ꓘꓴ-ꓜꓲ-ꓞꓳ ꓚꓺ ꓟꓲꓽ

ꓘꓴ-ꓜꓲ-ꓞꓳ ꓚꓺ ꓟꓲꓽ

Trent ꓖꓪ ꓙꓱꓻ ꓜꓲꓼ ꓓꓴ ꓓꓽ ꓟ ꓬꓰ ꓓꓳ ꓡꓰ ꓗꓸ ꓠꓯꓸ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓢꓴ ꓔꓲꓺꓒ ꓪ ꓔꓲ ꓐꓴ ꓚꓱꓹ ꓥ ꓡꓳ

ꓔꓲꓺꓒ ꓪ ꓔꓲ Pius 5 ꓠꓬ ꓮ ꓟꓬꓹ ꓓꓹ ꓟ ꓔꓲꓺꓒ ꓪ ꓔꓲ ꓕꓲ ꓪ ꓥ ꓡꓳ= ꓔꓲꓺ ꓒ ꓪ ꓔꓲ Pius ꓬꓲ ꓐꓹ ꓐ ꓐꓰ ꓟꓹ ꓟ ꓠꓬ ꓫꓸ ꓢꓴ ꓥ ꓟꓲ ꓬꓲ ꓔꓯ ꓦꓻ ꓕꓲ ꓒꓳꓹ ꓗꓪ ꓪꓴꓽ ꓟꓴ ꓡ ꓠꓹ ꓟ ꓐꓰ ꓔꓱ ꓚꓵˍ ꓟ ꓡ ꓞꓳ ꓒꓬꓱꓼ ꓡ ꓠꓹ ꓟ ꓟꓸ ꓖꓶ ꓗꓷꓳ= ꓔꓲꓺꓒ ꓪ ꓔꓲ Pius ꓠꓬ ꓞꓲꓼ ꓪꓴꓽ ꓡ ꓟ  ꓙꓵꓹ ꓗꓪ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓔꓲꓺ ꓒ ꓜꓴ ꓗꓪ ꓓꓵꓽ ꓡꓰ ꓢꓲ ꓔꓲꓺꓒ ꓕꓲ ꓪ ꓒꓬꓱꓼ ꓡ ꓪ= ꓝꓮꓲ ꓬꓲ ꓠꓬ ꓮ ꓟꓬ ꓙꓵꓻ ꓠꓲꓹ ꓙꓳ ꓢꓴ ꓐꓰ ꓔꓱꓹ ꓚꓵˍ ꓟ ꓔꓲꓺ ꓒ ꓕꓲ ꓪ ꓥ ꓟ ꓪꓴꓸ ꓠꓬꓲ ꓔꓲꓺ ꓒ ꓓꓽ ꓙꓵꓽ ꓪ ꓔꓯ ꓘꓳꓹ ꓣꓴ ꓟꓶ ꓡꓰꓳ= ꓔꓲꓺ ꓒ ꓪ ꓔꓲ Pius ꓠꓬ ꓔꓲꓺ ꓒ ꓓꓽ ꓙꓵꓽ ꓪ ꓔꓯ ꓘꓳꓹ ꓣꓴ ꓟꓶ ꓡꓰ ꓗꓷ ꓗꓸ ꓠꓯꓸ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓠꓹ ꓟ ꓐꓱ ꓶ ꓔꓲꓺ ꓒ ꓪ ꓔꓲ ꓙꓵꓽ ꓪ ꓔꓯ ꓘꓳꓹ ꓣꓴ ꓟꓶ ꓡꓰꓳ=

ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Pius ꓡꓰ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓙꓵꓹ ꓗꓪ ꓘꓴ-ꓜꓲ-ꓞꓳ ꓘꓴꓽ ꓗꓪ ꓫꓸ ꓓꓴ ꓮ ꓟꓬꓹ ꓔꓳꓹ ꓜꓳꓽ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Pius ꓮ ꓟꓬꓹ ꓪꓽ ꓘꓴ ꓢꓲ ꓢꓯꓼ ꓕꓵꓼˍ ꓟ ꓪꓴꓸ ꓠꓬꓲ ꓘꓴ-ꓜꓲ-ꓞꓳ ꓠꓬ ꓮ ꓟꓬꓹ ꓪꓴꓽ ꓟꓴ ꓡ ꓪ= ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Pius ꓡꓰ ꓧꓳꓽ ꓪꓴꓸ ꓟꓴ ꓢꓲ Trent ꓖꓪ ꓙꓱꓻ ꓜꓲꓼ ꓓꓴ ꓬꓰ ꓓꓳ ꓡꓰ ꓗꓸ ꓠꓯꓸ ꓘꓴ-ꓜꓲ-ꓞꓳ ꓘꓴꓽ ꓗꓪ ꓞꓳ ꓚꓱꓹ ꓐꓰ ꓙꓵꓽ ꓚꓱꓹ ꓮ ꓟꓬꓹ ꓔꓯ ꓢꓷꓸ ꓙ ꓟꓳ ꓙ ꓗꓷꓳ=ꓔꓲꓺ ꓒ ꓪ ꓔꓲ ꓔꓯ ꓬꓰ ꓙ ꓢꓴ ꓐꓰ ꓔꓲꓺꓒ ꓓꓽ ꓮ  ꓟꓬꓹ ꓔꓯ ꓥ ꓟꓲ ꓑ ꓗꓷ ꓪ=

ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Pius ꓠꓬ ꓮ ꓟꓬꓹ ꓢꓯꓼ ꓕꓵꓼˍ ꓟ ꓪꓴꓸ ꓠꓬꓲ Italy ꓗꓴꓷꓼ ꓗꓪ ꓙꓲ-ꓢꓴ ꓢꓲꓺ ꓤ ꓮ ꓟꓬꓹ ꓒꓬꓱꓼ ꓡꓹ ꓗꓷꓳ= ꓝꓮꓲ Italy ꓗꓴꓷꓼ ꓗꓪ ꓙꓲ-ꓢꓴ ꓢꓲꓺ ꓤ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓠꓹ ꓟ ꓬꓲ ꓡꓰ ꓫꓬꓹ ꓔꓶ ꓗꓷ ꓟ ꓥ ꓡꓳ=ꓔꓲꓺ ꓒ ꓪ ꓔꓲ Pius ꓠꓬ ꓢꓲꓺ ꓒ ꓬꓰ-ꓢꓴ ꓬꓲ ꓟꓹ ꓟ ꓟ-ꓡꓲ ꓔꓯ ꓮ ꓟꓬꓹ ꓠꓲꓹ ꓠꓵ ꓢꓴ ꓐꓰ ꓞꓳ ꓒꓵꓽ ꓢꓴˍ ꓟꓲ ꓥ ꓡꓳ= AD (1517) ꓘꓳꓼ ꓕꓯ Muslim ꓐꓴ ꓐꓰ ꓗ-ꓔꓳ-ꓡꓲ ꓙꓲ-ꓢꓴ ꓢꓲꓺ ꓤ ꓐꓴ ꓢꓰꓼ ꓡꓯ ꓘꓳˍ ꓟ Lepanto ꓢꓰꓼ ꓡꓯ ꓘꓳ ꓓꓶꓽ ꓡꓯ ꓘꓳˍ ꓟ ꓗꓪ ꓙꓲ-ꓢꓴ ꓢꓲꓺ ꓤ ꓐꓴ ꓧꓪꓸ ꓡꓰꓳ = ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓣꓳ-ꓢ-ꓣꓲ ꓪꓽ ꓘꓴ ꓓꓴ ꓔꓯ ꓙꓲ-ꓢꓴ ꓢꓲꓺ ꓤ ꓐꓴ ꓔꓯ ꓮ ꓕꓯ ꓟꓲ ꓪꓽ ꓘꓴ ꓠꓹ ꓟ ꓐꓯ ꓑꓶ ꓗꓷꓳ= ꓙꓲꓻ ꓫꓬ ꓢꓴ ꓔꓲꓺꓒ ꓪ ꓔꓲ Pius ꓠꓬ ꓬꓲ ꓧꓪꓽ ꓖꓳ ꓓꓱ ꓗꓪ ꓠꓸꓹ ꓓꓴ ꓔꓳꓹ ꓜꓳꓽ ꓔꓬ ꓥ ꓟꓲ ꓦꓻ ꓕꓲ ꓒꓳꓹ ꓗꓪ ꓮ ꓟꓬꓹ ꓢꓯꓼ ꓕꓵꓼ ꓗꓷꓳ=AD 1872 ꓘꓳꓼ ꓕꓯ ꓙꓲꓻ ꓫꓬ ꓢꓴ ꓔꓲꓺꓒ ꓪ ꓔꓲ Pius ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ=