ꓘꓴ ꓜꓲ ꓞꓳ ꓚꓸꓸ ꓟꓲ

ꓬꓲꓸ ꓪꓴꓸ ꓘꓴ-ꓜꓲ-ꓞꓳ ꓚꓱꓹ

ꓘꓴ-ꓜꓲ-ꓞꓳ ꓬꓲꓸ ꓪꓴꓸ ꓕꓯ ꓡ ꓞꓳ ꓮ ꓟꓬꓹ ꓔꓯ ꓬꓰ ꓙ ꓗꓷ ꓟ ꓥ ꓡꓳ= ꓪꓴ-ꓢ ꓶꓼ ꓓꓳꓽ ꓫꓱꓹ ꓓꓳꓽ ꓚ ꓠꓹ ꓟ ꓐꓱ ꓶ ꓥ ꓟꓲ  ꓘꓴ-ꓜꓲ-ꓞꓳ ꓠꓬ ꓮ ꓟꓬꓹ ꓛꓲ ꓢꓯꓼ ꓕꓵꓼ ꓗꓷ ꓪ= ꓮꓸꓓ 200 ꓘꓳꓼ ꓕꓯ ꓢꓲ-ꓒ ꓬꓰ-ꓢꓴ ꓔꓯ ꓦꓻ ꓡꓱ ꓢꓴ ꓘꓴ-ꓜꓲ-ꓞꓳ ꓠꓬ ꓮ ꓟꓬꓹ ꓟꓬꓽ ꓡ ꓟ ꓥ ꓡꓳ= ꓘꓴ-ꓜꓲ-ꓞꓳ ꓔꓯ ꓪꓴꓽ ꓟꓴ ꓡ ꓠꓹ ꓟ ꓙꓵꓽ ꓗ ꓛ ꓢꓲ ꓧꓳꓽ ꓪꓴꓸ ꓟꓴ ꓔꓬ ꓟ ꓥ ꓡꓳ=

ꓬꓲꓸ ꓪꓴꓸ ꓘꓴ-ꓜꓲ-ꓞꓳ ꓠꓬ ꓔꓲꓺ ꓒ ꓓ ꓐꓴ ꓡꓰ ꓧꓳꓽ ꓪꓴꓸ ꓟꓴ ꓢꓲ (Clergy) ꓐꓯˍ ꓟ ꓚꓳꓺ ꓡꓳ ꓡꓳ ꓬꓰ ꓙˍ ꓟ ꓙꓵꓽ ꓚꓱꓹ ꓡꓰ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓥ ꓡꓳ= ꓗꓸ ꓠꓯꓸ ꓠꓬ ꓡꓳ ꓒꓱ ꓓ ꓟ ꓔꓯ(Diocese) ꓐꓯˍ ꓟ ꓘꓴ-ꓜꓲ-ꓞꓳ ꓙꓵꓽ ꓔꓶꓸ ꓫꓬ ꓢꓲ ꓧꓳꓽ ꓪꓴꓸ ꓟꓴ ꓔꓬ ꓟ ꓥ ꓡꓳ= ꓡꓳ ꓒꓱ ꓓ ꓟ ꓗꓪ ꓔꓬ ꓟ ꓔꓲꓺ ꓒ ꓓ ꓐꓴ ꓠꓬ ꓙꓵꓽ ꓪ ꓙꓳˍ ꓟ ꓥ ꓡꓳ= Antioch ꓡꓳ ꓒꓱ꓾ Alexandria ꓡꓳ ꓒꓱ ꓐꓰ ꓣꓳ-ꓟ ꓗꓴꓷꓼ ꓗꓪ ꓟ ꓡꓳ ꓒꓱ ꓐꓴ ꓠꓬ ꓘꓴ-ꓜꓲ-ꓞꓳ ꓐꓱ ꓶ ꓟꓽ ꓙꓳ ꓟꓽ ꓓ ꓟ ꓡꓳ ꓒꓱ ꓐꓴ ꓥ ꓡꓳ=ꓮꓸꓓ 300 ꓘꓳꓼ ꓣꓳ-ꓟ ꓗꓪ ꓔꓬ ꓟ ꓔꓲꓺ ꓒ ꓓ ꓐꓴ ꓠꓬ (Bishop of Rome) ꓗꓪ ꓐꓰ (Diocese) ꓗꓪ  ꓔꓬ ꓟ ꓔꓲꓺ ꓒ ꓐꓴ ꓡꓰ ꓫꓵꓽ ꓪꓴꓺ ꓒꓬꓱꓼ ꓡˍ ꓕꓯ ꓫꓬꓹ ꓟꓽ ꓓ ꓟ ꓫꓵꓽ ꓪꓴꓺ ꓔꓯ  Vatican ꓗꓪ ꓐꓰ ꓣꓳꓸ ꓦꓲꓻ ꓫꓬ ꓢꓲ꓾ ꓫꓬꓹ ꓖꓶˍ ꓟ ꓥ  ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ꓾ Vatican ꓠꓬ ꓘꓴ-ꓜꓲ-ꓞꓳ ꓐꓱ ꓶ ꓟꓽ ꓙꓳ ꓟꓽ ꓓ ꓟ ꓡꓳ ꓒꓱ ꓥ ꓡꓳ=