ꓙꓲ‐ꓢꓴ ꓢꓲꓺ ꓤ ꓐꓴ ꓪꓴ‐ꓢ ꓟꓬꓱꓽ ꓬꓰ ꓟ ꓗꓪ ꓐˍ ꓟ ꓚꓱ,

ꓙꓲ‐ꓢꓴ ꓢꓲꓺ ꓤ ꓐꓴ ꓪꓴ‐ꓢ ꓟꓬꓱꓽ ꓬꓰ ꓟ ꓗꓪ ꓐˍ ꓟ ꓚꓱ,

ꓪꓴ‐ꓢ ꓟꓬꓱꓽ ꓬꓰ ꓕꓯ ꓪꓴ‐ꓢ ꓶꓽ ꓓꓳ ꓫꓱ, ꓓꓳꓽ ꓚꓺ ꓕꓯ ꓔꓲꓺ ꓒ ꓔꓲꓺ ꓟ ꓐꓴ ꓐꓰ ꓟ. ꓒꓽ ꓟ. ꓟ ꓐꓴ ꓡꓰ ꓪꓴ‐ꓢ ꓟꓬꓱꓽ ꓬꓰ ꓔꓬ ꓟ ꓟꓽ ꓥ ꓿ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓪꓴ‐ꓢ ꓬꓰ ꓟ ꓗꓪ ꓐˍ ꓟ ꓥ ꓡꓳ꓿ ꓘꓴ ꓜꓲꓼ ꓞꓳ ꓘꓴ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓶꓽ ꓓꓳ ꓫꓱ, ꓓꓳꓽ ꓚꓺ ꓠ, ꓟ ꓣꓳ ꓠꓯ, ꓗꓪ ꓥ ꓟꓲ ꓶꓽ ꓙꓳ ꓟ ꓥ ꓡꓳ꓿ ꓣꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓪꓴ‐ꓢ ꓐꓯ ꓘꓶꓽ ꓚꓺ ꓠ ꓟ ꓢꓯꓼ ꓕꓵꓼ ꓠ, ꓟ ꓙꓵꓽ ꓪ ꓙꓳ ꓡꓳ꓿ ꓘꓴ ꓜꓲꓼ ꓞꓳ ꓘꓴ ꓗꓪ ꓙꓲ‐ꓢꓴ ꓢꓲꓺ ꓤ ꓐꓯˍ ꓟ  ꓠꓬ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓢꓲꓼ ꓔ ꓢꓴ ꓔꓯ ꓡꓰ ꓐꓯ ꓟ ꓟꓽ ꓥ ꓿ ꓣꓳ ꓝꓴꓲ ꓓꓲꓼ ꓗꓷ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓠꓬ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓙꓵꓽ ꓪ ꓙꓳ ꓡꓳ꓿

ꓖꓳ ꓟ. ꓑꓶ. ꓓꓴ ꓣꓳ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓳ ꓐꓰ ꓕꓲ ꓪ ꓔꓬ ꓢꓴ ꓐꓴ ꓐꓰ ꓣꓳ ꓛꓳꓽ ꓒꓯ ꓐꓴ ꓔꓯ ꓪꓴ‐ꓢ ꓟ. ꓟꓲ ꓟ. ꓖꓶ ꓠ, ꓟ ꓣꓳ ꓠꓯ ꓗꓪ ꓙꓵꓽ ꓪ ꓙꓳ ꓡꓳ꓿ ꓪꓴ‐ꓢ ꓟꓬꓱꓽ ꓠꓬ  ꓟꓲ ꓠꓯ ꓞꓳ ꓞ ꓔꓯ ꓟꓽ ꓪ ꓡꓯ ꓘꓳ ꓟꓽ ꓫꓱ ꓡꓯ ꓘꓳ ꓟ꓾      ꓡꓯ ꓫꓴꓻ ꓔꓯ ꓖꓶˍ ꓔ ꓟ ꓥ ꓡꓳ꓿ ꓙꓲ‐ꓢꓴ‐ ꓢꓲꓺ ꓤ ꓐꓴ ꓠꓬ ꓟꓲ ꓠꓯ ꓗꓪ ꓢꓯ. ꓔꓬ ꓕꓯ ꓟꓽ ꓙꓳ ꓟꓽ ꓔ ꓟ ꓜꓽ ꓓꓴ ꓓꓳꓻ ꓓꓴ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓝꓮꓲ ꓪꓴ‐ꓢ ꓟꓬꓱꓽ ꓬꓰ ꓢꓴ ꓔꓯ ꓬꓰ ꓙ ꓔꓳ ꓙ ꓠ, ꓟ ꓙꓵꓽ ꓪ ꓙꓳˍ ꓡꓳ꓿

ꓪꓴ‐ꓢ ꓠꓬ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓬꓰ ꓠ, ꓟ ꓟꓬꓱꓽ ꓥ ꓟꓲ ꓖꓶˍ ꓔ ꓟ ꓥ ꓡꓳ꓿ ꓝꓮꓲ ꓪꓴ‐ꓢ ꓐꓯ ꓘꓶꓽ ꓶꓽ ꓓꓳ ꓫꓱ, ꓓꓳꓽ ꓚꓺ ꓒꓬꓱꓼ ꓙꓰ ꓠ, ꓟ ꓣꓳ ꓔꓯ ꓘꓴˍ ꓟ ꓟꓲ ꓥ ꓡꓳ꓿ ꓣꓳ ꓟꓲ ꓠꓯ ꓡ ꓞꓳ ꓐꓴ ꓪꓴ‐ꓢ ꓔꓯ ꓢꓷ. ꓠ, ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓣꓳ ꓘꓳ ꓣꓴ ꓟꓶ ꓟ ꓙꓵꓻ ꓠꓲ ꓔꓯ ꓟ. ꓖꓶ ꓠ, ꓟ ꓐꓰ ꓐꓯ ꓟ. ꓖꓶ ꓠ, ꓟ ꓙꓵꓽ ꓪ ꓙꓳ ꓟ ꓥ ꓡꓳ꓿ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓙꓰ ꓡꓯ ꓫ. ꓟꓳ ꓪ꓿