꓔꓴ ꓠꓽ ꓫꓵꓽ ꓠꓬꓲ 4 ꓫꓵꓽ ꓠꓽ ꓕꓱ ꓡꓰ ꓙꓳˍ ꓟ ꓥ ꓪ= ꓖꓳ ꓟ ꓠꓬ ꓢꓲꓺ ꓒ ꓬꓰ-ꓢꓴ ꓟꓽ ꓛꓲ ꓡˍ ꓢꓰꓼ ꓧꓶꓸ ꓕꓯ ꓚꓧꓣꓲꓢꓔꓟꓮꓢ ꓙꓵꓹ ꓧꓶꓸ ꓕꓯ ꓗꓪ ꓟ 4 ꓫꓵꓽ ꓠꓽ ꓔꓯ ꓮꓓꓦꓰꓠꓔꓴ ꓥ_ ꓠꓬ ꓗꓳꓸ ꓛꓲ ꓡˍ ꓟ ꓙꓵꓹ ꓥˍ ꓠꓬ ꓥꓳ ꓡꓳꓸ ꓔꓬ ꓟ ꓙꓵꓹ ꓐꓰ ꓕꓱ ꓡꓰ ꓔꓶ ꓔ ꓟ ꓥ ꓪ= 

ꓠꓬꓲꓸ ꓠꓬꓲ ꓘꓴ ꓜꓲꓼ ꓞꓳ ꓓꓽ ꓮꓽ ꓟꓬꓹ ꓟ ꓠꓬ ꓕꓱ ꓟ ꓔꓯ ꓬꓰ ꓔꓬ ꓟ ꓥ ꓪ= ꓗ-ꓕꓳ-ꓡꓲꓼ꓾ ꓳꓣ-ꓔꓧꓳ-ꓓꓳꓫ꓾ ꓡꓴ-ꓔꓧꓰ-ꓣꓮꓠ꓾ ꓮꓠ-ꓡꓲ-ꓖꓮꓠ ꓕꓱ ꓡꓰ ꓘꓴ ꓜꓲꓼ ꓞꓳ ꓓꓽ ꓮꓽ ꓟꓬꓹ ꓠꓬ ꓮꓓꓦꓰꓠꓔꓴ ꓐꓯˍ ꓟ ꓗꓳꓸ ꓛꓲ ꓡꓹ ꓟ ꓙꓵꓹ ꓥˍ ꓠꓬ ꓥꓳ ꓡꓳꓸ ꓔ ꓟ ꓙꓵꓹ ꓕꓱ ꓟ ꓔꓯ ꓕꓱ ꓡꓰ ꓬꓰˍ ꓟ ꓥ ꓪ= ꓕꓱ ꓡꓰ ꓬꓰˍ ꓕꓯ ꓐꓯ ꓡꓳꓹ ꓡꓰˍ ꓟ ꓡꓰ ꓐꓰ ꓕꓲ ꓡꓰ ꓢꓲꓹ ꓑꓴ ꓡꓰ ꓬꓰ ꓦˍ ꓟ ꓬꓲꓸ ꓚꓳ ꓕꓲꓽ ꓚꓳ ꓕꓯ ꓢꓲ ꓗꓪ ꓐꓬꓽ ꓫꓵꓸ ꓗꓸ 4 ꓕꓶꓹ ꓥˍ ꓠꓬ 5 ꓕꓶꓹ ꓕꓱ ꓡꓰ ꓣꓱˍ ꓟ ꓔꓯ ꓣꓳꓽ ꓡꓳꓸ ꓟꓳ ꓪ ꓓˍ ꓡꓳ= ꓖꓳ ꓡꓰ ꓢꓲꓹ ꓑꓴ ꓡꓰ ꓚꓳ ꓡꓳ ꓡꓳ ꓬꓰ ꓦˍ ꓟ ꓖꓳ ꓟ ꓠꓬ ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓮꓓꓦꓰꓠꓔꓴ 4 ꓫꓵꓽ ꓠꓽ ꓔꓯ ꓬꓲꓸ ꓢꓷꓸ ꓡꓰ ꓓꓴ ꓥ ꓢꓲ ꓠꓬꓲ ꓕꓱ ꓟ ꓔꓯ ꓓꓽ ꓪꓴꓸ ꓣꓱꓽ ꓡˍ ꓟ ꓠꓬ ꓡꓴꓔꓧꓰꓣꓮꓠ ꓘꓴ ꓜꓲꓼ ꓞꓳ ꓥˍ ꓡꓳ= 1500 ꓘꓳꓼ ꓖꓼ ꓡꓯꓼ ꓗꓼ ꓙꓵꓹ ꓗꓪ ꓣꓱꓽ ꓪꓴꓸ ꓔꓴ ꓡˍ ꓟ ꓥ ꓪ= ꓗ-ꓕꓳ-ꓡꓲꓼ ꓘꓴ ꓜꓲꓼ ꓞꓳ ꓗꓪ ꓠꓬ ꓖꓰꓣꓟꓮꓠꓬ ꓗꓴꓷꓼ ꓗꓪ ꓓꓽ ꓪꓴꓸ ꓣꓱ ꓡˍ ꓟ ꓥ ꓢꓲ 1920 ꓘꓳꓼ ꓖꓼ ꓡꓯꓼ ꓖ ꓙꓵꓹ ꓗꓪ ꓕꓱ ꓡꓰ ꓣꓱꓽ ꓡˍ ꓟ ꓔꓯ ꓡꓳꓸ ꓟꓳ ꓪ ꓓˍ ꓡꓳ=

