ꓗ-ꓔꓳ-ꓡꓲꓗ ꓙꓵꓻ ꓠꓲꓹ ꓚꓱꓹ

ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓠꓬ ꓮ ꓫꓵꓽ ꓔꓯ ꓙꓵꓻ ꓔꓬ ꓡ? ꓮ ꓡꓲ ꓫꓵꓽ ꓗꓪ ꓦꓰꓼ ꓞꓹ ꓔꓬ ꓡ? ꓐꓯ ꓟ ꓔꓯ ꓐꓯ ꓟꓸ ꓖꓶ ꓩꓴ ꓡˍ ꓥꓳ=

ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓘꓴꓽ ꓠꓯꓸꓼ ꓗꓪ ꓬꓲ ꓚꓱꓹ (12) ꓚꓱꓹ ꓙꓳˍ ꓡꓳ= "The Apostles' Creed" ꓐꓯ ꓟ ꓢꓲ ꓒ ꓬꓰ-ꓢꓴ ꓬꓲ ꓝꓲ ꓓꓴ ꓐꓴ ꓡꓰ ꓣꓷꓠꓸ ꓗꓳꓸ ꓡˍ ꓟ ꓙꓵꓻ ꓚꓱꓹ꓾ ꓬꓲ ꓪ ꓗꓪ ꓐꓰ ꓬꓯꓼ ꓡˍ ꓟ ꓙꓵꓻ ꓚꓱꓹ (12) ꓚꓱꓹ ꓙꓳˍ ꓡꓳ=

(1) ꓮ ꓫꓵꓽ ꓟꓲ ꓬꓰ ꓐ ꓡ ꓢꓴ꓾ ꓟꓴꓽ ꓗꓪ ꓐꓰ ꓟꓲ ꓠꓯ ꓚꓰꓼ ꓢꓴ꓾ ꓐꓹ ꓐ ꓪꓴ-ꓢ ꓔꓯ ꓥꓪ ꓙꓵꓻˍ ꓡꓳ꓾ ꓐꓰ ꓐꓯ ꓟ ꓥ ꓡꓳ=

(2) ꓪꓴ-ꓢ ꓬꓲ ꓤ ꓔꓲꓸ꓾ ꓥꓪ ꓠꓴꓽ ꓢꓲ ꓒ ꓬꓰ-ꓢꓴ ꓔꓯ ꓥꓪ ꓙꓵꓻˍ ꓡꓳ꓾ ꓐꓰ ꓡˍ ꓡꓳ=

(3) ꓢꓲ ꓒ ꓬꓰ-ꓢꓴ ꓖꓳ ꓟ ꓠꓬ ꓢꓲꓽ-ꓫꓬ-ꓟ-ꓦ ꓢꓯꓼ ꓪ ꓗꓪ ꓐꓰ ꓤ ꓟꓶ ꓡꓯꓸ ꓚꓵ ꓟ-ꓡꓲ-ꓬ ꓠꓯꓸꓼ ꓗꓪ ꓖꓳ ꓓꓱꓽ ꓠꓬꓲꓽ ꓔꓱꓹ ꓐꓲ ꓡꓰˍ ꓡꓳ꓾ ꓐꓯ ꓟ ꓔꓯ ꓙꓵꓻˍ ꓡꓳ=

(4) ꓢꓲ ꓒ ꓬꓰ-ꓢꓴ ꓠꓬ ꓑꓲ-ꓡ-ꓔꓴ ꓪ ꓔꓲ ꓦꓬꓼ ꓠꓬꓲ ꓗꓪ ꓬꓲ ꓡꓯꓽ ꓒꓯꓹ ꓗꓪ ꓫꓸ ꓙꓵꓻ ꓜꓲꓽ ꓢꓲ ꓠꓬꓲ꓾ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓕꓯꓼ ꓢꓰꓼ ꓗꓷꓳ= ꓝꓮꓲ ꓬꓲ ꓔꓯ ꓔꓵꓸ ꓗꓷꓳ꓾ ꓐꓯ ꓟ ꓔꓯ ꓙꓵꓻˍ ꓡꓳ==

(5) ꓢꓲ ꓒ ꓬꓰ-ꓢꓴ ꓠꓬ ꓫꓵꓻ ꓘꓷ ꓡꓰ ꓢꓲ ꓠꓬꓲ ꓢꓽ ꓠꓬꓲ ꓕꓲ ꓠꓬꓲ ꓗꓪ ꓬꓲ ꓠꓬ ꓢꓯꓸ ꓬꓲꓼ ꓡˍ ꓡꓳ꓾ ꓐꓯ ꓟ ꓔꓯ ꓙꓵꓻˍ ꓡꓳ=

