ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓔꓲꓺ ꓒ ꓐꓯ ꓟ ꓮ ꓫꓵꓽ ꓥ ꓡ?

ꓠꓲꓹ ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓕꓱ ꓕꓲ ꓧꓪꓹ ꓪꓴ-ꓢ ꓟꓸ ꓟꓲꓽ ꓟꓸ ꓖꓶˍ ꓟ ꓙꓵꓹ ꓗꓪ꓾ ꓗ-ꓔꓳ-ꓡꓲ ꓔꓲꓺ ꓒ ꓐꓯ ꓟ ꓠꓬ ꓮ ꓫꓵꓽ ꓥ ꓡ? ꓬꓲ ꓪ ꓠꓬ ꓮ ꓡꓲ ꓗꓪ ꓐꓰ ꓡˍ ꓡ꓾ ꓐꓯ ꓟ ꓚꓱꓹ ꓔꓯ ꓐꓯ ꓟꓸ ꓖꓶ ꓓꓴ ꓥ ꓡꓳ= ꓮ ꓡꓲ ꓗꓪ ꓚꓳꓸ ꓡˍ ꓡ? ꓔꓲꓺ ꓒ ꓐꓯ ꓟ ꓠꓬ ꓮ ꓟꓶ ꓘꓶꓽ ꓫꓵꓽ ꓫꓵꓼ ꓦꓬꓼ ꓠꓬꓲ ꓗꓪ ꓙꓳˍ ꓢꓰꓽ ꓡ꓾ ꓐꓰ ꓕꓲ ꓐꓱ ꓠꓬ ꓖꓳ ꓡꓱ ꓓꓵꓽ ꓙˍ ꓥꓳ= 

ꓥ ꓡꓳ꓾ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓘꓶꓽ ꓫꓵꓽ ꓡꓵꓺ ꓗꓪ ꓣꓳ ꓡꓳꓸ ꓠꓬꓲˍ ꓕꓯ ꓔꓲ ꓒ ꓐꓯ ꓟ ꓮ ꓫꓵꓽ ꓟꓬꓱꓽ ꓬꓰˍ ꓡ ꓐꓯ ꓟ ꓣꓳ ꓡꓳꓸ ꓠꓬꓲˍ ꓕꓯ꓾ ꓑ ꓫꓬ ꓐꓰ ꓪꓴ-ꓢ ꓠꓬꓲꓽ ꓗꓴꓸ ꓚꓸꓼ ꓗꓪ ꓜꓲꓽ ꓟꓴꓽ ꓬꓰ ꓢꓴ꓾ ꓛꓴꓽ ꓔꓲ ꓓꓴ ꓬꓰ ꓢꓴ꓾ ꓝꓴꓲꓸ ꓖꓼ ꓖꓶ ꓟꓶ ꓠꓹ ꓟ ꓐꓱ ꓶ ꓛꓴꓻ ꓔꓲ ꓓꓴ ꓬꓰ ꓢꓴ ꓥ ꓡꓳ= ꓪꓴ-ꓢ ꓠꓬ ꓬꓲ-ꓢꓷ-ꓡꓰ ꓡ ꓞꓳ ꓔꓯ ꓢꓲꓺ ꓗꓷ ꓗ ꓠꓯꓸ ꓡꓲ-ꓪꓰ ꓐꓯ ꓟ ꓔꓲꓺ ꓒ ꓫꓵꓽ ꓔꓲ ꓒ ꓧꓪ ꓔꓯ ꓬꓲ ꓡꓰ ꓢꓲꓺ ꓗꓷˍ ꓡꓳ= ꓬꓲ-ꓢꓷ-ꓡꓰ ꓡ ꓞꓳ ꓘꓴꓽ ꓠꓯꓸꓼ ꓗꓪ ꓔꓲꓺ ꓒ ꓣꓱꓽ ꓠꓹ ꓟ ꓬꓲ ꓠꓬ ꓠꓲꓹ ꓡꓶꓽ ꓙꓳˍ ꓡꓳ=

ꓖꓳ ꓡꓱ ꓠꓬꓲ ꓘꓶꓽ ꓫꓵꓽ ꓡꓵꓺ ꓗꓪ ꓟ ꓔꓲꓺ ꓒ ꓐꓴ ꓠꓬ ꓬꓲ-ꓢꓷ-ꓡꓰ ꓡ ꓞꓳ ꓐꓰ ꓪꓴ-ꓢ ꓠꓬꓲꓽ ꓗꓴꓸ ꓚꓸꓼ ꓗꓪ ꓬꓲ ꓠꓬ ꓜꓲꓽ ꓟꓴꓽ ꓬꓰ ꓢꓴ ꓥ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓢꓲ ꓒ ꓬꓰ-ꓢꓴ ꓬꓲ ꓟꓲ ꓠꓯ ꓗꓪ ꓛꓲ ꓡ ꓕꓯ ꓔꓲꓺ ꓒ ꓠꓬ ꓖꓳ ꓗꓪ ꓐꓲꓺ ꓜꓲꓼ ꓡꓰꓳ= ꓘꓶꓽ ꓫꓵꓽ ꓡꓵꓺ ꓗꓪ ꓪꓴ-ꓢ ꓐꓰ ꓞꓳ ꓤ ꓜꓲꓽ ꓟꓴꓽ ꓬꓰˍ ꓟ ꓔꓲꓺ ꓒ ꓠꓬ꓾ ꓕꓲ ꓣꓳˍ ꓟ ꓔꓲꓺ ꓒ ꓠꓬ ꓢꓲ ꓒ ꓬꓰ-ꓢꓴ ꓒꓬꓱꓼ ꓡꓺꓳ=