ꓙꓬꓻ ꓫꓬ ꓢꓴ Lawrence ꓚꓱ, (Church history)

#rvalisu #church history #St.Lawence #creditphoto

Monday, July 17, 2023

ꓣꓳ‐ꓟ ꓪ ꓔꓲ ꓐꓴ ꓡꓰ ꓙꓬꓻ ꓫꓬ ꓢꓴ Lawrence ꓔꓯ ꓢꓰꓼ ꓗꓷ ꓟ ꓚꓱ,

ꓮꓓ 9254ꓘꓳꓼ ꓗꓪ ꓐꓰ 260 ꓘꓳꓼ ꓕꓯ ꓣꓳ‐ꓟ ꓗꓴꓷꓼ ꓗꓪ ꓪ ꓔꓲ Emperor Valerian ꓪ ꓔꓲ ꓙꓵꓽ ꓟ ꓙꓵ, ꓔꓯ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓮ ꓟꓬ, ꓝꓴꓲ ꓖꓶ ꓢꓲ ꓠꓬꓲ ꓢꓰꓼ ꓟ ꓙꓵ, ꓟꓲ ꓥ ꓡꓳ꓿ ꓖꓳ ꓕꓲ ꓙꓵ, ꓗꓪ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓠꓬ ꓔꓲꓺ ꓒ ꓪ ꓔꓲ Sixtus 2 ꓠꓬ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓐꓰ Deacon (6) ꓣꓳ ꓠꓬ ꓟꓲ‐ꓢ ꓔꓶ ꓖꓶ ꓪꓽ ꓘꓴ ꓔꓬ ꓟ ꓙꓵ, ꓕꓯ ꓣꓳ‐ꓟ ꓟꓯꓼ ꓐꓴ ꓡꓰ ꓣꓴ ꓢꓲ ꓠꓬꓲ ꓢꓰꓼ ꓟ ꓥ ꓡꓳ꓿ ꓕꓱ ꓢꓰꓼ ꓟꓶ ꓡꓰ ꓟ ꓓꓰꓮꓚꓳꓠ (6) ꓣꓳ ꓠꓯ, ꓗꓪ ꓙꓲꓻ ꓫꓬ ꓢꓴ ꓡꓮꓪꓰꓠꓚꓰ ꓥ ꓟꓲ ꓐ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓬꓲ ꓔꓯ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓞꓼ ꓞꓼ ꓟꓽ ꓢꓰꓼ ꓟ ꓥ ꓡꓳ꓿ ꓮ ꓫꓵꓽ ꓑꓶ. ꓓꓴ ꓬꓲ ꓔꓯ ꓞꓼ ꓞꓼ ꓟꓽ ꓢꓰꓼ ꓐꓯ ꓠꓬ ꓬꓲ. ꓠꓬ ꓘꓴ ꓜꓲꓼ ꓞꓳ ꓠꓯ ꓗꓪ ꓙꓳˍ ꓟ ꓒꓴ ꓫꓵˍ ꓔꓯ ꓡꓳ. ꓢꓴ ꓥ ꓟ ꓪꓴ. ꓠꓬꓲ ꓥ ꓡꓳ꓿ ꓕꓱ ꓡꓱ ꓐꓰ ꓙꓲꓻ ꓫꓬ ꓢꓴ ꓡꓮꓪꓰꓠꓚꓰ ꓔꓯ ꓘꓴ ꓜꓲꓼ ꓞꓳ ꓠꓯ, ꓗꓪ ꓙꓳˍ ꓟ ꓒꓴ ꓫꓵˍ ꓔꓯ ꓗꓴꓷꓼ ꓙꓵꓽ ꓪ ꓙꓳˍ ꓢꓴ ꓐꓴ ꓔꓯ ꓡꓯ ꓙꓱꓻ ꓠ, ꓟ ꓐꓯ ꓗꓷ ꓟ ꓥ ꓡꓳ꓿

ꓖꓳ ꓕꓲ ꓙꓵ, ꓗꓪ ꓣꓳ‐ꓟ ꓑ ꓫꓬ ꓮ ꓟꓬ, ꓠꓬ ꓫ. ꓢꓴ ꓟꓶ ꓢꓴ ꓐꓴ ꓥ ꓡꓳ꓿ ꓖꓳ ꓡꓰ ꓥ ꓟꓲ ꓙꓵꓽ ꓪ ꓙꓳˍ ꓢꓴ ꓐꓴ ꓠꓬ ꓫ. ꓢꓴ ꓟꓶ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓠ, ꓟ ꓟꓽ ꓓꓵ ꓙ ꓟ ꓥ ꓡꓳ꓿ ꓘꓴ ꓜꓲꓼ ꓞꓳ ꓠꓬ ꓫ. ꓢꓴ ꓟꓶ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓔꓬ ꓟ ꓟꓲ ꓥ ꓡꓳ꓿ ꓘꓴ ꓜꓲꓼ ꓞꓳ ꓡꓰ ꓙꓲꓻ ꓫꓬ ꓢꓴ ꓓꓰꓮꓚꓳꓠ ꓡꓮꓪꓰꓠꓚꓰ ꓔꓯ ꓫ. ꓢꓴ ꓐꓴ ꓔꓯ ꓡꓳ. ꓠ, ꓟ ꓙꓵꓽ ꓪ ꓖꓶ ꓔ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ ꓡꓮꓪꓰꓠꓚꓰ ꓠꓬ ꓣꓳ‐ꓟ ꓙꓵꓽ ꓪ ꓙꓳˍ ꓢꓴ ꓐꓴ ꓔꓯ ꓘꓴ ꓜꓲꓼ ꓞꓳ ꓒꓴ ꓫꓵˍ ꓔꓯ ꓡꓯꓽ ꓙꓱꓻ ꓠ, ꓟ ꓬꓲ ꓙꓵ, ꓢꓽ ꓠꓬꓲˍ ꓖꓶ ꓠ, ꓟ ꓓꓰ ꓟ ꓥ ꓡꓳ꓿ ꓕꓱ ꓢꓽ ꓠꓬꓲ ꓘꓴꓽ ꓗꓪ ꓙꓲꓻ ꓫꓬ ꓢꓴ ꓡꓮꓪꓰꓠꓚꓰ ꓠꓬ ꓫ. ꓢꓴ ꓟꓷꓼ ꓢꓴ ꓠꓻ ꓢꓴ ꓒꓬ ꓢꓴ ꓐꓴ ꓐꓰ ꓛꓲ ꓒꓯ ꓟꓽ ꓙꓲˍ ꓢꓴ ꓐꓴ ꓐꓰ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓔꓯ ꓣꓳ‐ꓟ ꓙꓵꓽ ꓪ ꓙꓳˍ ꓢꓴ ꓐꓴ ꓔꓬ ꓟ ꓔꓶ. ꓗꓪ ꓧꓳꓻ ꓛꓲ ꓡ ꓟ ꓥ ꓡꓳ꓿

ꓖꓳ ꓕꓲ ꓙꓵ, ꓗꓪ ꓙꓲꓻ ꓫꓬ ꓡꓮꓪꓰꓠꓚꓰ ꓠꓬ ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓠꓯ, ꓗꓪ ꓙꓳˍ ꓟ ꓒꓴ ꓫꓵˍ ꓥ ꓡꓳ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓕꓯ ꓐꓯ ꓖꓶ ꓡꓳ꓿ ꓖꓳ ꓕꓲ ꓙꓵ, ꓗꓪ ꓣꓳ‐ꓟ ꓙꓵꓽ ꓪ ꓙꓳˍ ꓢꓴ ꓐꓴ ꓠꓬ ꓮ ꓟꓬ, ꓛꓲ ꓠꓲ, ꓟ ꓩꓴ ꓡ ꓢꓲ ꓠꓬꓲ ꓙꓲꓻ ꓫꓬ ꓢꓴ ꓡꓮꓪꓰꓠꓚꓰ ꓔꓯ ꓮ ꓟꓬ, ꓞꓼ ꓟ ꓮ. ꓔꓳ. ꓒꓱ ꓗꓪ ꓛꓲ ꓩꓴ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ ꓡꓮꓪꓰꓠꓚꓰ ꓠꓬ ꓬꓲ ꓔꓯ ꓣꓳ‐ꓟ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓢꓰꓼ ꓡ ꓥ ꓟꓲ ꓪ ꓫꓱ ꓐ ꓤꓲ ꓡꓰ ꓐꓰ ꓫꓵꓻ ꓠ, ꓟ ꓬꓰ ꓗꓷ ꓟ ꓥ ꓡꓳ꓿