ꓘꓴ-ꓜꓲ-ꓞꓳ ꓚꓺ ꓟꓲꓽ

AD 1545 ꓘꓳꓼ ꓕꓯ Trent ꓡꓳ ꓒꓱ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓬꓰˍ ꓟ ꓚꓱꓹ

ꓢꓲꓺ ꓒ ꓬꓰ-ꓢꓴ ꓙꓲ ꓢꓴ ꓡꓰ ꓔꓶ ꓔ ꓟ ꓘꓴ-ꓜꓲ-ꓞꓳ ꓥ ꓟ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ ꓘꓴ-ꓜꓲ-ꓞꓳ ꓘꓴꓽ ꓗꓪ ꓪꓴꓽ ꓟꓴ ꓡ ꓚꓱꓹ ꓔꓯ  Martin Luther ꓠꓬ ꓗ-ꓔꓳ-ꓡꓲ ꓗꓪ ꓐꓰ ꓟꓽ ꓧꓹ ꓗꓷ ꓕꓯ ꓡꓰ ꓟꓬꓱꓽ ꓬꓰ ꓔꓬ ꓟ ꓥ ꓡꓳ= Martin Luther ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓧꓹ ꓗꓷ ꓗ ꓠꓯꓸ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ ꓘꓴ-ꓜꓲ-ꓞꓳ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓬꓰ ꓠ ꓟ ꓬꓰˍ ꓟ ꓥ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓔꓲꓺ ꓒ ꓪ ꓔꓲ ꓒꓳ-ꓡꓳ (3) ꓠꓬ ꓫꓸ ꓓꓴ ꓟꓶ ꓓꓴ ꓮ ꓟꓬꓹ ꓙꓳˍ ꓥ ꓟꓲ ꓮꓓ 1545 ꓘꓳꓼ ꓕꓯ Trent ꓡꓳ ꓒꓱ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓬꓰ ꓗꓷ ꓪ=

ꓖꓪ ꓙꓱꓻ ꓜꓲꓼ ꓓꓴ ꓕꓱ  ꓟ ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓮ ꓟꓬꓹ ꓛꓲ ꓪꓴꓽ ꓡꓳꓹ ꓬꓰ ꓟ ꓥ ꓡꓳ= ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓧꓹ ꓡꓰ ꓟ ꓬꓲ ꓤ ꓠꓬꓲ ꓤ ꓐꓴ ꓘꓳꓹ ꓣꓳ ꓔꓬ ꓟ꓾ ꓥꓳꓽ ꓡꓰ ꓟ ꓙꓵꓻ ꓠꓲꓹ ꓚꓱꓹ ꓔꓯ ꓫꓬꓹ ꓔꓱ ꓟꓽ ꓐ ꓡ ꓥˍ ꓟꓲ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓙꓵꓻ ꓠꓲꓹ ꓚꓱꓹ ꓐꓰ ꓙꓵꓽ ꓗ ꓮ ꓟꓬꓹ ꓔꓯ ꓔꓶ ꓗꓷ ꓪ=ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓧꓹ ꓡꓰ ꓟ ꓬꓲ ꓤ ꓠꓬꓲ ꓤ ꓐꓴ ꓠꓬ ꓙꓲꓻ ꓫꓬ ꓢꓴ ꓐꓴ ꓐꓰ ꓢ-ꓗ-ꓟꓯ-ꓔꓴ(7) ꓟ ꓔꓯ ꓐꓰ ꓢꓲ ꓫꓬ ꓖꓳ  ꓓꓱ ꓗꓪ ꓢꓲ-ꓒ ꓬꓰ-ꓢꓴ ꓚꓵ ꓚꓵ ꓔꓬ ꓟ ꓔꓯ ꓟꓽ ꓘꓳꓹ ꓣꓴ ꓟ ꓥ ꓡꓳ= ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ  ꓘꓴ-ꓜꓲ-ꓞꓳ ꓘꓴꓽ ꓗꓪ ꓔꓬ ꓟ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓠꓹ ꓟ ꓔꓲꓺ ꓒ ꓐꓴ ꓐꓰ ꓟꓸ ꓒ ꓟꓸ ꓟ ꓐꓴ ꓮ ꓟꓬꓹ ꓔꓯ ꓟꓸ ꓟꓲꓽ ꓢꓳꓻ ꓦꓲꓻ ꓫꓬ ꓖꓶ ꓢꓲ ꓟꓸ ꓟꓲꓽ ꓟꓸ ꓖꓶˍ ꓟ ꓥ ꓡꓳ= ꓟꓲ ꓠꓯ ꓢꓷ ꓠꓲꓹ ꓢꓳꓻ ꓦꓲꓻ ꓮ ꓟꓬꓹ ꓔꓯ ꓥˍ ꓟꓲ ꓫꓬꓹ ꓖꓶ ꓗꓷ ꓟ ꓥ ꓡꓳ= ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ ꓮ ꓟꓬ ꓛꓲ ꓪꓴꓽ ꓟꓴ ꓡ ꓟ ꓔꓯ ꓡꓳꓸ ꓟꓳ ꓪˍ ꓡꓳ=ꓗ-ꓔꓳ-ꓡꓲ ꓘꓴ-ꓜꓲ-ꓞꓳ  ꓗꓪ ꓐꓰ ꓧꓹ ꓡꓰ ꓟ ꓬꓲ ꓤ ꓠꓬꓲ ꓤ ꓐꓴ ꓠꓬ ꓘꓴ-ꓜꓲ-ꓞꓳ ꓮ ꓟꓬꓹ ꓧꓹ ꓡꓰ ꓟ ꓔꓯ ꓡꓳꓸ ꓟꓳˍ ꓡꓳ=

Add new comment

1 + 0 =