ꓘꓴ ꓜꓲꓼ ꓞꓳ ꓡꓰ ꓟ. ꓖꓶ ꓟ ꓙꓵꓻ ꓠ, ꓗꓽ ꓕꓽ ꓢꓴ ꓙꓲꓻ ꓫꓬ ꓢꓴ Athanasius (2) ꓕꓱ

ꓘꓴ ꓜꓲꓼ ꓞꓳ ꓡꓰ ꓟ. ꓖꓶ ꓟ ꓙꓵꓻ ꓠ, ꓗꓽ ꓕꓽ ꓢꓴ ꓙꓲꓻ ꓫꓬ ꓢꓴ Athanasius (2) ꓕꓱ

ꓖꓳ ꓕꓲ ꓙꓵ, ꓗꓪ Arian ꓠꓬ ꓪ ꓔꓲ ꓔꓯ ꓫꓵꓽ ꓪꓴꓽ ꓔꓯ ꓫꓬ, ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿ ꓓꓽ ꓪꓴ. ꓔꓯ ꓪ ꓔꓲ ꓠꓬ ꓟꓽ ꓘꓳ, ꓣꓴ ꓟ ꓥ ꓡꓳ꓿ ꓮꓣꓲꓮꓠ ꓠꓬ ꓙꓲꓻ ꓫꓬ ꓢꓴ Athanasius ꓔꓯ ꓟꓽ ꓔꓱ ꓟꓽ ꓜꓳ ꓟ ꓚꓱ, ꓗꓪ ꓐꓰ ꓝꓴꓲ ꓮ ꓟꓬ, ꓗꓳ. ꓔ ꓟ ꓥ ꓡꓳ꓿

ꓪ ꓔꓲ Constantine ꓠꓬ ꓙꓲꓻ ꓫꓬ ꓢꓴ Athanasius ꓔꓯ ꓙꓲꓻ ꓟ ꓟꓬꓱꓽ ꓢꓴ ꓐꓰ ꓡꓳ. ꓟꓳ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓪ ꓔꓲ Constantine ꓠꓬ ꓙꓲꓻ ꓫꓬ ꓢꓴ Athanasius ꓔꓯ ꓝꓴꓲ ꓙꓳˍ ꓡꓳ ꓐꓰ ꓓꓵ ꓙ  ꓟ ꓪꓴ.  ꓠꓬꓲ  Treves ꓟꓬꓱꓺ ꓔ ꓟ ꓟꓵꓽ ꓗꓪ ꓗꓼ ꓗꓷꓳ꓿ ꓪ ꓔꓲ Constantine ꓫꓵꓻ ꓘꓶꓽ ꓗꓪ ꓛꓲ ꓡ ꓟ ꓙꓵ, ꓔꓯ ꓝꓴꓲ ꓔꓲ ꓖꓶ ꓟꓶ ꓡꓰ ꓟ ꓥ ꓡꓳ꓿ Arian ꓜꓴꓻ ꓠꓬ Constantinople ꓡꓳ ꓒꓱ ꓔꓯ ꓙꓵꓽ ꓥ ꓟꓲ ꓖꓴ. ꓟꓶ Constantinople ꓡꓳ ꓒꓱ ꓗꓪ ꓙꓲꓻ ꓫꓬ ꓢꓴ Athanasius ꓔꓯ ꓬꓯꓼ ꓡ ꓠ, ꓟ ꓐꓯ ꓘꓶ ꓟ ꓥ ꓡꓳ꓿

