ꓙꓲ‐ꓢꓴ ꓢꓲꓻ ꓤ ꓐꓴ ꓔꓯ ꓗ, ꓛꓲꓽ ꓛꓲ ꓡꓰ ꓔꓬ ꓝꓲ ꓢꓴ ꓪ ꓔꓲ Constantine the Great ꓪ ꓔꓲ ꓚꓱ,

  ꓙꓲ‐ꓢꓴ ꓢꓲꓻ ꓤ ꓐꓴ ꓔꓯ ꓗ, ꓛꓲꓽ ꓛꓲ ꓡꓰ ꓔꓬ ꓝꓲ ꓢꓴ ꓪ ꓔꓲ   Constantine the Great ꓪ ꓔꓲ ꓚꓱ,

AD (305) ꓘꓳꓼ ꓕꓯ ꓣꓳ‐ꓟ ꓗꓴꓷꓼ ꓗꓪ ꓪ ꓔꓲ Diocletian ꓐꓰ Maximian ꓐꓴ ꓠꓬ ꓣꓳ‐ꓟ ꓪ ꓔꓲ ꓙꓵꓽ ꓪ ꓗꓪ ꓐꓰ ꓠꓽ ꓡꓰ ꓟ ꓥ ꓡꓳ꓿ ꓣꓳ‐ꓟ ꓗꓴꓷꓼ ꓐꓶ ꓓꓳ ꓕꓲ ꓛꓱ ꓗꓪ ꓠꓬ Diocletian ꓬꓲ. ꓛꓲ. Emperor Galerius ꓠꓬ ꓙꓵꓽ ꓟ ꓥ ꓡꓳ꓿ ꓐꓶ ꓓꓵ ꓕꓲ ꓛꓱ ꓗꓪ ꓠꓬ Maximin ꓬꓲ. ꓛꓲ. Constantius Chlorus ꓡꓰ ꓙꓵꓽ ꓗꓷ ꓟ ꓥ ꓡꓳ꓿ ꓕꓲ ꓘꓳꓼ ꓐꓲ ꓡꓰ ꓠꓬ Emperor Constantius Chlorus ꓬꓲ. ꓛꓲ Contantine ꓡꓰ ꓙꓵꓽ ꓟ ꓥ ꓡꓳ꓿ 

ꓪ ꓔꓲ Constantine ꓔꓯ Serbia ꓗꓴꓷꓼ ꓗꓪ ꓦꓵꓻ ꓗꓷ ꓟ ꓥ ꓡꓳ꓿ ꓬꓲ. ꓪ ꓔꓲ ꓒꓬꓱꓼ ꓡ ꓟ ꓙꓵ, ꓕꓯ ꓬꓲ ꓞꓲꓼ (32) ꓘꓳꓼ ꓙꓳˍ ꓟ ꓥ ꓡꓳ꓿ Maximian ꓬꓲ ꓤ Maxentius ꓠꓬ Italy ꓗꓴꓷꓼ ꓐꓰ Africa ꓗꓴꓷꓼ ꓔꓯ ꓬꓲ ꓚꓲ. ꓛꓬ ꓪ ꓔꓲ ꓙꓵꓽ ꓪ ꓘꓳ, ꓣꓴ ꓢꓲ ꓠꓬꓲ ꓙꓵꓽ ꓟ ꓥ ꓡꓳ꓿ ꓪ ꓔꓲ Constantine ꓠꓬ ꓬꓲ ꓟꓯꓼ ꓜꓴꓻ ꓔꓯ Italy ꓗꓴꓷꓼ ꓟꓯꓼ ꓢꓰꓼ ꓡꓰ ꓟ ꓙꓵ, ꓕꓯ ꓪ ꓔꓲ Maxentine ꓔꓯ ꓧꓪ. ꓡꓰ ꓟ ꓥ ꓡꓳ꓿ ꓖꓳ ꓗ. ꓠꓯ ꓣꓳ‐ꓟ ꓗꓴꓷꓼ ꓗꓪ ꓡ ꓙꓰ ꓟ ꓥ ꓡꓳ꓿

