ꓗ-ꓔꓳ-ꓡꓲꓗ ꓐꓯˍꓟ ꓚꓰꓹ

ꓗ-ꓔꓳ-ꓡꓲꓗ ꓐꓯ_ꓟ

ꓗ-ꓔꓳ-ꓡꓲꓗ ꓐꓯ_ꓟ ꓮ ꓫꓵꓽ ꓔꓯ ꓐꓯ ꓫꓵꓽ ꓥ ꓡ?= ꓣꓳ ꓡꓲ-ꓢꓴ ꓗ-ꓔꓳ-ꓡꓲꓗ ꓢꓲ ꓤ ꓐꓴ ꓔꓯ ꓗ-ꓔꓳ-ꓡꓲꓗ ꓐꓯ_ ꓟ ꓮ ꓫꓵꓽ ꓥ ꓡ? ꓐꓰ ꓠ ꓠꓬꓲ ˍ ꓕꓯ ꓠꓽ ꓟꓽ ꓢꓷꓸ ꓢꓴ ꓟꓬ_ ꓡꓳ= ꓕꓳ ꓶ  ꓵ ꓢꓴ_ ꓟꓲ ꓢꓷꓸ ꓡꓰꓳ ꓡ?=

ꓗ-ꓔꓳ-ꓡꓲꓗ ꓐꓯ_ ꓟ ꓠ꓾ ꓦꓲ-ꓡꓲ ꓥꓳꓽ (ꓗꓮꓔꓧꓳꓡꓲꓗꓳꓢ) ꓐꓯ_ ꓟ ꓗꓪ ꓐꓰ ꓡ_ ꓟ ꓐꓯ ꓘꓶ ꓥ ꓡꓳ= ꓗꓮꓔꓧꓳꓡꓲꓗꓳꓢ ꓐꓯ_ ꓟ ꓬꓲꓸ ꓬꓲ ꓢꓶ ꓠꓬ꓾ ꓕꓲ ꓟꓵꓽ ꓕꓲ ꓫꓰ (ꓴꓠꓲꓦꓰꓣꓢꓮꓡ) ꓐꓰ ꓗꓴꓸ ꓙꓲ ꓙꓳ_ ꓟ ꓘꓴ ꓜꓲꓼ ꓞꓳ ꓔꓯ ꓐꓯ_ ꓫꓵꓽ ꓥ ꓡꓳ=

ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓔꓯ ꓢꓷꓸ ꓓꓹ ꓟ ꓬꓲꓸ ꓢꓷꓸ ꓡꓰ ꓓꓴ ꓡꓲꓸꓸꓫꓵꓽ ꓙꓳˍ ꓡꓳ=

1ꓸꓕꓲꓽ ꓠꓲꓹ ꓕꓲꓽ ꓪˍ ꓥ ꓟ(ꓳꓠꓰ)

2ꓸꓢꓲ ꓫꓬˍ ꓟ (ꓧꓳꓡꓬ)

3ꓸꓗ-ꓔꓳ-ꓡꓲꓗ ꓥ ꓟ (ꓚꓮꓔꓧꓳꓡꓲꓚ)

4ꓸꓝꓲ ꓓꓴ ꓐꓴ ꓗꓪ ꓐꓰ ꓝꓸ ꓩꓴ ꓡˍ ꓟ (ꓮꓑꓳꓢꓔꓳꓡꓲꓚ) ꓟ ꓥ ꓡꓳ=

1ꓸ ꓕꓲꓽ ꓠꓲꓹ ꓕꓲꓽ ꓪ ꓥ ꓟ (ꓳꓠꓰ)

 ꓕꓲꓽ ꓠꓲꓹ ꓕꓲꓽ ꓪ ꓐꓯˍ ꓟ ꓠꓬ꓾ ꓕꓲ ꓟꓵꓽ ꓕꓲ ꓫꓰ ꓗꓪ ꓔꓬˍ ꓢꓴ ꓗ-ꓔꓳ-ꓡꓲꓗ ꓮꓽ ꓙꓵ ꓠꓬ ꓔꓲ ꓒ ꓪ ꓔꓲꓸ ꓠꓯꓸ ꓘꓪ ꓗꓪ ꓕꓲ ꓠꓲꓹ ꓕꓲ ꓪ ꓔꓬꓹ ꓢꓲꓸꓸ ꓒ ꓬꓰ-ꓢꓴ ꓠꓬ ꓘꓴ ꓜꓲꓼ ꓞꓳ ꓪꓴꓸ ꓓꓵꓻ ꓥ ꓟ ꓐꓰ꓾ ꓘꓴ ꓜꓲꓼ ꓞꓳ ꓠꓬ ꓬꓰ-ꓢꓴ ꓬꓲꓸ ꓖꓳ ꓓꓱ ꓥ ꓡꓳ= ꓮ ꓫꓵꓽ ꓬꓰ ꓥˍ ꓟꓲ꓾ ꓕꓲ ꓟꓵꓽ ꓕꓲ ꓫꓰ ꓡꓱꓼ ꓠꓬ ꓕꓲꓼ ꓡꓰꓸꓽ ꓛꓳ ꓫꓱꓽ ꓔꓬꓹ ꓟ ꓥ ꓡꓳ=