(6) ꓢꓯꓸ ꓬꓲꓼ ꓡˍ ꓟ ꓢꓲ ꓒ ꓬꓰ-ꓢꓴ ꓠꓬ ꓟꓴꓽ ꓗꓪ ꓗꓴꓷꓼ ꓗꓪ ꓓꓯꓻ ꓙꓰ ꓢꓲ ꓠꓬꓲ꓾ ꓪꓴ-ꓢ ꓬꓲ ꓡꓯꓼ ꓙ ꓕꓲ ꓛꓱꓽ ꓗꓪ ꓠꓬꓲ ꓠꓸ ꓔꓬ ꓡꓳ꓾ ꓐꓯ ꓟ ꓔꓯ ꓙꓵꓻˍ ꓡꓳ= 

(7) ꓢꓲ ꓒ ꓬꓰ-ꓢꓴ ꓠꓬ ꓫꓵꓻ ꓢꓴ ꓐꓰ ꓢꓯꓸ ꓢꓴ ꓮ ꓙꓵꓽ ꓔꓯ ꓐꓯ ꓟꓴ ꓘꓶꓽ ꓠꓹ ꓟ ꓬꓲ ꓝꓮꓲ ꓕꓲ ꓧꓪꓹ ꓛꓲ ꓡˍ ꓥꓳ꓾ ꓐꓯ ꓟ ꓔꓯ ꓙꓵꓻˍ ꓡꓳ= 

(8) ꓢꓲ-ꓫꓬ-ꓟ-ꓦ ꓔꓯ ꓙꓵꓻˍ ꓡꓳ꓾ ꓐꓰ ꓐꓯ ꓡꓳ=

(9) ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓘꓴꓽ ꓠꓯꓸꓼ ꓗꓪ ꓙꓲꓻ ꓫꓬ ꓢꓴ ꓮ ꓙꓵꓽ ꓠꓬ ꓕꓲ ꓣꓳ ꓛꓳꓽ ꓕꓲ ꓣꓳ ꓣꓱꓽ ꓛꓰꓽ ꓑꓯꓹ ꓟꓶ ꓡꓯ ꓘꓳꓹˍ ꓟ ꓔꓯ ꓙꓵꓻˍ ꓡꓳ= ꓮ ꓡꓲ ꓣꓱꓽ ꓛꓰꓽ ꓑꓯꓹ ꓟꓶ ꓡꓯ ꓘꓳꓹˍ ꓡ ꓐꓯ ꓕꓯ꓾ ꓕꓲ ꓣꓳ ꓪꓽ ꓘꓴ ꓙ ꓖꓶˍ ꓟ ꓕꓲ ꓣꓳ ꓪˍ ꓡꓳ꓾ ꓐꓯ ꓟ ꓔꓯ ꓙꓵꓻˍ ꓡꓳ=

(10) ꓝꓴꓲꓸ ꓖꓼ ꓖꓶ ꓟꓶˍ ꓟ ꓔꓯ ꓙꓵꓻˍ ꓡꓳ= ꓢꓲ ꓒ ꓬꓰ-ꓢꓴ ꓠꓯꓸꓼ ꓗꓪ ꓝꓴꓲꓸ ꓔꓯ ꓖꓼ ꓖꓶ ꓟꓶˍ ꓟ ꓔꓯ ꓙꓵꓻˍ ꓡꓳ= 

(11) ꓕꓲ ꓠꓬꓲ ꓙꓳˍ ꓠꓬ ꓫꓵꓻ ꓢꓴ ꓮ ꓙꓵꓽ ꓢꓯꓸ ꓬꓲꓼ ꓡˍ ꓥꓳ꓾ ꓐꓯ ꓟ ꓔꓯ ꓥ ꓟꓲ ꓙꓵꓻˍ ꓡꓳ= ꓕꓲ ꓠꓬꓲ ꓙꓳˍ ꓠꓬ ꓣꓳ ꓧꓪꓽ ꓖꓳ ꓓꓱꓽ ꓐꓰ ꓦꓻ ꓑꓳꓸ ꓡꓯ ꓘꓳ ꓡꓰˍ ꓡꓳ꓾ ꓐꓯ ꓟ ꓔꓯ ꓙꓵꓻˍ ꓡꓳ= 

(12) ꓕꓲ ꓞꓲꓼ ꓕꓲ ꓑ ꓢꓯꓼ ꓟꓬ ꓟꓶˍ ꓟ ꓔꓯ ꓙꓵꓻˍ ꓡꓳ=