ꓘꓴ ꓜꓲꓼ ꓞꓳ ꓚꓺ ꓟꓲ ꓬꓲ. ꓪꓴ. ꓓꓽ ꓪꓴ. ꓐꓳ ꓢꓴ Eusebius ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓪ ꓔꓲ Constantine ꓠꓬ ꓟꓯꓼ ꓟꓽ ꓢꓰꓼ ꓟꓽ ꓓꓰꓽ ꓢꓲ ꓕꓲ ꓟꓶꓽ ꓘꓶꓼ ꓕꓯ ꓟꓴ ꓗꓪ ꓗꓪ ꓡꓯ ꓐꓳ ꓔꓶ. ꓓꓴ ꓐꓬꓱ ꓔꓯ ꓡꓳ. ꓟꓳ ꓟ ꓐꓰ ꓡꓯ ꓐꓳ ꓔꓶ. ꓓꓴ ꓒ ꓕꓲ ꓗꓪ ꓧꓪ. ꓡꓰ ꓟ ꓐꓯ ꓟ ꓕꓳ ꓶ ꓔꓯ ꓡꓳ. ꓟꓳ ꓪ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓟꓴ ꓗꓪ ꓗꓪ ꓐꓰ ꓬꓲ. ꓢꓯꓼ ꓓꓳ ꓡ ꓟ ꓥ ꓡꓳ ꓣꓳ‐ꓟ ꓟꓯꓼ ꓒꓽ ꓐꓴ ꓣꓱ ꓟ ꓤꓱ ꓐꓬꓱ ꓔꓯ ꓟꓽ ꓣꓱ ꓢꓲ ꓠꓬꓲ ꓡꓯ ꓐꓳ ꓔꓶ. ꓓꓴ ꓐꓬꓱ ꓔꓯ ꓣꓱ ꓠ, ꓟ ꓐꓯ ꓔ ꓟ ꓐꓯ ꓘꓶꓽ ꓔꓯ ꓐ ꓙ ꓗꓷ ꓟ  ꓥ ꓡꓳ꓿

ꓟꓯꓼ ꓤꓲꓼ ꓒꓽ Maxentius ꓠꓬ ꓪ ꓔꓲ Constantine ꓪ ꓔꓲ ꓡꓰ ꓢꓰꓼ ꓡꓯꓽ ꓘꓳ, ꓟ ꓙꓳꓺ ꓡꓰ ꓟ ꓥ ꓡꓳ꓿ ꓖꓳ ꓡꓰ ꓥ ꓟ ꓪꓴ. ꓠꓬꓲ ꓪꓴ‐ꓢ ꓔꓯ ꓟꓽ ꓦꓻ ꓡꓱ ꓢꓴ ꓟꓯꓼ ꓤꓲꓼ ꓒ Maxentius ꓠꓬ Pagan ꓡꓰ ꓐꓳ ꓔ ꓟ ꓕꓳ ꓶ ꓔꓯ ꓡꓳ. ꓠꓬꓲˍ ꓕꓯ ꓣꓳ‐ꓟ ꓟꓯꓼ ꓐꓴ ꓠꓬ ꓟꓯꓼ ꓢꓰꓼ ꓡꓯꓽ ꓘꓳ ꓕꓯ ꓬꓲ ꓟꓶ ꓗꓶ ꓡꓰ ꓥꓳꓽ ꓐꓰ ꓐꓳ ꓔ ꓟ ꓕꓳ ꓶ ꓔꓯ ꓡꓳ. ꓟ ꓪꓴ. ꓠꓬꓲ ꓮ ꓘꓶ. ꓙꓳꓺ ꓡꓰ ꓟ ꓥ ꓡꓳ꓿  ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓯꓼ ꓤꓲꓼ ꓒ Maxentius ꓠꓬ ꓬꓲ. ꓟꓯꓼ ꓜꓴꓻ ꓔꓯ ꓪ ꓔꓲ Constantine ꓪ ꓔꓲ ꓐꓰ ꓢꓰꓼ ꓡꓯ ꓘꓳ, ꓠ, ꓟ Tiber ꓟꓬꓱꓽ ꓔ ꓟ ꓟꓵꓽ ꓗꓪ ꓛꓲ ꓙꓰ ꓝꓲ ꓟ ꓥ ꓡꓳ꓿

ꓪ ꓔꓲ Constantine ꓠꓬ ꓬꓲ ꓟꓯꓼ ꓜꓴꓻ ꓐꓰ ꓡꓳ ꓒꓱ ꓔꓯ ꓟꓯꓼ ꓔꓶ ꓧꓪ. ꓡꓰ ꓟ ꓥ ꓡꓳ꓿ ꓪ ꓔꓲ Constantine ꓐꓰ ꓟꓯꓼ ꓜꓴꓻ ꓔꓯ ꓑ ꓫꓬ ꓐꓴ ꓠꓬ ꓮ ꓟꓬ, ꓛꓲ ꓘꓳ ꓣꓴ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪ ꓔꓲ Constantine ꓔꓯ ꓟꓬꓱꓺ ꓓꓳꓽ ꓖꓶ ꓟ ꓢꓷ. ꓡꓰ ꓓꓴ ꓔꓯ ꓡꓳ ꓒꓱ ꓗꓪ ꓠꓬꓲ. ꓠꓬꓲ ꓗꓪ ꓛꓲ ꓙꓳˍ ꓟ ꓥ ꓡꓳ꓿ ꓪ ꓔꓲ ꓐꓬꓱ ꓔꓯ ꓑ ꓫꓬ ꓐꓴ ꓔꓯ ꓮ ꓘꓶ. ꓡꓳ. ꓐꓲ ꓠ, ꓟ ꓫꓬ, ꓖꓶ ꓦ ꓟ ꓥ ꓡꓳ꓿