2ꓸ ꓢꓲ ꓫꓬˍ ꓟ (ꓧꓳꓡꓬ)

 ꓢꓲ ꓫꓬ ꓟ ꓘꓴ ꓜꓲꓽ ꓞꓳ ꓐꓯˍ ꓟ ꓠꓬ꓾ ꓢꓲ ꓒ ꓬꓰ-ꓢꓴ ꓚꓲꓸ ꓛꓬ ꓡꓰ ꓢꓲ ꓫꓬˍ ꓟ ꓑꓶꓸ ꓓꓴ ꓥ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓘꓴ ꓜꓲꓼ ꓞꓳ ꓬꓲꓸ ꓪꓴꓸ ꓓꓵ ꓥ ꓢꓲ꓾ ꓘꓴ ꓜꓲꓼ ꓞꓳ ꓠꓬ ꓬꓰ-ꓢꓴ ꓬꓲꓸ ꓖꓳ ꓓꓱ ꓥ ꓡꓳ= ꓕꓱ ꓟ ꓑꓶꓸ ꓓꓴ ꓬꓲꓸ ꓘꓴ ꓜꓲꓼ ꓞꓳ ꓠꓬ ꓢꓲ ꓫꓬˍ ꓟ ꓥ ꓡꓳ=

3ꓸ ꓗ-ꓔꓳ-ꓡꓲꓗ (ꓚꓮꓔꓧꓳꓡꓲꓚ)

 ꓗ-ꓔꓳ-ꓡꓲꓗ ꓐꓯˍ ꓟ ꓬꓲꓸ ꓬꓲ ꓢꓶ ꓬꓲꓸ ꓪꓴꓸ ꓬꓲꓸ ꓓꓴ ꓔꓴ _ ꓟ ꓗꓪ ꓐꓯ ꓔˍ ꓟ ꓕꓲ ꓡꓰꓹꓽ ꓥꓳ=

4ꓸ ꓝꓲ ꓓꓴ ꓐꓴ ꓗꓪ ꓐꓰ ꓬꓲꓸ ꓑꓶꓸ ꓟꓽ ꓞꓷꓹ ꓞꓷꓹ ꓝꓸ ꓩꓴ ꓡˍ ꓟ (ꓮꓑꓳꓢꓔꓳꓡꓲꓚ)

ꓕꓱ ꓟ ꓮ ꓫꓵꓽ ꓔꓯ ꓡ ꓐꓯˍ ꓠꓬ꓾ ꓢꓲ ꓒ ꓬꓰ-ꓢꓴ ꓡꓰ ꓒꓲ- ꓕꓱ ꓔꓯ ꓙꓵꓽ ꓪ  ꓒ ꓑꓲꓸꓼ ꓖꓶ ꓗꓷ ꓢꓲ꓾ ꓬꓲꓸ ꓘꓴ ꓜꓲꓼ ꓞꓳ ꓔꓯ ꓠꓬꓲ  ꓡꓳꓸ ꓗꓪ ꓫꓵꓼ ꓠꓹ ꓟ ꓡꓯꓼ ꓙꓱ ꓔ ꓟ ꓑꓶ ꓓꓴ ꓬꓲꓸ ꓗꓪ ꓐꓰ ꓝꓸ ꓩꓴ ꓡˍ ꓟ ꓝꓲ ꓓꓴ ꓐꓴ꓾ ꓕꓲ ꓒ ꓪ ꓔꓲꓸ ꓐꓴ ꓠꓬ ꓬꓲꓸ ꓑꓶꓸ ꓟ ꓞꓷꓹ ꓞꓷꓹ ꓝꓸ ꓩꓴ ꓡ ꓗꓷ ꓟ ꓔꓯ ꓐꓯ ꓟ ꓥ ꓡꓳ=