ꓕꓱ ꓟ ꓢꓲꓹ ꓑꓴ ꓡꓰ ꓚꓳ ꓦˍ ꓟ ꓮꓓꓦꓰꓠꓔꓴ ꓬꓲꓸ ꓢꓷꓸ ꓡꓰ ꓓꓴ ꓬꓲꓸ ꓚꓳ ꓕꓱ ꓟ ꓕꓯ ꓢꓲ ꓗꓪ ꓐꓬꓽ ꓫꓵꓸ ꓗꓸ 4 ꓗꓸ ꓥˍ ꓠꓬ 5 ꓗꓸ ꓕꓱ ꓡꓰ ꓣꓱˍ ꓟ ꓔꓯ ꓡꓳꓸ ꓟꓳ ꓪ ꓓˍ ꓡꓳ= ꓖꓳ ꓟ 4 ꓗꓸ ꓬꓲꓸ ꓢꓷꓸ ꓡꓰ ꓓꓴ ꓠꓬ ꓮꓓꓦꓰꓠꓔꓴ ꓙꓵ 4 ꓫꓵꓽ ꓠꓽ ꓔꓯ ꓬꓲ ꓢꓷꓸ ꓡꓰ ꓓꓴ ꓥ ꓢꓲ ꓐꓬꓽ ꓫꓵꓸ ꓗꓸ ꓕꓲꓽ ꓗꓸ ꓠꓬ ꓫꓵꓽ ꓠꓬꓲ ꓕꓲꓽ ꓟ ꓐꓱ ꓶ ꓥˍ ꓡꓳ= ꓖꓳ ꓕꓲꓽ ꓘꓴꓸ ꓗꓪ ꓣꓱˍ ꓟ ꓖꓪ ꓢꓶꓽ ꓥ ꓠꓬ ꓢꓲ ꓐꓽ ꓢꓶꓽ ꓬꓲ ꓒꓬꓱꓽ ꓢꓲꓹ ꓔ ꓟ ꓐꓬꓽ ꓫꓵꓸ ꓗꓸ ꓐꓴ ꓥˍ ꓡꓳ=

1ꓸ ꓬꓲ ꓪꓴꓸ ꓕꓲꓽ ꓗꓸ ꓠꓬ- ꓖꓪ ꓢꓶꓽ ꓳꓣ ꓢꓲꓽ ꓐꓽ ꓢꓶꓽ ꓒꓬꓱꓽ꓾ ꓧꓳꓑꓰ( ꓥꓳ ꓡꓳꓸ ꓓꓵ)- ꓟꓷ ꓠꓷꓹ ꓝꓲꓸ ꓒꓽ ꓐꓬꓽ ꓫꓵꓸꓗꓸ 

2ꓸ   ꓖꓪ ꓢꓶꓽ ꓳꓣ ꓢꓲꓽ ꓐꓽ ꓢꓶꓽ ꓒꓬꓱꓽ꓾ ꓝꓮꓲꓔꓧ (ꓙꓵ ꓠꓲꓹ) - ꓐꓯ-ꓡꓯ-ꓦꓱ ꓐꓬꓽ ꓫꓵꓸ ꓗꓸ 

3ꓸ   ꓫꓵꓽ ꓫꓵꓽˍ ꓔ ꓟ ꓐꓬꓽ ꓫꓵꓸ ꓗꓸ - ꓙꓳꓬ (ꓮꓽ ꓘꓸ ꓗꓸ ꓛꓲˍ ꓟ) - ꓮꓸ ꓣꓳ ꓡꓳꓸ ꓒꓽ ꓐꓬꓽ ꓫꓵꓸ ꓗꓸ 

4ꓸ    ꓖꓪ ꓢꓶꓽ ꓳꓣ ꓢꓲꓽ ꓐꓽ ꓢꓶꓽ ꓒꓬꓱꓽ꓾ ꓑꓰꓮꓚꓰ - ꓟꓴ ꓗꓪ ꓞꓲ ꓓꓴ ꓐꓬꓽ ꓫꓵꓸ ꓗꓸ