ꓘꓴ-ꓜꓲ-ꓞꓳ ꓚꓺ ꓟꓲꓽ

#Pope Ancletus #creditphoto #rvalisu
ꓘꓴ-ꓜꓲ-ꓞꓳ ꓚꓺ ꓟꓲꓽ ꓔꓲꓺ ꓒ ꓪ ꓔꓲ Ancletus ꓚꓱꓹ
ꓔꓲꓺ ꓒ ꓪ ꓔꓲ Ancletus ꓠꓬ AD 100 ꓘꓳꓼ ꓕꓯ ꓮ ꓟꓬꓹ ꓟꓬꓱꓺ ꓓꓳꓽ ꓙꓳ ꓢꓴ ꓥ ꓡꓳ= ꓔꓲꓺ ꓒ ꓪ ꓔꓲ Ancletus ꓡꓰ ꓧꓳꓽ ꓪꓴꓸ ꓟꓴ ꓔꓬ ꓟ ꓘꓴ-ꓜꓲ-ꓞꓳ ꓥ ꓟꓲ ꓮꓽ ꓟꓬꓹ ꓪꓴꓽ ꓟꓴ ꓡ ꓟ ꓔꓯ ꓡꓳꓸ ꓟꓳ ꓪ ꓓꓹ ꓡꓳ= ꓗꓴꓷꓼ ꓙꓵꓽ ꓚꓱꓹ ꓗꓪ ꓥ ꓟꓲ ꓔꓲꓺ ꓒ ꓪ ꓔꓲ ꓠꓬ ꓮ ꓟꓬꓹ ꓬꓰ ꓙ ꓢꓴ ꓥ ꓡꓳ= ꓪꓴ-ꓢ ꓐꓯ ꓘꓶꓽ ꓶ ꓥꓳꓽ ꓫꓱꓹ ꓥꓳꓽ ꓚˍ ꓟ ꓗꓪ ꓥ ꓟꓲ ꓔꓲꓺ ꓒ ꓜꓴꓻ ꓮ ꓟꓬꓹ ꓒꓴ ꓖꓶ ꓢꓲ꓾ ꓬꓰ ꓙ ꓗꓷ ꓪ= ꓔꓲꓺ ꓒ ꓪ ꓔꓲ Ancletus ꓠꓬ ꓘꓴ-ꓜꓲ-ꓞꓳ ꓐꓰ ꓗꓴꓷꓼ ꓗꓪ ꓒꓬꓱꓼ ꓡˍ ꓟ ꓫꓵꓽ ꓪꓴ ꓓꓽ ꓟ ꓔꓯ ꓫꓬꓹ ꓖꓶ ꓢꓴ ꓥ ꓡꓳ=
 
ꓔꓲꓺ ꓒ ꓪ ꓔꓲ Ancletus ꓡꓰ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴˍ ꓟ ꓙꓵꓹ ꓗꓪ ꓠꓬ ꓟꓲ ꓠꓯ ꓡ ꓞꓳ ꓐꓴ ꓔꓯ ꓠꓵ ꓠꓲꓹ ꓗꓪ ꓐꓰ ꓗꓴꓷꓼ ꓔꓯ ꓧꓳꓽ ꓪꓴꓸ ꓟꓴ ꓠꓹ ꓟ ꓪ ꓔꓲ ꓐꓴ ꓔꓯ ꓫꓸ ꓕꓱ ꓖꓶˍ ꓟ ꓥ ꓡꓳ= ꓟꓲ ꓠꓯ ꓡ ꓞꓳ ꓔꓯ ꓫꓵꓻ ꓡꓰ ꓝꓲ ꓟ ꓡꓽ ꓛꓵꓸ (ꓑꓳ) ꓟꓽ ꓣꓴ ꓠꓹ ꓟ꓾ ꓗꓴꓷꓼ ꓔꓯ ꓙꓵꓽ ꓔꓬ ꓟ ꓪ ꓔꓲ ꓐꓴ ꓔꓯ ꓫꓹ ꓕꓱ ꓖꓶˍ ꓟ ꓥ ꓡꓳ= ꓔꓲꓺ ꓒ ꓪ ꓔꓲ Ancletus ꓠꓬ Germany ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴ ꓔꓯ ꓥ ꓟꓲ ꓫꓬꓹ ꓖꓶˍ ꓡꓳ= Germany ꓗꓴꓷꓼ ꓗꓪ ꓪ ꓔꓲ ꓠꓬꓲꓽ ꓣꓳ ꓓꓳ ꓡˍ ꓟ ꓪꓴꓸ ꓠꓬꓲ꓾ ꓑ ꓫꓬ ꓐꓴ ꓠꓬ ꓔꓲꓺ ꓒ ꓪ ꓔꓲ Ancletus ꓔꓯ ꓪ ꓔꓲ ꓢꓲꓺ ꓖꓶ ꓠꓹ ꓟ ꓓꓰ ꓡˍ ꓟ ꓥ ꓡꓳ= ꓔꓲꓺ ꓒ ꓪ ꓔꓲ Ancletus ꓠꓬ ꓗꓴꓷꓼ ꓔꓯ ꓙꓵꓽ ꓔꓬ ꓟ ꓪ ꓔꓲ ꓐꓴ ꓐꓰ ꓘꓴ-ꓜꓲ-ꓞꓳ ꓗꓪ ꓮꓽ ꓟꓬꓹ ꓬꓰ ꓙ ꓢꓴ ꓥ ꓡꓳ= ꓟꓬꓱꓺ ꓓꓳꓽ ꓮ ꓟꓬꓹ ꓙꓳ ꓢꓴ ꓟꓲ ꓥ ꓡꓳ
 
 
 
 
 
 
 
 
 
 
 
 
 
 

Add new comment

3 + 4 =