ꓘꓴ-ꓜꓲ-ꓞꓳ ꓚꓺ ꓟꓲꓽ

Martin Luther ꓐꓳ ꓔ ꓟ 95 ꓝꓲꓸ ꓚꓱꓹ

AD1517 ꓘꓳꓼ 10 ꓦ 13  ꓠꓬꓲ ꓕꓯ Martin Luther ꓠꓬ Indulgence ꓚꓱꓹ ꓔꓯ  ꓐꓳˍ ꓟ ꓥ ꓡꓳ= Martin Luther ꓡꓰ ꓐꓳ ꓔ ꓟ 95 ꓝꓲꓸ ꓗꓪ ꓠꓬ ꓬꓲ ꓓꓵ ꓙˍ ꓟ ꓚꓱꓹ ꓐꓰ ꓠ ꓠꓬꓲˍ ꓟ ꓚꓱꓹ ꓥ ꓡꓳ= Hans Hillerbrand ꓡꓰ ꓐꓯ ꓟ ꓠꓬ Martin Luther ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓔꓯ ꓓ ꓔꓳꓹ ꓓꓴ ꓟꓽ ꓥ꓾ ꓐꓰ ꓐꓯ ꓡꓳ= ꓖꓳ ꓡꓱ ꓥ ꓟꓲ ꓢꓷꓸ ꓠꓲꓹ ꓙꓳ ꓒ ꓐꓴ ꓮ ꓟꓬꓹ ꓠꓬ ꓘꓴ-ꓜꓲ-ꓞꓳ ꓥꓳꓽˍ ꓟ  ꓚꓱꓹ ꓔꓯ ꓐꓯ ꓟꓸ ꓠꓹ ꓟ ꓥ ꓡꓳ꓾ ꓐꓰ ꓐꓳ ꓔ ꓡꓳ=

Martin Luther ꓡꓰ ꓐꓳ ꓔ ꓟ 89 ꓝꓲꓸ ꓗꓪ ꓠꓬ Germany ꓗꓴꓷꓼ ꓗꓪ ꓔꓬ ꓟ ꓒꓴꓻ ꓫꓵꓺ ꓮ ꓟꓬꓹ ꓙꓳ ꓢꓴ ꓐꓴ ꓐꓰ ꓣꓳ-ꓟ ꓡꓳ ꓒꓱ ꓗꓪ ꓙꓳˍ ꓟ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ ꓮ ꓫꓵ ꓪꓴꓸ ꓠꓬꓲ ꓪꓽ ꓘꓴ ꓦꓲ ꓔꓯ ꓟꓽ ꓫꓬꓹ ꓡ ꓐꓰ ꓠ ꓠꓬꓲˍ ꓟ ꓥ ꓡꓳ= ꓮ ꓫꓵ ꓪꓴꓸ ꓠꓬꓲ ꓫꓸ ꓢꓴ ꓟꓷꓼ ꓢꓴ ꓗꓪ ꓐꓰ ꓒꓴꓻ ꓫꓵꓺ ꓮꓽ ꓡꓴꓺ ꓖꓳˍ ꓡ ? ꓐꓰ ꓠ ꓠꓬꓲˍ ꓟ ꓥ ꓡꓳ= Martin Luther ꓡꓰ ꓐꓯ ꓟ ꓠꓬ ꓚꓬꓴ ꓙˍ ꓟ ꓣꓱꓽ ꓛꓰ ꓠꓬ ꓪꓴ-ꓢ ꓡꓰ ꓖꓶˍ ꓟ ꓥ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓮ ꓫꓵꓽ ꓪꓴꓸ ꓠꓬꓲ Indulgence ꓡꓯ ꓫꓴ ꓔꓯ ꓒꓴꓻ ꓫꓵꓺ ꓖꓶ ꓢꓲ ꓪꓴꓻ ꓠꓯꓹ ꓡ꓾ ꓐꓰ ꓠ ꓠꓬꓲ ꓡꓳ= ꓕꓱ ꓡꓱ ꓥꓳꓽˍ ꓟ ꓚꓱꓹ ꓔꓯ ꓟꓽ ꓬꓰ ꓠꓹ ꓟ ꓐꓯ ꓟ ꓖꓶ ꓡꓳ=

AD 1518 ꓘꓳꓼ ꓕꓯ Martin Luther ꓬꓲ ꓛꓳ ꓒꓯꓹ ꓐꓴ ꓠꓬ Martin Luther ꓡꓰ ꓐꓳ ꓔ ꓟ ꓕꓳꓽ ꓶ ꓔꓯ Latin ꓥꓳꓽ ꓗꓪ ꓐꓰ ꓒꓳꓹ ꓗꓷ ꓢꓲ ꓡꓳ ꓒꓱ ꓮ ꓟꓬꓹ ꓗꓪ ꓑꓶ ꓗꓷ ꓪ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ Martin Luther ꓡꓰ ꓐꓳ ꓔ ꓟ 95 ꓚꓱꓹ ꓕꓳ ꓶ ꓠꓬ ꓬꓲꓸ ꓪꓴꓸ ꓟ ꓕꓳ ꓶ ꓑꓷꓠꓽ ꓒꓬꓱꓼ ꓡ ꓪ= ꓠꓬꓲꓽ ꓠꓽ ꓘꓴꓽ ꓗꓪ ꓕꓳꓽ ꓶ ꓠꓬ Germany ꓗꓴꓷꓼ ꓗꓪ ꓒꓬꓱꓻ ꓡꓰ ꓪ= ꓦ ꓐ ꓠꓬꓲꓽ ꓟ ꓘꓴꓽ ꓗꓪ Europe ꓗꓴꓷꓼ ꓮ ꓟꓬꓹ ꓗꓪ ꓛꓲ ꓡꓰ ꓪ=