ꓙꓲ-ꓢꓴ-ꓢꓲ-ꓤ ꓐꓴ ꓟꓬꓽ ꓡꓹ ꓟ ꓚꓱ ꓹ

#rvalisu #creditphot o #Church history #Ancent Christianity

 ꓧꓪ ꓧꓪꓸꓼ꓾ ꓠꓬꓲꓸ ꓠꓬꓲ ꓠꓬ ꓘꓴ ꓜꓲ ꓞꓳ ꓚꓺ ꓟꓲꓽ ꓕꓳꓽ ꓶ ꓗꓪ ꓐꓰ ꓙꓲ-ꓢꓴ-ꓢꓲ-ꓤ ꓟꓬꓽ ꓡꓹ ꓟ ꓚꓱꓹ ꓥ ꓡꓳ=

ꓢꓲꓺ ꓒ ꓬꓰ-ꓢꓴ ꓝꓲ ꓓꓴ ꓐꓴ ꓘꓴ ꓜꓲ ꓞꓳ ꓔꓯ ꓧꓳꓽ ꓪꓴꓸ ꓟꓴˍ ꓟ  ꓓ ꓪꓴꓸ (40) ꓘꓳꓼ ꓕꓯ꓾ ꓢꓲꓺ ꓒ ꓬꓰ-ꓢꓴ ꓔꓯ  ꓘꓳꓹ  ꓣꓳ ꓢꓴ ꓙꓲ-ꓢꓴ-ꓢꓲ-ꓤ ꓮ ꓟꓬꓸ ꓟꓬꓽ ꓡꓹ ꓡꓳ= ꓖꓳ ꓗꓸ ꓠꓯꓸ ꓙꓲ-ꓢꓴ-ꓢꓲ-ꓤ ꓟꓽ ꓟꓬ ꓡ ꓟ ꓔꓯ ꓡꓳꓸ ꓟꓳ ꓪ ꓓꓹ ꓡꓳ= ꓡꓳ ꓒꓱ ꓓꓽ ꓗꓪ ꓠꓬ ꓙꓲ-ꓢꓴ-ꓢꓲ-ꓤ ꓟꓬꓽ ꓡ ꓟ ꓔꓯ ꓡꓳꓸ ꓟꓳ  ꓓ ꓡꓳ= ꓮꓸꓓ (300) ꓘꓳꓼ ꓕꓯ꓾ ꓙꓲ-ꓢꓴ-ꓢꓲ-ꓤ ꓐꓴ ꓔꓯ ꓢꓰꓼˍ ꓟ ꓙꓵꓹˍ ꓟꓲ ꓛꓲꓺ ꓡꓹ ꓟ ꓥ ꓡꓳ= ꓖꓳ ꓡꓱ ꓥˍ ꓟꓲ ꓙꓲ-ꓢꓴ-ꓢꓲ-ꓤ ꓐꓴ ꓠꓬ ꓮ ꓟꓬꓹ ꓟꓬꓽ ꓡ ꓟ ꓥ ꓡꓳ= ꓪ ꓔꓲ Constatine’ ꓠꓬ ꓙꓲ-ꓢꓴ-ꓢꓲ-ꓤ ꓐꓴ ꓔꓯ ꓪꓴ-ꓢ ꓔꓯ ꓓꓳ ꓟꓴ ꓠꓹ ꓟ ꓙꓵꓽ ꓪ ꓖꓶ ꓗꓷꓳ ꓪ=

