ꓘꓴ-ꓜꓲ-ꓞꓳ ꓚꓺ ꓟꓲꓽ

ꓘꓴ-ꓜꓲ-ꓞꓳ ꓚꓻ ꓟꓲꓽ

England ꓪ ꓔꓲ Henry 8 ꓚꓱꓹ

ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓐꓰ England ꓪ ꓔꓲ Henry ꓠꓬ ꓗꓴꓷꓼ ꓙꓵꓽ ꓚꓱꓹ ꓐꓰ ꓘꓴ-ꓜꓲ-ꓞꓳ ꓚꓱꓹ ꓗꓪ ꓫꓵꓽ ꓪꓴ ꓮ ꓟꓬꓹ ꓙꓳˍ ꓟ ꓥ ꓡꓳ= England ꓪ ꓔꓲ Henry 8 ꓠꓬ (1509) ꓘꓳꓼ ꓐꓰ (1547) ꓘꓳꓼ ꓗꓪ ꓛꓲ England ꓗꓴꓷꓼ ꓔꓯ ꓙꓵꓽ ꓢꓴ ꓪ ꓔꓲ ꓥ ꓡꓳ= England ꓪ ꓔꓲ Henry 8 ꓠꓬ ꓦꓰꓼ ꓧꓪꓹ ꓡꓯꓽ ꓒꓯꓹ ꓝ ꓗꓷ ꓢꓴ ꓥ ꓡꓳ= ꓬꓲ ꓪꓴꓸ ꓕꓯ England ꓪ ꓔꓲ Henry 8 ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓙꓵꓻ ꓠꓲꓹ ꓚꓱꓹ ꓔꓯ ꓦꓻ ꓡꓱ ꓢꓴ ꓥ ꓡꓳ=ꓖꓳ ꓡꓱ ꓥ ꓟꓲ England ꓪ ꓔꓲ Henry 8 ꓠꓬ ꓘꓴ-ꓜꓲ-ꓞꓳ ꓗꓪ ꓐꓰ ꓡꓯꓽ ꓒꓯꓹ ꓝ ꓖꓶ ꓚꓱꓹ ꓗꓪ ꓫꓵꓽ ꓪꓴ ꓓꓳ ꓡꓰ ꓟ ꓥ ꓡꓳ= England ꓪ ꓔꓲ Henry ꓮ ꓬꓲꓼ Arthur ꓠꓬ Spain ꓪ ꓔꓲ ꓟ Catherine of Aragon ꓐꓰ (1502) ꓘꓳꓽ ꓕꓯ  ꓡꓯꓽ ꓒꓯꓹ ꓝ ꓗꓷꓳ= ꓖꓳ ꓡꓱ ꓥ ꓟꓲ Arthur ꓠꓬ Catherine ꓐꓰ ꓡꓯꓽ ꓒꓯꓹ ꓝ ꓗꓷ ꓟ ꓟꓽ ꓟꓶ ꓫꓵꓺ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳꓹ ꓬꓰꓳ=

