ꓘꓹ-ꓟꓱ-ꓡꓱ ꓡꓳ ꓒꓱ ꓟꓸ ꓟꓲꓽ

ꓘꓹ-ꓟꓱ-ꓡꓱ ꓪ ꓚꓲ ꓔꓯ ꓦꓲ-ꓐꓱ-ꓣꓴ ꓥꓳꓽ ꓗꓪ ꓐꓰ Har Hacarmel ꓾ Arabic ꓥꓳꓽ ꓗꓪ ꓐꓰ Jabal Al-Karmil꓾ Mount Mar Elias꓾ Jabal Mar Elyas꓾ Mount Saint Elias  ꓐꓰ ꓘꓴˍ ꓟ ꓥ ꓡꓳ=

ꓪ ꓚꓲ ꓠꓬ ꓟꓲ-ꓠꓯ-ꓔꓱ-ꓦꓲ-ꓬꓲ-ꓡꓴꓽ-ꓐꓱ ꓗꓪ ꓐꓰ ꓐꓶꓻ ꓓꓳ ꓖꓴ ꓟꓶꓸ ꓗꓪ ꓛꓲ ꓒꓬꓱ ꓙꓰˍ ꓟ ꓬꓲ-ꓢꓷ-ꓡꓲ ꓟꓵꓽ ꓖꓴ ꓪꓴꓸ ꓕꓲꓽ ꓛꓱꓽ ꓗꓪ ꓟ ꓪ ꓚꓲ ꓥ ꓡꓳ= ꓡꓳ ꓒꓱ ꓮ ꓟꓬꓹ ꓠꓬ ꓖꓴ ꓪꓴꓸ ꓐꓰ ꓖꓴ ꓟꓶꓸ ꓡꓳꓺ ꓖꓪ ꓗꓪ ꓛꓲ ꓓꓹ ꓟ ꓥ ꓢꓲ꓾ ꓖꓳ ꓗꓪ ꓟ Haifa ꓡꓳ ꓒꓱ ꓠꓬ ꓬꓲ-ꓢꓷ-ꓡꓲ ꓟꓵꓽ ꓗꓪ ꓟꓽ ꓓ ꓪꓴꓽ ꓓꓰˍ ꓟ ꓡꓳ ꓒꓱ ꓘꓴꓽ ꓗꓪ 3 ꓟ ꓕꓲ  ꓟ ꓥ ꓡꓳ=

ꓦꓲ-ꓐꓱ-ꓣꓴ ꓕꓳꓽ ꓶꓽ ꓗꓪ ꓾ ꓪꓽ ꓚꓲ ꓡꓳꓺ ꓖꓪ ꓗꓪ ꓠꓲꓹ ꓛꓵꓼˍ ꓟ ꓢꓲꓹ ꓜꓲ ꓢꓲꓹ ꓟꓲꓹ ꓐꓰ ꓭꓸ ꓘꓴ ꓓꓹ ꓟ ꓪꓴꓸ ꓠꓬꓲ ꓘꓹ-ꓟꓱ-ꓡꓱ ꓪ ꓚꓲ ꓠꓬ ꓛꓬꓻ ꓢꓴ ꓥꓳꓽ ꓢꓴ ꓐꓴ ꓑꓬ ꓠꓬꓹ ꓖꓴ ꓒꓬꓱꓼ ꓡ ꓗꓷꓳ=

ꓚ ꓟꓲꓽ ꓕꓳ ꓶ ꓗꓪ ꓠꓬ ꓾ ꓬꓲ-ꓡꓲ-ꓫ ꓠꓬ ꓙꓱ-ꓡꓱ-ꓘꓳ ꓗꓪ ꓐꓰ ꓐꓱ-ꓕꓷ-ꓡꓲ ꓗꓪ ꓙꓰ ꓔꓬ ꓕꓯ꓾ ꓙ ꓖꓴ ꓗꓪ ꓟ ꓘꓹ ꓒꓱ ꓕꓲ ꓟ ꓗꓪ ꓟ ꓤ ꓖꓴ ꓡꓯꓸ ꓤ ꓕꓲ ꓧꓳꓽ ꓡꓰ ꓬꓲ ꓔꓯ ꓤꓲ ꓢꓲ꓾ ꓪꓴꓸ ꓓꓲꓽ ꓒꓽ ꓳ ꓾ ꓕꓱ ꓟ ꓕꓽ ꓡꓯ꓾ ꓐꓰ ꓘꓴˍ ꓡꓳ= ꓖꓳ ꓕꓯ ꓬꓲ-ꓡꓲ-ꓫ ꓠꓬ ꓬꓲ ꓪ ꓔꓯ ꓟꓬ ꓔꓱꓹ ꓡꓳꓸ ꓔ ꓢꓲ꓾ ꓪꓴ-ꓢ ꓟꓬꓱ ꓗꓪ ꓐꓰ ꓬꓲ ꓪ ꓔꓯ ꓙꓱꓽ ꓗꓷ ꓠꓬ꓾ ꓡꓲ ꓛꓲ ꓗꓪ ꓐꓰ ꓪꓳꓻ ꓟ ꓠꓬꓲꓽ ꓟ ꓔꓷꓹ ꓓꓳ ꓡ ꓢꓲ ꓤ ꓖꓴ ꓡꓯꓸ ꓡꓲ ꓞꓲ ꓠꓬꓲꓽ ꓣꓳ ꓔꓯ ꓘꓳꓼ ꓢꓰꓼ ꓗꓷꓳ= ꓖꓳ ꓗꓪ ꓐꓰ ꓬꓲ-ꓡꓲ-ꓫ ꓠꓬ ꓘꓹ-ꓟꓱ-ꓡꓱ ꓪ ꓚꓲ ꓗꓪ ꓙꓰ ꓢꓲ ꓖꓳ ꓗꓪ ꓐꓰ ꓢ-ꓟ-ꓡꓲ ꓗꓪ ꓬꓲꓼ ꓙꓰˍ ꓡꓳ꓾ ꓐꓰ ꓐꓯ ꓔˍ ꓡꓳ=

Add new comment

10 + 5 =