ꓮꓓ (341) ꓘꓳꓼ ꓕꓯ Constantinople ꓡꓳ ꓒꓱ ꓗꓪ Arian ꓔꓲꓺ ꓒ ꓓꓽ ꓔꓯ ꓗꓼ ꓓꓳˍ ꓗꓷ ꓢꓲ ꓠꓬꓲ ꓠꓱ. ꓐꓯꓼ ꓕꓲꓺ ꓒ ꓓꓽ ꓕꓲ ꓣꓳ ꓔꓯ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓝꓲ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Athanasius ꓠꓬ ꓬꓲ ꓔꓯ ꓟꓽ ꓔꓱ ꓟꓽ ꓜꓳ ꓟ ꓚꓱ, ꓗꓪ ꓐꓰ ꓝꓴꓲ ꓓꓲ ꓟ ꓚꓱ, ꓮ ꓙꓵꓽ ꓔꓯ ꓔꓲꓺ ꓒ ꓪ ꓔꓲ ꓔꓯ ꓟ. ꓖꓶ ꓢꓲ ꓠꓬꓲ ꓫꓵꓽ ꓪꓴꓽ ꓔꓯ ꓫꓬ, ꓖꓶ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿ AD (346) ꓘꓳꓼ ꓕꓯ ꓪ ꓔꓲ Constansius ꓠꓬ ꓙꓲꓻ ꓫꓬ ꓢꓴ Athanasius ꓔꓯ Egypt ꓗꓴꓷꓼ Alexandria ꓡꓳ ꓒꓱ ꓗꓪ ꓬꓯꓼ ꓡ ꓠ, ꓟ ꓐꓯ ꓗꓷ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ Athanasius ꓠꓬ (10) ꓘꓳꓼ ꓛꓲ ꓡꓰ ꓗ. ꓛꓲ ꓛꓲ ꓪꓴ‐ꓢ ꓟꓬꓱꓽ ꓗꓪ ꓬꓰ ꓪ ꓡꓰ ꓟ ꓥ ꓡꓳ꓿ ꓪ ꓔꓲ Constansius ꓫꓵꓻ ꓡꓰ ꓗ. ꓠꓯ ꓪ ꓔꓲ Julian ꓣꓳ‐ꓟ ꓗꓴꓷꓼ ꓔꓯ ꓙꓵꓽ ꓟ ꓥ ꓡꓳ꓿ ꓪ ꓔꓲ Julia ꓠꓬ ꓟꓽ ꓔꓱ ꓟꓽ ꓜꓳ ꓟ ꓟ. ꓟꓲ ꓚꓺ ꓢꓴ ꓐꓴ Arian ꓜꓴꓻ ꓗꓪ ꓐꓰ ꓔꓲꓺ ꓒ ꓐꓴ ꓔꓯ ꓬꓲ ꓔꓯ ꓗꓳ. ꓗꓷ ꓟ ꓙꓵ, ꓔꓯ ꓔꓬ ꓗꓷ ꓟ ꓔꓲ ꓗꓪ ꓝꓮꓲ ꓔꓬ ꓠ, ꓟ ꓐꓯ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Athanasius ꓠꓬ ꓘꓴ ꓜꓲꓼ ꓞꓳ ꓔꓯ ꓪꓴꓽ ꓟꓴ ꓡ ꓠ, ꓟ ꓟꓬꓱꓽ ꓔꓯ ꓬꓰ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓪ ꓔꓲ ꓠꓬ ꓟꓽ ꓠꓲ, ꓫꓵˍ ꓟ ꓪꓴ. ꓠꓬ ꓙꓲꓻ ꓫꓬ Athanasius ꓔꓯ ꓠꓱ. ꓐꓯꓼ ꓟꓵꓽ ꓗꓪ ꓔꓬ ꓝꓲꓳ꓿ ꓖꓳ ꓡꓱ ꓥ ꓟ ꓪꓴꓼ ꓠꓬꓲ ꓙꓲꓻ ꓫꓬ ꓢꓴ Athanasius  ꓥ ꓟꓲ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓪꓴ‐ꓢ ꓡꓰ ꓟ. ꓡ ꓓꓴ ꓥꓳ ꓐꓰ ꓐꓯ ꓗꓷ ꓟ ꓥ ꓡꓳ꓿ ꓖꓳ ꓗ. ꓠꓯ ꓟꓽ ꓟꓶ ꓫꓵˍ ꓟ ꓙꓵ, ꓔꓯ ꓪ ꓔꓲ Julia ꓠꓬ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓗꓪ ꓞꓳꓺ ꓡꓰ ꓟ ꓥ ꓡꓳ꓿ ꓖꓳ ꓗ. ꓠꓯ ꓣꓳ‐ꓟ Jovian ꓠꓬ ꓣꓳ‐ꓟ ꓪ ꓔꓲ ꓒꓬꓱꓼ ꓪ꓿ ꓪ ꓔꓲ ꓡꓰ ꓙꓲꓻ ꓫꓬ ꓢꓴ Athanasius ꓔꓯ Antioch ꓡꓳ ꓒꓱ ꓗꓪ ꓘꓴ ꓢꓲ ꓠꓬꓲ ꓬꓲ ꓔꓯ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓙꓵꓻ ꓠꓲ, ꓚꓱ, ꓔꓯ ꓟ. ꓖꓶ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿

ꓪ ꓔꓲ Jovian ꓫꓵꓻ ꓡꓰ ꓗ. ꓠꓯ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓪ ꓔꓲ ꓐꓴ ꓣꓳ‐ꓟ ꓗꓴꓷꓼ ꓔꓯ ꓙꓵꓽ ꓟ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓙꓲꓻ ꓫꓬ ꓢꓴ Athanasius ꓔꓯ ꓠꓱ. ꓐꓯꓼ ꓟꓵꓽ ꓗꓪ ꓟꓽ ꓗꓼ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ Athanasius ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓢꓲ ꓠꓬꓲ ꓢꓯ. ꓔꓬ ꓢꓲ ꓠꓬꓲ ꓗ. ꓠꓯ (6) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰ ꓟ ꓥ ꓡꓳ꓿