ꓘꓴ-ꓜꓲ-ꓞꓳ ꓚꓺ ꓟꓲꓽ

AD 1519 ꓘꓳꓼ ꓐꓰ 1789 ꓘꓳꓼ ꓕꓯ ꓘꓴ-ꓜꓲ-ꓞꓳ ꓘꓴꓽ ꓗꓪ ꓔꓳꓹ ꓜꓳꓽ ꓡꓰ ꓟ ꓫꓵꓽ ꓪꓴ ꓚꓱꓹ

AD 1519 ꓘꓳꓼ ꓐꓰ 1789 ꓘꓳꓼ ꓕꓯ ꓘꓴ-ꓜꓲ-ꓞꓳ ꓘꓴꓽ ꓗꓪ ꓫꓵꓽ ꓪꓴ ꓮ ꓟꓬꓹ ꓙꓳ ꓡꓰꓳ= ꓘꓴ-ꓜꓲ-ꓞꓳ ꓘꓴꓽ ꓗꓪ ꓙꓲ-ꓢꓴ ꓢꓲ ꓤ ꓮ ꓟꓬꓹ ꓠꓬ ꓒꓳꓹ ꓔꓴˍ ꓟ ꓙꓵꓹ ꓥ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓘꓴ-ꓜꓲ-ꓞꓳ ꓘꓴꓽ ꓗꓪ ꓒꓳꓹ ꓔꓴ ꓓꓴ ꓮ ꓟꓬꓹ ꓙꓳˍ ꓟ ꓗꓴꓷꓼ ꓐꓴ ꓠꓬ Swaziland꓾ Scotland  ꓐꓰ Germany ꓐꓴ ꓥ ꓡꓳ= ꓘꓴ-ꓜꓲ-ꓞꓳ ꓘꓴꓽ ꓗꓪ ꓒꓳꓹ ꓔꓴ ꓓꓴ ꓮ ꓟꓬꓹ ꓙꓳˍ ꓥ ꓟꓲ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓔꓲꓺ ꓒ ꓜꓴ ꓮ ꓟꓬꓹ ꓓꓳ ꓡ ꓟ ꓥ ꓡꓳ= ꓘꓴ-ꓜꓲ-ꓞꓳ ꓘꓴꓽ ꓗꓪ ꓫꓵꓽ ꓪꓴ ꓮ ꓟꓬꓹ ꓟꓬꓽˍ ꓥ ꓟꓲ ꓘꓴ-ꓜꓲ-ꓞꓳ ꓠꓬ ꓟꓽ ꓐꓬꓺ ꓡꓰ=

ꓘꓴ-ꓜꓲ-ꓞꓳ ꓔꓯ ꓒꓳꓹ ꓔꓴˍ ꓟ ꓬꓲ ꓤ ꓠꓬꓲ ꓤ ꓐꓴ ꓐꓰ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ 100 ꓘꓳꓼ ꓕꓲ ꓡꓰꓹꓼ ꓔꓬ ꓢꓲ ꓠꓬꓲ ꓗꓹ ꓛꓲ ꓛꓲ ꓐꓰ ꓞꓳ ꓙꓳ ꓢꓯꓸ ꓔꓬ ꓟꓶ ꓡꓰꓳ= ꓖꓳ ꓡꓱ ꓥ ꓟꓲ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓧꓹ ꓙꓰ ꓟ ꓬꓲ ꓤ ꓠꓬꓲ ꓤ ꓐꓴ ꓮ ꓟꓬꓹ ꓠꓬ ꓦꓻ ꓕꓲ ꓒꓳꓹ ꓗꓪ ꓮ ꓟꓬꓹ ꓟꓽ  ꓢꓯꓼ ꓕꓵꓼ ꓗꓷ ꓡꓰꓳ=ꓡ ꓞꓳ ꓮ ꓟꓬꓹ ꓠꓬ ꓙꓽ ꓗꓳ ꓠꓲ ꓐꓰ ꓠꓵ ꓠꓲꓹ ꓟꓽ ꓙꓳ ꓟ ꓔꓯ ꓡꓳꓸ ꓟꓳ ꓪˍ ꓡꓳ= ꓙꓵꓻ ꓠꓲꓹ ꓚꓱꓹ ꓗꓪ ꓥ ꓟꓲ ꓮ ꓟꓬꓹ ꓟꓽ ꓢꓯꓼ ꓕꓵꓼ ꓡꓰ ꓪ=