ꓘꓴ-ꓜꓲ-ꓞꓳ ꓚꓺ ꓟꓲꓽ

ꓘꓴ-ꓜꓲ-ꓞꓳ ꓚꓺ ꓟꓲꓽ

ꓙꓲꓻ ꓫꓬ ꓢꓴ Francis Xavier ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ, ꓬꓰ ꓟꓲ꓾ ꓔꓲꓺꓒ ꓐꓴ ꓠꓬ A-ꓢꓲꓮ ꓟꓵꓽ ꓗꓪ ꓪꓴ-ꓢ ꓟꓬꓱꓽ ꓝꓮꓲ ꓬꓰ ꓔꓬ ꓟ ꓥ ꓡꓳ= ꓪꓴ-ꓢ ꓐꓯ ꓘꓶꓽ ꓚꓺ ꓟ ꓟꓬꓱꓽ ꓠꓬ Bangladesh ꓗꓴꓷꓼ꓾ India ꓗꓴꓷꓼ꓾ ꓟꓬ-ꓟ ꓗꓴꓷꓼ꓾ Thai ꓗꓴꓷꓼ꓾  Japan ꓗꓴꓷꓼ꓾ ꓠꓱꓸ ꓐꓯꓼ ꓗꓴꓷꓼ ꓮ ꓟꓬꓹ ꓗꓪ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓚꓺ ꓟꓸ ꓖꓶ ꓗꓷꓳ= ꓪꓴ-ꓢ ꓟꓬꓱꓽ ꓟꓯ ꓢꓴ ꓠꓬ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓠꓬꓲ ꓶꓼ ꓓꓳ ꓫꓱꓹ ꓓꓳ ꓚꓺ ꓗꓷꓳ= ꓖꓳ ꓡꓱ ꓥ ꓟꓲ ꓪꓴ-ꓢ ꓦ ꓡꓱ ꓡ ꓢꓴ ꓙꓲ-ꓢꓴ ꓢꓲꓺ ꓤ ꓮ ꓟꓬꓹ ꓟꓽ ꓟꓬꓽ ꓡ= India ꓗꓴꓷꓼ ꓗꓪ ꓪꓴ-ꓢ ꓐꓯ ꓘꓶꓽ ꓚꓺ ꓢꓴ ꓔꓲꓺ ꓒ ꓐꓴ ꓠꓬ India ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓡꓰ ꓐꓰ Hindu ꓙꓵꓻ ꓠꓲ ꓦ ꓡꓱ ꓢꓴ ꓡꓰ ꓐꓰ ꓢꓯꓸ ꓔꓬ ꓢꓲ ꓠꓬꓲ ꓪꓴ-ꓢ ꓐꓯ ꓘꓶꓽ ꓚꓺ ꓗꓷꓳ= India ꓗꓴꓷꓼ ꓡꓳꓸ ꓟꓯꓼ ꓐꓴ ꓠꓬ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓯ ꓢꓷꓸ ꓡꓰ ꓟ ꓪꓴꓸ ꓠꓬꓲ ꓔꓲꓺꓒ ꓐꓴ ꓔꓯ ꓢꓰꓼ ꓗꓷ ꓪ=

Japan ꓗꓴꓷꓼ ꓗꓪ ꓠꓬ ꓙꓲ-ꓢꓴ ꓢꓲꓺ ꓤ (1000000) ꓣꓳ ꓒꓬꓱꓼ ꓡ ꓪ= Japan ꓗꓴꓷꓼ ꓗꓪ ꓠꓬ ꓪꓴ-ꓢ ꓦ ꓡꓱ ꓢꓴ ꓮ ꓟꓬꓹ ꓟꓬꓽ ꓡ ꓟ ꓔꓯ Japan ꓪ ꓔꓲꓸ ꓠꓬ ꓟꓽ ꓠꓲꓹ ꓫꓵˍ ꓟ ꓪꓴꓸ ꓠꓬꓲ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓢꓰꓼ ꓗꓷ ꓢꓲ ꓬꓲꓸꓹ ꓙꓬ ꓗꓪ ꓡꓳ ꓗꓷ ꓪ= ꓪꓴ-ꓢ ꓦ ꓡꓱ ꓢꓴ ꓔꓯ ꓥ ꓟꓲ ꓮ ꓟꓬꓹ ꓫꓸ ꓓꓴ ꓟꓶ ꓓꓴ ꓖꓶˍ ꓟ ꓥ ꓡꓳ= ꓖꓳ ꓕꓲ ꓙꓵꓹ ꓗꓪ Jesuit ꓔꓲꓺ ꓒ ꓜꓴ ꓠꓬ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓧꓶꓽ  ꓟꓵꓽ ꓗꓪ ꓙꓰ ꓢꓲ ꓪꓴ-ꓢ ꓟꓬꓱꓽ ꓬꓰ ꓗꓷꓳ= Jesuit ꓔꓲꓺ ꓒ ꓜꓴꓻ ꓠꓬ ꓧꓶꓽ ꓟꓵꓽ ꓗꓪ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓡꓰ ꓧꓶꓽ ꓕꓳꓽ ꓶ ꓐꓰ ꓡꓲꓽ ꓒꓰꓼ ꓚꓱꓹ ꓔꓯ ꓢꓳ ꓣꓴ ꓢꓲ ꓪꓴ-ꓢ ꓟꓬꓱꓽ ꓬꓰ ꓗꓷ ꓪ= ꓔꓲꓺ ꓒ ꓐꓴ ꓠꓬ ꓧꓶꓽ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓟꓲ ꓠꓯ ꓢꓷꓸ ꓠꓲꓹ ꓕꓳ ꓶ ꓟꓸ ꓖꓶ ꓗꓷ ꓪ= ꓫꓸ ꓓꓴ ꓟꓶ ꓓꓴ ꓮ ꓟꓬꓹ ꓙꓳˍ ꓥ ꓟꓲ ꓪꓴ-ꓢ ꓟꓬꓱꓽ ꓬꓰˍ ꓟ ꓗꓪ ꓢꓯꓼ ꓕꓵꓼ ꓗꓷ ꓪ=

Add new comment

2 + 1 =