ꓘꓴ ꓜꓲꓼ ꓞꓳ ꓚꓺ ꓟꓲꓽ (St.Thomas Aquinas)

ꓘꓴ ꓜꓲꓼ ꓞꓳ ꓚꓺ ꓟꓲꓽ (St.Thomas Aquinas)

 ꓙꓲꓻ ꓫꓬ ꓢꓴ Thomas Aquinas ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓟꓲ ꓠꓯ ꓢꓷ. ꓠꓲ ꓮ ꓟꓬ ꓢꓷ. ꓟ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿ AD1225 ꓘꓳꓼ ꓗꓪ ꓐꓰ 1274 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓘꓴ  ꓗꓪ (Theology, Philosophy) ꓢꓷ. ꓠꓲ ꓔꓯ ꓟ. ꓠ, ꓟ ꓢꓯꓼ ꓕꓵꓼ ꓗꓷꓳ꓿ ꓖꓳ ꓟ ꓑꓶ ꓓꓴ ꓪꓴ‐ꓢ ꓟꓬꓱꓽ ꓟꓯꓼ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ ꓐꓰ ꓪꓴ‐ꓢ ꓟꓬꓱꓽ ꓟꓯꓼ ꓢꓴ ꓐꓴ ꓔꓯ ꓙꓲꓻ ꓫꓬ ꓢꓴ Thomas’ Theology ꓔꓯ ꓟ. ꓖꓶ ꓗꓷꓳ꓿ ꓠꓬꓲꓽ ꓧꓪ ꓕꓲ ꓧꓪ ꓟ Vatican ꓖꓪꓽ ꓙꓱ ꓜꓲꓼ ꓓꓴ ꓓꓳ ꓡꓰ ꓕꓯ Theology ꓪꓴ‐ꓢ ꓚꓱ, ꓔꓯ ꓮ ꓟꓬ ꓟ. ꓖꓶ ꓗꓷꓳ꓿
ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓪ ꓔꓲ Leo 8 ꓠꓬ ꓪꓴ‐ꓢ ꓚꓱ, ꓐꓰ ꓟꓲ ꓠꓯ ꓢꓷ. ꓠꓲ ꓕꓳ ꓶ ꓢꓷ. ꓢꓴ ꓐꓴ ꓔꓯ ꓧꓳꓽ ꓪꓴ ꓟꓴ ꓢꓲ ꓠꓬꓲ ꓙꓵꓻ ꓟ ꓚꓱ, ꓗꓪ ꓪꓴꓽ ꓟꓴ ꓡ ꓠ, ꓟ ꓢꓯꓼ ꓕꓵꓼ ꓗꓷꓳ꓿ AD 1893 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓠꓬ ꓢꓲꓽ ꓫꓬ ꓕꓳ ꓶ ꓗꓪ ꓐꓳ. ꓔ ꓟ ꓪꓴ‐ꓢ ꓐꓯ ꓘꓶꓽ ꓠꓬ ꓔꓱ ꓚꓰ ꓟ ꓥ ꓡꓳ ꓐꓰ ꓐꓯ ꓑꓶ ꓗꓷꓳ꓿ AD 1899 ꓘꓳꓼ ꓕꓯ ꓟꓽ ꓔꓱ ꓟꓽ ꓜꓳ ꓟ ꓟ. ꓟꓲꓽ ꓚꓺ ꓒ ꓐꓴ ꓚꓺ ꓟ ꓟ. ꓟꓲꓽ ꓔꓯ ꓟꓽ ꓘꓳ ꓣꓴ ꓠ, ꓟ ꓐꓯ ꓑꓶ ꓗꓷꓳ꓿