ꓘꓴ ꓜꓲꓼ ꓞꓳ ꓔꓯ ꓢꓰꓼ ꓟ ꓚꓺ ꓟꓲꓽ (church history)

   ꓘꓴ ꓜꓲꓼ ꓞꓳ ꓔꓯ ꓢꓰꓼ ꓟ ꓚꓺ ꓟꓲꓽ

ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓔꓯ ꓢꓰꓼ ꓠ, ꓟ ꓣꓳ‐ꓟ ꓪ ꓔꓲ ꓐꓴ ꓓꓴ ꓙ ꓞꓷ ꓗꓷ ꓟ ꓥ ꓡꓳ꓿ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ  ꓪꓴ‐ꓢ ꓦꓻ ꓡꓱ ꓢꓴ  ꓟꓬꓽ ꓡ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓔꓯ ꓣꓳ‐ꓟ ꓪ ꓔꓲ ꓐꓴ ꓡꓰ ꓢꓰꓼ ꓟ ꓪꓴ. ꓠꓬꓲ   ꓬꓴ‐ꓔ ꓟꓵꓽ ꓢ‐ꓟ‐ꓡꓲ ꓟꓵꓽ ꓠꓱ ꓐꓯ ꓟꓵꓽ ꓮ ꓟꓬ, ꓗꓪ ꓣꓳ‐ꓟ ꓪ ꓔꓲ ꓐꓴ ꓡꓰ ꓢꓰꓼ ꓡ ꓟ ꓔꓯ ꓚꓴˍ ꓟ ꓪꓴ. ꓠꓬ ꓘꓰꓽ ꓙꓰ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓠꓬ ꓙꓰ‐ꓢꓴ‐ꓢ‐ꓡꓱ ꓡꓳ ꓒꓱ ꓗꓪ 12 ꓘꓳꓼ ꓔꓬ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓚꓺ ꓟ. ꓖꓶ ꓗꓷꓳ꓿  ꓢꓲꓺ ꓒ ꓬꓰ‐ꓢꓴ ꓦꓵꓻ ꓡ ꓟ ꓙꓵ, ꓗꓪ ꓣꓳ‐ꓟ ꓗꓴꓷꓼ ꓗꓪ ꓪ ꓔꓲ ꓩꓴ‐ꓡꓲ ꓠꓬ ꓪ ꓔꓲ ꓙꓵꓽ ꓟ ꓝꓲ. ꓟꓲ ꓥ ꓡꓳ꓿

ꓩꓴ‐ꓡꓲ ꓪ ꓔꓲ ꓠꓬ ꓢꓲꓺ ꓒ ꓬꓰ‐ꓢꓴ ꓦꓵꓻ ꓡ ꓗꓷ ꓗ, ꓠꓯ ꓤ ꓠꓱ ꓤ ꓐꓴ ꓞꓲꓼ (3) ꓘꓳꓼ ꓙꓳ ꓢꓴ ꓐꓴ ꓮꓽ ꓙꓵ ꓔꓯ ꓢꓰꓼ ꓠ, ꓟ ꓙꓵꓽ ꓪ ꓖꓶ ꓗꓷ ꓟ ꓥ ꓡꓳ꓿ ꓣꓳ‐ꓟ ꓩꓴ‐ꓡꓲ ꓪ ꓔꓲ ꓫꓵꓻ ꓡꓰ ꓗꓷ ꓗ, ꓠꓯ ꓬꓲ. ꓤ ꓥ ꓟ ꓪ ꓔꓲ Herod Agrippa ꓠꓬ ꓪ ꓔꓲ ꓒꓬꓱꓼ ꓡ ꓟ ꓥ ꓡꓳ꓿ ꓪ ꓔꓲ Herod Agrippa ꓠꓬ ꓬꓴ‐ꓔ ꓙꓵꓻ ꓠꓲ, ꓔꓯ ꓘꓳ, ꓣꓴ ꓢꓴ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓠ, ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓔꓯ ꓘꓳ, ꓣꓴ ꓢꓴ ꓟꓽ ꓔꓬ ꓟ ꓠ, ꓬꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴꓽ ꓠꓬꓲ ꓪ ꓔꓲ Herod Agrippa ꓠꓬ ꓝꓲ ꓓꓴ ꓬꓳ‐ꓦ ꓬꓲ. ꓮ ꓬꓲꓼ ꓬ‐ꓗꓴ ꓔꓯ ꓢꓰꓼ ꓗꓷ ꓟ ꓥ ꓡꓳ꓿

ꓝꓮꓲ ꓝꓲ ꓓꓴ ꓒꓲ‐ꓕꓱ ꓥ ꓟꓲ ꓐꓱ ꓓꓴꓽ ꓗꓪ ꓐꓱ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓝꓲ ꓓꓴ ꓒꓲ‐ꓕꓱ ꓔꓯ ꓠꓬ ꓟꓴ ꓗꓪ ꓝꓲ ꓓꓴ ꓡꓰ ꓚꓬꓴ ꓙ ꓗꓷ ꓟ ꓪꓴ. ꓠꓬꓲ ꓐꓱ ꓓꓴꓽ ꓗꓪ ꓐꓰ ꓡꓲ. ꓙꓰ ꓟ ꓥ ꓡꓳ꓿ ꓐꓱ ꓓꓴꓽ ꓕꓳ ꓦꓲꓻ ꓗꓪ ꓡꓳ. ꓢꓴ ꓐꓴ ꓔꓯ ꓪ ꓔꓲ ꓡꓰ ꓢꓰꓼ ꓗꓷ ꓟ ꓥ ꓡꓳ꓿