ꓘꓴ ꓜꓲ ꓞꓳ ꓚꓸꓸ ꓟꓲ

ꓘꓴ-ꓜꓲ-ꓞꓳ ꓚꓸꓸ ꓟꓲꓽ ꓙꓲꓻ ꓫꓬ ꓢꓴ Leo

ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Leo ꓠꓬ Greek ꓗꓴꓷꓼ ꓗꓪ ꓙꓳˍ ꓟ ꓘꓴ-ꓜꓲ-ꓞꓳ ꓔꓯ ꓬꓰ ꓙ ꓚꓬꓴꓸ ꓙ ꓢꓴ ꓥ ꓡꓳ= ꓬꓲ ꓠꓬ ꓟꓲ ꓠꓯ ꓢꓷꓸ ꓠꓲꓹ ꓕꓳꓽ ꓶ ꓐꓰ ꓮ ꓟꓬ ꓛꓲ ꓔꓱꓹ ꓚꓵˍ  ꓟ ꓔꓲ ꓒ   ꓪ ꓔꓲ ꓥ ꓡꓳ= ꓮ ꓟꓬ ꓫꓸ ꓔ ꓟ ꓕꓲ ꓙꓵꓹ ꓗꓪ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓠꓹ ꓟ ꓐꓱ ꓶ ꓪꓴ-ꓢ  ꓡꓰ ꓙꓵꓽ ꓪꓽ ꓖꓶ ꓔ ꓟ ꓥ ꓡꓳ=

 ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Leo ꓠꓬ ꓬꓲ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ 12 ꓘꓳꓼ ꓘꓴꓽ ꓗꓪ ꓮ ꓟꓬꓹ ꓛꓲ ꓫꓸ ꓓꓴ ꓔꓳꓹ ꓜꓳꓽ ꓗꓓ ꓪ= ꓬꓲ ꓡꓰ ꓘꓴ-ꓜꓲ-ꓞꓳ ꓔꓯ ꓚꓬꓴꓸ ꓙˍ ꓟ ꓠꓬ ꓧꓮꓠ ꓟꓯꓼ ꓜꓴꓻ ꓐꓴ ꓡꓯꓽ ꓒꓯꓹ ꓗꓪ ꓐꓰ ꓘꓴ-ꓜꓲ-ꓞꓳ ꓔꓯ ꓬꓰ ꓙ ꓗꓷ ꓪ= A.D 451 ꓘꓳꓼ ꓕꓯ ꓧꓮꓠ ꓟꓯꓼ ꓜꓴꓻ ꓠꓬ ꓟꓯꓼ ꓒ 200000 ꓣꓳ ꓐꓰ France ꓗꓴꓷꓼ ꓔꓯ ꓟꓯꓼ ꓢꓰꓼ ꓟꓯꓼ ꓓꓶꓽ  ꓡꓯꓽ ꓘꓳꓹ ꓟ ꓥ ꓡꓳ=

HAN ꓟꓯꓼ ꓜꓴꓻ ꓠꓬ Italy ꓗꓴꓷꓼ ꓔꓯ ꓟꓲ ꓟꓯꓼ ꓢꓰꓼ ꓟꓯꓼ ꓓꓶꓽ ꓡꓰ ꓟ ꓥ ꓡꓳ= ꓗꓴꓷꓼ ꓘꓴꓽ ꓗꓪ ꓔꓬ ꓟ ꓡ ꓞꓳ ꓮ ꓟꓬꓸ ꓟꓲ ꓫꓵꓻ ꓟ ꓥ ꓡꓳ= ꓗꓴꓷꓼ ꓑ ꓫꓬꓼ ꓮ ꓟꓬꓸ ꓐꓰ ꓡ ꓞꓳ ꓔꓬꓹ ꓟ ꓦꓲꓻ ꓮ ꓟꓬꓸ ꓐꓬ ꓡꓰ ꓟ ꓔꓯ ꓡꓳꓸ ꓟꓳˍ ꓟ ꓪꓴꓸ ꓠꓬꓲ ꓙꓲꓻ ꓫꓬ ꓢꓴ ꓔꓲꓺ  ꓒ ꓪ ꓔꓲ Leo ꓠꓬ ꓧꓮꓠ ꓟꓯꓼ ꓜꓲꓽ ꓒ ꓐꓰ ꓫꓸ ꓕꓱ ꓠꓹ ꓟ ꓙꓰˍ ꓡꓳ=

ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Leo ꓠꓬ ꓧꓮꓠ ꓟꓯꓼ ꓜꓲꓽ ꓒ ꓔꓬ ꓗꓪ ꓙꓰˍ ꓕꓯ ꓑꓳ ꓟꓽꓔꓯꓹ ꓔꓯꓹ ꓙꓰˍ ꓟ ꓥ ꓡꓳ= ꓬꓲ ꓠꓬ ꓧꓮꓠ ꓟꓯꓼ ꓜꓲꓽ ꓒ ꓐꓰ ꓮ ꓟꓬꓹ ꓫꓸ ꓕꓱ ꓓꓳ ꓡꓰ ꓗꓸ ꓠꓯꓸ ꓧꓮꓠ ꓟꓯꓼ ꓜꓴꓻ ꓠꓬ ꓬꓲ ꓪ ꓔꓬ ꓟ ꓟꓵꓽ ꓗꓪ ꓡꓽ ꓙꓰˍ ꓟ ꓥ ꓡꓳ=ꓙꓲꓻ ꓫꓬ ꓢꓴ ꓔꓲꓺ ꓒ ꓪꓸ ꓔꓲ Leo ꓠꓬ ꓘꓴ-ꓜꓲ-ꓞꓳ ꓔꓯ ꓮ ꓟꓬꓹ ꓛꓲ ꓬꓰ ꓙ ꓔ ꓙ ꓢꓴ ꓙꓲꓻ ꓫꓬ ꓢꓴ ꓕꓲ ꓪ ꓥ ꓡꓳ =