ꓙꓵꓻ ꓠꓲꓹ ꓠꓬ ꓥꓳ ꓡꓳꓸˍ ꓟ ꓬꓲ ꓦ ꓡꓱ ꓐꓳ ꓖꓴ ꓥ ꓢꓲ꓾ ꓟꓽ ꓟꓳ ꓢꓰꓽ ꓟ ꓬꓲ ꓗꓸ ꓚꓵ ꓥ ꓡꓳ꓿

ꓢꓲ ꓫꓬ ꓕꓳ ꓶꓽ ꓗꓪ ꓟ ꓟꓷ ꓠꓷꓹ ꓝ ꓒ ꓠꓳ-ꓪ꓾ ꓙꓵꓻ ꓠꓲꓹ ꓬꓲ ꓐꓹ ꓐ ꓐꓰ ꓢꓷꓸ ꓔ ꓟ ꓟꓷ ꓠꓷꓹ ꓝ ꓒ ꓮ-ꓐ-ꓡ-ꓦ꓾ ꓬꓲ-ꓢ꓾ ꓬ-ꓗꓴ ꓬꓲ ꓪ ꓐꓴˍ ꓡꓰ ꓐꓰ ꓟꓷ ꓠꓷꓹ ꓝ ꓢꓴ ꓐꓴ ꓮ ꓟꓬꓹ ꓠꓬ ꓬꓲ ꓪ ꓫꓸ ꓙꓵꓻ ꓟꓷ ꓙꓵꓻ ꓓꓴ ꓔꓳꓹ ꓜꓳꓽˍ ꓟꓲ ꓪꓴ-ꓢ ꓔꓯ ꓙꓵꓻˍ ꓟ ꓙꓵꓻ ꓠꓲꓹ ꓔꓯ ꓬꓲ ꓪ ꓟꓽ ꓡꓳꓺ ꓗꓷ= ꓕꓶꓻ ꓕꓶˍ ꓡꓰ ꓔꓵꓹ ꓔ ꓡꓳ=

ꓝꓮꓲ ꓠꓬ ꓟꓲꓺ ꓠꓯ ꓕꓱ ꓟ ꓗꓪ ꓙꓵꓻ ꓠꓲꓹ ꓟꓽ ꓙꓳ ꓟ ꓞꓳ ꓤ ꓟꓽ ꓙꓳ= ꓮ ꓡꓰ ꓕꓲ ꓣꓳˍ ꓟꓲ ꓮ ꓫꓵꓽ ꓔꓯ ꓦ ꓡꓱ ꓢꓴ ꓥˍ ꓟꓲ ꓚꓲꓸ ꓛꓬ ꓙꓵꓻ ꓠꓲꓹ ꓙꓳˍ ꓡꓳ= ꓕꓲ ꓫꓵꓽ ꓟꓽ ꓥ ꓕꓲ ꓫꓵꓽ ꓔꓯ ꓙꓵꓻ ꓢꓲ ꓢꓯꓸ ꓔꓬ ꓢꓴˍ ꓡꓰꓽ ꓥ ꓡꓳ=

ꓙꓵꓻ ꓠꓲꓹ ꓐꓯ ꓟ ꓠꓬ ꓪꓴ-ꓢ ꓔꓯ ꓙꓵꓻˍ ꓟ꓾ ꓘꓶꓸ ꓟꓶˍ ꓟ꓾ ꓚꓲꓸ ꓛꓬ ꓔꓯ ꓚꓲꓸ ꓛꓬ ꓙꓵꓻˍ ꓟ꓾ ꓕꓶ ꓞꓹ ꓟ ꓓꓵꓽ ꓙ ꓚꓱꓹ꓾ ꓦ ꓡꓱ ꓐꓳˍ ꓟ ꓐꓴ ꓔꓯ ꓐꓯ ꓟ ꓥ ꓡꓳ= ꓙꓵꓻ ꓠꓲꓹ ꓠꓬ ꓚꓲꓸ ꓛꓬ ꓥꓳ ꓡꓳꓸ ꓔ ꓟ ꓗꓪ ꓦ ꓡꓱˍ ꓟ ꓐꓰ ꓣꓳ ꓟꓬ ꓢꓶꓽ ꓐꓰ ꓟꓳꓻ ꓟꓽ ꓓ ꓥˍ ꓟꓲ ꓪꓴ-ꓢ ꓡꓰ ꓣꓳ ꓔꓯ ꓬꓰ ꓖꓶ ꓡˍ ꓟ ꓔꓯ ꓦ ꓡꓱ ꓐꓳ ꓔ ꓟ ꓥ ꓡꓳ= ꓣꓳ ꓤꓶꓻ ꓗꓪ ꓥˍ ꓟꓲ꓾ ꓠꓱꓸ ꓐꓯꓼ ꓕꓲ ꓣꓳ ꓣꓳ ꓞꓳ ꓙꓳ ꓔꓬ ꓟ ꓤꓶꓻ ꓗꓪ ꓥˍ ꓟꓲ ꓪꓴ-ꓢ ꓡꓰ ꓬꓰ ꓙ ꓖꓶ ꓔꓬ ꓟ ꓔꓯ ꓙꓵꓻ ꓠꓲꓹ ꓠꓬ ꓢꓷˍ ꓡꓳ=

ꓙꓵꓻ ꓠꓲꓹ ꓠꓬ ꓮ ꓟꓬ ꓬꓳꓸ ꓚꓵˍ ꓟ ꓮ ꓟꓬ ꓣꓱꓽ ꓞꓹ ꓟ ꓔꓯ ꓟꓬꓸ-ꓪ-ꓔꓲ ꓡꓳ ꓒꓱ ꓗꓪ ꓪꓴ-ꓢ ꓟꓬꓱꓽ ꓟꓯ ꓔꓬ ꓟ ꓣꓱꓽ ꓛꓰꓽ ꓘꓴ-ꓜꓲ-ꓞꓳ ꓗꓪ ꓟ ꓟꓸ ꓟ ꓕ-ꓣꓰ-ꓢ ꓡꓰ ꓕꓱ ꓡꓱ ꓐꓯ ꓟꓸ ꓖꓶ ꓔ ꓡꓳ=