ꓝꓮꓲ Catherine ꓐꓰ England ꓪ ꓔꓲ Henry 8 ꓔꓯ  ꓡꓯꓽ ꓒꓯꓹ ꓝ ꓖꓶ ꓠꓹ ꓟ ꓬꓰ ꓗꓷꓳ= England ꓪ ꓔꓲ Henry 8 ꓐꓰ ꓪ ꓔꓲ ꓟ Catherine ꓠꓬ ꓫꓵꓽ ꓜꓳꓽˍ ꓟ ꓥ ꓡꓳ= ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ ꓫꓵꓽ ꓜꓳꓽ ꓢꓴ ꓔꓯ ꓡꓯꓽ ꓒꓯꓹ ꓟꓽ ꓝ ꓖꓶ ꓟ ꓥ ꓡꓳ= ꓖꓳ ꓡꓱ ꓥ ꓟꓲ England ꓪ ꓔꓲ Henry 8 ꓠꓬ Catherine ꓐꓰ ꓡꓯꓽ ꓒꓯꓹ ꓝ ꓟꓶ ꓠꓹ ꓟ ꓐꓱ ꓶ ꓔꓲꓺꓒ ꓪ ꓔꓲ ꓔꓯ ꓓꓰꓽˍ ꓟ ꓥ ꓡꓳ=ꓔꓲꓺ ꓒ ꓪ ꓔꓲ ꓟꓽ ꓘꓳꓹ ꓣꓴ ꓥ ꓟꓲ England ꓪ ꓔꓲ Henry 8 ꓠꓬ ꓬꓲ ꓞꓲꓼ 15 ꓘꓳꓼ ꓕꓯ Catherine ꓐꓰ ꓡꓯꓽ ꓒꓯꓹ ꓝ ꓗꓷꓳ=AD (1509) ꓘꓳꓼ ꓕꓯ England ꓪ ꓔꓲ Henry 8 ꓠꓬ England ꓪ ꓔꓲ ꓒꓬꓱꓼ ꓡ ꓪ= England ꓪ ꓔꓲ Henry ꓠꓬ Catherine ꓐꓰ ꓤ ꓟꓶꓼ ꓤ ꓕꓲ ꓣꓳ ꓘꓳꓹ ꓣꓴ ꓟꓶ ꓡꓰꓳ= England ꓪ ꓔꓲ Henry 8 ꓠꓬ ꓪ ꓔꓲ ꓟ Catherine ꓡꓰ ꓤ ꓑꓸ ꓤ ꓟꓽ ꓦꓵꓻ ꓖꓶ ꓡ ꓟ ꓪꓴꓸ ꓠꓬꓲ ꓝꓮꓲ ꓕꓲ ꓧꓪꓹ ꓡꓯꓽ ꓒꓯꓹ ꓝ ꓟꓶ ꓠꓹ ꓟ ꓐꓱ ꓶ ꓔꓲꓺ ꓒ ꓪ ꓔꓲ ꓔꓯ ꓓꓰꓽˍ ꓡꓳ=ꓖꓳ ꓡꓱ ꓥ ꓟꓲ ꓔꓲꓺ ꓒ ꓪ ꓔꓲ ꓠꓬ ꓪꓴ-ꓢ ꓐꓯ ꓘꓶꓽ ꓗꓪ ꓙꓳˍ ꓟ ꓡꓰ ꓐꓰ ꓟꓽ ꓘꓳꓹ ꓣꓴ=

England ꓪ ꓔꓲ Henry 8 ꓠꓬ ꓗ-ꓔꓳ-ꓡꓲ ꓘꓴ-ꓜꓳ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓔꓲꓺ ꓒ ꓪ ꓔꓲ ꓔꓯ ꓮ ꓟꓬꓹ ꓧꓪꓹ ꓓꓰꓽˍ ꓥ ꓟꓲ ꓟꓽ ꓖꓶ ꓡ ꓟ ꓪꓴꓸ ꓠꓬꓲ ꓬꓲ ꓟꓶꓽ ꓕꓯ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓧꓹ ꓙꓰ ꓢꓲ ꓠꓬꓲ Englican ꓘꓴ-ꓜꓲ-ꓞꓳ ꓔꓯ ꓔꓶ ꓗꓷꓳ= England ꓪ ꓔꓲ Henry 8 ꓠꓬ Englican ꓘꓴ-ꓜꓲ-ꓞꓳ ꓗꓪ ꓪꓴꓽ ꓓꓰ ꓡꓰ ꓢꓴ ꓥ ꓡꓳ=England ꓗꓴꓷꓼ ꓗꓪ ꓔꓬ ꓟ ꓪꓴ-ꓢ ꓟꓬꓱꓽ ꓬꓰ ꓢꓴ ꓔꓲꓺ ꓒ ꓔꓲꓺ ꓟ ꓐꓴ ꓐꓰ  ꓗ-ꓔꓳ-ꓡꓲ ꓙꓲ-ꓢꓴ ꓢꓲ-ꓤ ꓐꓴ ꓠꓬ ꓮ ꓟꓬꓹ ꓔꓬ ꓫꓸ ꓟ ꓙꓳ ꓡꓰ ꓪ=