ꓘꓴ-ꓜꓲ-ꓞꓳ ꓚꓺ ꓟꓲꓽ

Martin Luther ꓚꓱꓹ

AD 1484 ꓘꓳꓼ ꓕꓯ Germany ꓗꓴꓷꓼ ꓗꓪ ꓬꓲ ꓔꓯ ꓦꓵꓻ ꓗꓷꓳ= Martin Luther ꓬꓲ ꓞꓲꓼ 20 ꓘꓳꓼ ꓕꓯ ꓬꓲ ꓛꓳ ꓒꓯꓹ ꓐꓰ ꓕꓲ ꓪ ꓙ ꓫꓱꓽ ꓔꓬ ꓕꓯ ꓟꓴ ꓖꓴꓽ ꓘꓶꓽ ꓡ ꓢꓲ ꓬꓲ ꓛꓳ ꓒꓯꓹ ꓠꓬ ꓫꓵꓻ ꓡꓰ ꓪ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ Martin Luther ꓠꓬ ꓪꓴ-ꓢ ꓔꓯ ꓙꓳꓺˍ ꓟ ꓪꓴꓸ ꓠꓬꓲ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓓꓵꓽ ꓙ ꓗꓷꓳ= ꓖꓳ ꓗ ꓠꓯꓸ Martin Luther ꓠꓬ ꓔꓲꓺ ꓒ ꓜꓴ ꓗꓪ ꓓꓵ ꓡꓰ ꓢꓲ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓗꓷꓳ=

Martin Luther ꓠꓬ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓕꓯ ꓟꓬꓱꓽ ꓬꓰˍ ꓟ ꓗꓪ ꓮ ꓟꓬꓹ ꓢꓯꓼ ꓕꓵꓼˍ  ꓥ ꓟꓲ ꓪꓴ-ꓢ ꓔꓯ ꓮ ꓟꓬꓹ ꓟꓽ ꓘꓴ ꓢꓴ ꓥ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓬꓲ ꓠꓬ ꓫꓸ ꓓꓴ ꓔꓳꓹ ꓜꓳꓽ ꓡ ꓕꓯ ꓬꓲ ꓠꓬ ꓧꓪꓸ ꓡꓰ ꓟꓽ ꓘꓴ=ꓖꓳ ꓡꓱ ꓥ ꓟ ꓪꓴꓹ ꓠꓬꓲ Martin Luther ꓠꓬ ꓤꓹ ꓠꓬꓲ ꓫꓵꓽ ꓠꓬꓲ ꓓꓴ ꓔꓯ ꓠꓬ ꓟꓲ ꓠꓯ ꓡ ꓞꓳ ꓐꓴ ꓠꓬ ꓧꓪꓸ ꓡꓰ ꓟꓽ ꓓ꓾ ꓪꓴ-ꓢ ꓣꓱꓽ ꓛꓰꓽ ꓗꓪ ꓐꓰ ꓧꓪꓸ ꓡꓲꓰ ꓓꓹ ꓡꓳ ꓐꓰ ꓙꓵꓻˍ ꓡꓳ= Martin Luther ꓓꓵꓽ ꓙˍ ꓟ ꓠꓬ ꓪꓴ-ꓢ ꓡꓰ ꓖꓶ ꓡ ꓟ ꓚꓬꓴ ꓙˍ ꓟ ꓣꓱꓽ ꓛꓰꓽ ꓠꓬ ꓙꓲˍ ꓟ ꓟꓬꓱꓽ ꓮ ꓫꓵꓽ ꓟꓲ ꓬꓰ ꓟꓽ ꓛꓵ= ꓝꓴꓲꓸ ꓮ ꓟꓬꓹ ꓙꓳˍ ꓥ ꓟꓲ ꓪꓴ-ꓢ ꓔꓯ ꓙꓵꓻˍ ꓠꓬ ꓟꓴꓽ ꓗꓪ ꓗꓴꓷꓼ ꓗꓪ ꓛꓲ ꓪ ꓓꓹ ꓡꓳ ꓐꓰ ꓙꓵꓻˍ ꓟ ꓥ ꓡꓳ=