ꓘꓴ-ꓜꓲ-ꓞꓳ ꓚꓺ ꓟꓲꓽ

Huldrych Zwingli ꓚꓱꓹ

Huldrych Zwingli ꓠꓬ Switzerland ꓗꓴꓷꓼ ꓗꓪ ꓬꓲ ꓔꓯ ꓦꓵꓻ ꓗꓷꓳ= Huldrych Zwingli ꓠꓬ AD 1518 ꓘꓳꓼ ꓕꓯ Gross- munster ꓡꓳ ꓒꓱ ꓗꓪ ꓪꓴ-ꓢ ꓟꓬꓱꓽ ꓬꓰ ꓢꓴ ꓥ ꓡꓳ=  AD 1522 ꓘꓳꓼ ꓕꓯ Huldrych Zwingli ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓜ ꓚꓲꓸ ꓚꓲꓸ  ꓪꓽ ꓘꓴˍ ꓟ ꓚꓱꓹ ꓔꓯ  ꓮ ꓟꓬꓹ ꓥꓳꓽˍ ꓟ ꓚꓱꓹ ꓥ ꓡꓳ꓾ ꓐꓰ ꓐꓯ ꓟ ꓥ ꓡꓳ=ꓖꓳ ꓟ ꓡꓰ ꓟꓽ ꓞꓲ ꓬꓲ ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓓ ꓐꓴ ꓥꓳꓽ ꓡꓰ ꓟ ꓚꓱꓹ ꓔꓯ ꓐꓯ ꓔꓳꓹ ꓔ ꓟ ꓥ ꓡꓳ=

Huldrych Zwingli ꓠꓬ ꓪꓽ ꓘꓴ ꓦꓲ ꓘꓴꓽ ꓗꓪ ꓪꓴ-ꓢ ꓐꓬꓱꓽ ꓐꓰ ꓙꓲꓻ ꓫꓬ ꓢꓴ ꓐꓬꓱꓽ ꓔꓯ ꓪꓽ ꓘꓴ ꓦꓲ ꓗꓪ ꓟꓽ ꓗꓷ ꓠꓹ ꓟ ꓐꓯ ꓟ ꓥ ꓡꓳ=ꓬꓲ ꓠꓬ ꓗ-ꓔꓳ-ꓡꓲ ꓔꓲꓺ ꓒ ꓐꓴ ꓔꓯ ꓦꓲꓻ ꓢꓲ ꓟ ꓣꓴ ꓠꓹ ꓟ ꓐꓯ ꓟ ꓥ ꓡꓳ= ꓬꓲ ꓡꓰ ꓚˍ ꓟ ꓟꓸ ꓟꓲꓽ ꓔꓯ ꓘꓳꓹ ꓣꓴ ꓢꓴ ꓑ ꓫꓬ ꓐꓴ ꓐꓰ ꓟꓽ ꓘꓴ ꓣꓴ ꓢꓴ ꓐꓴ ꓢꓰꓼ ꓡꓯ ꓘꓳ ꓗꓷꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ Huldrych Zwingli ꓠꓬ Switzerland ꓘꓴꓽ ꓗꓪ ꓔꓬ ꓟ ꓙꓲꓻ ꓗꓷ ꓡꓰꓳ= AD 1529 ꓘꓳꓼ ꓕꓯ Martin Luther ꓐꓰ ꓮ ꓟꓬꓹ ꓚꓱꓹ ꓖꓪꓻ ꓙꓱꓻ ꓡꓯ ꓘꓳ ꓗꓷꓳ= Huldrych Zwingli ꓐꓰ Martin Luther ꓐꓴ ꓠꓬ ꓮ ꓟꓬꓹ ꓚꓱꓹ ꓪꓽ ꓡꓯ ꓘꓳˍ ꓥ ꓟꓲ ꓢꓲ ꓫꓬ ꓖꓳ ꓓꓱ ꓗꓪ ꓢꓲ-ꓒ ꓬꓰ-ꓢꓴ ꓚꓵꓺ ꓚꓵꓺ ꓔꓬ ꓡꓳ ꓐꓯ ꓟꓹ ꓘꓶꓽ ꓔꓯ ꓟꓽ ꓫꓱꓸ ꓡꓯꓽ ꓘꓳ ꓗꓷ ꓡꓰꓳ= AD 1531 ꓘꓳꓼ ꓕꓯ Huldrych Zwingli ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓐꓰ ꓟꓯꓼ ꓢꓰꓼ ꓡꓯ ꓘꓳˍ ꓕꓯ ꓫꓵꓻ ꓗꓷꓳ= Huldrych Zwingli ꓚˍ ꓟ ꓟꓸ ꓟꓲꓽ ꓔꓯ ꓘꓳꓹ ꓣꓴ ꓢꓴ ꓔꓯ Reformed Church ꓐꓰ ꓘꓴ ꓟ ꓥ ꓡꓳ=