ꓘꓴ ꓜꓲꓼ ꓞꓳ ꓚꓺ ꓟꓲꓽ ꓗꓪ ꓐꓰ Tertullian ꓚꓱ,

#creditphoto #Tertullian

            ꓘꓴ ꓜꓲꓼ ꓞꓳ ꓚꓺ ꓟꓲꓽ ꓗꓪ ꓐꓰ  Tertullian ꓚꓱ,    

 Tertullian ꓠꓬ AD 190 ꓘꓳꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓬꓰ ꓙ ꓢꓲ ꓠꓬꓲ ꓙꓵꓻ ꓠꓲ, ꓚꓱ, ꓔꓯ ꓗ, ꓕꓽ ꓖꓶ ꓢꓴ ꓙꓲꓻ ꓫꓬ ꓢꓴ ꓕꓳ ꓣꓳ ꓥ ꓡꓳ꓿  Tertullian ꓔꓯ AD 160 ꓘꓳꓼ ꓕꓯ Carthage ꓡꓳ ꓒꓱ ꓗꓪ ꓬꓲ. ꓔꓯ ꓦꓵꓻ ꓗꓷꓳ꓿ ꓝꓮꓲ ꓬꓲ. ꓠꓬ Greek ꓥꓳꓽ ꓐꓰ Latin ꓥꓳꓽ ꓔꓯ ꓮ ꓘꓶ. ꓓꓻ ꓢꓴ ꓕꓲ ꓣꓳ ꓥ ꓢꓲ ꓠꓬꓲ ꓐꓯ ꓟꓴ ꓫꓬ, ꓒꓽ   ꓕꓲ ꓣꓳ ꓥ ꓡꓳ꓿

ꓬꓲ. ꓞꓲꓼ ꓣꓳꓻ ꓟ ꓙꓵ, ꓕꓯ ꓬꓲ. ꓠꓬ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓥ ꓡꓳ꓿ ꓬꓲ. ꓠꓬ ꓬꓲ. ꓙꓵ, ꓟꓶ ꓫꓵˍ ꓫꓵˍ ꓣꓳ‐ꓟ ꓗꓴꓷꓼ ꓗꓪ ꓟꓬꓱꓽ ꓬꓰ ꓗꓷ ꓢꓲ ꓠꓬꓲ (193) ꓘꓳꓼ ꓕꓯ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓒꓬꓱꓼ ꓡ ꓢꓴ ꓥ ꓡꓳ꓿

ꓬꓲ. ꓠꓬ Carthage ꓡꓳ ꓒꓱ ꓗꓪ ꓬꓯꓼ ꓡ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓙꓵꓻ ꓠꓲ, ꓚꓱ, ꓟꓽ ꓙꓲꓻ ꓢꓴ ꓐꓴ ꓡꓯ ꓒꓯ, ꓗꓪ ꓐꓰ ꓗ, ꓕꓽ ꓖꓶ ꓢꓴ ꓥ ꓡꓳ꓿ ꓬꓲ. ꓔꓯ “The Father of the Ecclesiastical Latin” ꓐꓰ ꓘꓴˍ ꓟ ꓥ ꓡꓳ꓿ ꓬꓲ. ꓠꓬ Latin ꓥꓳꓽ ꓗꓪ ꓐꓰ ꓪꓴ‐ꓢ ꓐꓯ ꓘꓶꓽ ꓐꓰ ꓙꓵꓻ ꓠꓲ, ꓚꓱ, ꓔꓯ ꓗ, ꓕꓽ ꓟ ꓕꓳ ꓶ ꓮ ꓟꓬ, ꓐꓳ ꓖꓶ ꓢꓴ ꓕꓲ ꓣꓳ ꓥ ꓡꓳ꓿

Tertullian ꓡꓰ ꓐꓳ ꓔ ꓟ ꓗꓪ ꓐꓰ ꓟꓬꓱꓺ ꓓꓳꓽ ꓮ ꓟꓬ, ꓙꓳ ꓟ ꓕꓳ ꓶ ꓠꓬ Apologeticus ꓕꓳ ꓶ ꓑꓷꓠ ꓥ ꓡꓳ꓿ ꓕꓱ ꓕꓳ ꓶ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓠꓲ, ꓚꓱ, ꓔꓯ ꓥꓳꓽ ꓡꓰ ꓟ ꓚꓱ, ꓗꓪ ꓐꓰ ꓟ. ꓟꓲꓽ ꓚꓺ ꓢꓴ ꓟ. ꓢꓴ ꓐꓴ ꓔꓯ ꓗ, ꓕꓽ ꓠ, ꓟ ꓐꓳ ꓔ ꓟ ꓕꓳ ꓶ  ꓥ ꓡꓳ꓿

ꓖꓳ ꓡꓱ ꓡꓰ ꓟꓽ ꓞꓲ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓟ. ꓖꓶ ꓟ ꓙꓵꓻ ꓠꓲ, ꓚꓱ, ꓠꓬ ꓠꓱ. ꓐꓯꓼ ꓢꓴ ꓐꓴ ꓙꓵꓻ ꓠꓲ, ꓕꓯ ꓢꓲ ꓢꓲꓽ ꓫꓬ ꓟ ꓐꓰ ꓟꓬꓱꓺ ꓓꓳꓽ ꓙꓳˍ ꓟ ꓚꓱ, ꓔꓯ ꓕꓳ ꓶ ꓑꓷꓠ ꓗꓪ ꓐꓳ ꓔ ꓟ ꓥ ꓡꓳ꓿

ꓗ. ꓠꓯ ꓕꓯ ꓬꓲ. ꓠꓬ ꓙꓵꓻ ꓠꓲ, ꓚꓱ, ꓗꓪ ꓮ ꓘꓶ. ꓢꓯꓼ ꓕꓵꓼ ꓢꓴ ꓕꓲ ꓣꓳ ꓒꓬꓱꓼ ꓡ ꓟ ꓥ ꓡꓳ꓿ ꓝꓮꓲ ꓬꓲ. ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓝꓴꓲ ꓕꓲ ꓐꓱ ꓠꓬ ꓖꓽ ꓖꓶ ꓟꓽ ꓓ ꓟ ꓝꓴꓲ ꓙꓳˍ ꓡꓳ ꓐꓰ ꓬꓲ. ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿ ꓬꓲ. ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓠꓲ, ꓚꓱ, ꓔꓯ ꓛꓴ ꓙꓳ ꓢꓴ ꓡꓯ ꓒꓯ, ꓗꓪ ꓗ, ꓕꓽ ꓖꓶ ꓢꓴ ꓕꓲ ꓣꓳ ꓥ ꓡꓳ꓿  

Add new comment

6 + 2 =