ꓘꓴ ꓜꓲ ꓞꓳ ꓠꓬ ꓣꓳ-ꓟ ꓗꓴꓷꓼ ꓗꓪ ꓐꓰ ꓠꓱꓸ ꓐꓯꓼ ꓗꓴꓷꓼ ꓮ ꓟꓬꓹ ꓗꓪ ꓟꓬꓽ ꓡ ꓪ= ꓣꓳ-ꓟ ꓗꓴꓷꓼ ꓗꓪ ꓔꓬ ꓟ  ꓑ ꓫꓬꓼ ꓐꓴ ꓠꓬ ꓢꓲꓺ ꓒ ꓬꓰ-ꓢꓴ ꓔꓯ ꓟꓽ ꓘꓳꓹ ꓣꓴ ꓢꓴ ꓮ ꓟꓬꓹ ꓠꓬ ꓢꓲꓺ ꓒ ꓬꓰ-ꓢꓴ ꓔꓯ ꓘꓳꓹ ꓣꓳ ꓡ ꓪ= ꓮꓸꓓ (450) ꓘꓳꓼ ꓕꓯ ꓒꓴꓻ ꓫꓵꓻ ꓙꓳˍ ꓟ ꓡꓽ ꓞꓳ ꓐꓴ ꓐꓰ ꓢꓷꓸ ꓠꓲꓹ ꓕꓳꓽ ꓶ ꓢꓷꓸ ꓢꓴ ꓡꓽ ꓞꓳ ꓐꓴ꓾ ꓢꓲ ꓒ ꓬꓰ-ꓢꓴ ꓔꓯ ꓮ ꓟꓬꓸ ꓘꓳꓹ ꓣꓴ ꓡ ꓪ= ꓣꓳ-ꓟ ꓗꓴꓷꓼ ꓗꓪ ꓔꓬ ꓟ ꓡ ꓞꓳ ꓐꓴ ꓥˍ ꓟꓲ ꓙꓲ-ꓢꓴ-ꓢꓲ-ꓤ ꓐꓴ ꓮ ꓟꓬꓹ ꓒꓬꓱꓼ ꓡ ꓪ=

ꓙꓲ-ꓢꓴ-ꓢꓲ-ꓤ ꓐꓴ  ꓓ ꓪꓴꓸ ꓳ-ꓣꓮꓪ-ꓑ ꓟꓵꓽ ꓐꓶꓻ ꓓꓵꓽ ꓗꓪ ꓟꓬꓽ ꓡ ꓢꓲ꓾ ꓝꓮꓲ ꓠꓬ ꓐꓶꓻ ꓓꓳ ꓗꓪ ꓥˍ ꓟꓲ ꓙꓲ-ꓢꓴ-ꓢꓲ-ꓤ ꓮ ꓟꓬꓹ ꓟꓬꓽ ꓡ ꓪ= Amania ꓗꓴꓷꓼ ꓗꓪ ꓥˍ ꓟꓲ ꓙꓲ-ꓢꓴ-ꓢꓲ-ꓤ ꓐꓴ ꓟꓬꓽ ꓡ ꓪ= Pasha ꓗꓴꓷꓼ ꓗꓪ ꓥˍ ꓟꓲ ꓙꓲ-ꓢꓴ-ꓢꓲ-ꓤ ꓮ ꓟꓬꓹ ꓒꓬꓱꓼ ꓡꓹ ꓡꓳ= ꓙꓲ-ꓢꓴ-ꓢꓲ-ꓤ ꓒꓬꓱꓼ ꓡꓹ ꓟ ꓔꓯ ꓟꓽ ꓠꓲꓹ ꓫꓵˍ ꓟ ꓪꓴꓸ ꓠꓬꓲ꓾ ꓪ ꓔꓲ ꓠꓬ ꓮ ꓟꓬꓹ ꓛꓲ ꓙꓲ-ꓢꓴ-ꓢꓲ-ꓤ ꓐꓴ ꓔꓯ ꓘꓶꓻ ꓙꓵꓹ ꓡꓳ= ꓖꓳ ꓡꓱ ꓥˍ ꓟꓲ  Pasha ꓗꓴꓷꓼ ꓗꓪ ꓙꓲ-ꓢꓴ-ꓢꓲ-ꓤ ꓮ ꓟꓬꓹ ꓟꓬꓽ ꓡ ꓪ= ꓝꓮꓲ ꓝꓸ ꓢꓲ ꓠꓬꓲ Arab ꓗꓴꓷꓼ ꓐꓰ ꓲndia ꓗꓴꓷꓼ  ꓗꓪ ꓛꓲ ꓙꓲ-ꓢꓴ-ꓢꓲ-ꓤ ꓟꓬꓽ ꓡ ꓪ=  

Add new comment

5 + 0 =