ꓚꓬꓴ ꓢꓲ ꓒꓽ ꓡ ꓟ ꓤꓶ=

          ꓟꓸ ꓟꓲ ꓕꓱ ꓟ ꓗꓪ ꓢꓳ ꓛꓲ ꓬꓰ ꓠꓬ ꓬꓲ ꓕꓲ ꓟꓳꓽ ꓢ ꓘꓶꓽ ꓣꓱꓽ ꓠ ꓗꓷ ꓡꓰꓳ= 1ꓸ ꓘꓶꓽ ꓫꓵꓼ 2ꓸ ꓤ ꓟꓶ ꓤ 3ꓸ ꓘꓶꓽ ꓫꓵꓼ ꓡꓵ ꓗꓪ ꓟ ꓘꓴ ꓜꓲꓼ ꓞꓳ ꓐꓰ "ꓙꓲ-ꓢꓴ" ꓟꓸ ꓟꓲ ꓥ ꓡꓳ=
1ꓸ ꓘꓶꓽ ꓫꓵꓼ ꓘꓶꓽ ꓫꓵꓼ ꓐꓯ ꓠꓬ ꓒꓳꓹ ꓟꓽ ꓓ ꓟ ꓫꓸ ꓪ ꓐꓯ ꓞꓰꓹ ꓔ ꓟ ꓥ ꓡꓳ= ꓘꓶꓽ ꓫꓵꓼ ꓐꓯ ꓟ ꓔꓯ ꓠ ꓠꓬꓲ ꓘꓶꓽ ꓢ ꓘꓶꓽ ꓙꓳ ꓡꓳ= (1) ꓮ ꓟ ꓡꓰ ꓬꓰ ꓡꓳ= (2) ꓮ ꓡꓰ ꓗꓪ ꓬꓰ ꓡꓳ= (3) ꓮ ꓫꓵꓽ ꓐꓱ ꓶ ꓬꓰ ꓡꓳ ꓐꓯ ꓟ ꓥꓳ= ꓠ ꓠꓬꓲ ꓘꓶꓽ ꓕꓱ ꓢ ꓘꓶꓽ ꓔꓯ ꓒꓶ ꓠꓬ-ꓸ ꓮ-ꓓꓯ ꓐꓰ ꓰ-ꓪ ꓝꓴꓲ ꓠꓯꓹ ꓗꓪ ꓓꓵꓽ ꓡꓰ ꓕꓯ ꓬꓲ-ꓓꓰ ꓐꓱ ꓗꓪ ꓚꓬꓴ ꓢꓲ ꓒꓽ ꓖꓶ ꓠꓹ ꓟ ꓮ-ꓓꓯ ꓐꓰ ꓰ-ꓪ ꓔꓯ ꓪꓴ-ꓢ ꓡꓰ ꓘꓶꓽ ꓫꓵꓼ ꓖꓶ ꓔ ꓟ ꓠꓬ-ꓸ "ꓠꓴ ꓐꓰ ꓤ ꓟꓶ ꓤ ꓛꓴꓽ ꓙꓳ ꓡꓯ ꓘꓳꓹ ꓥꓳ-ꓸ ꓬꓲ ꓞꓲꓼ ꓤꓼ ꓡꓯ ꓤꓼ ꓡꓰ ꓠꓴ ꓪꓴꓸ ꓓꓵ ꓔꓯ ꓔꓲꓹ ꓠ ꓡꓰ ꓝꓲ ꓥꓳ=" ꓬꓲ ꓚꓰ ꓬꓲ ꓪꓴꓸ 3ꓽ15

         ꓮ-ꓓꓯ ꓐꓰ ꓰ-ꓪ ꓔꓯ ꓪꓴ-ꓢ ꓡꓰ ꓘꓶꓽ ꓫꓵꓼ ꓬꓰ ꓟ ꓗꓪ-ꓸ "ꓤ ꓟꓶ ꓤ" ꓣꓱꓽ ꓡꓳ= ꓪꓴ-ꓢ ꓡꓰ ꓤ ꓟꓶ ꓤ ꓣꓱꓽ ꓟ ꓕꓱ ꓕꓲꓽ ꓘꓶꓽ ꓮ ꓫꓵꓽ ꓪꓴꓸ ꓠꓬꓲ ꓣꓱꓽ ꓡꓳ= ꓬꓲꓸ ꓔꓶ ꓙꓱꓽ ꓠꓬ ꓮ ꓫꓵꓽ ꓥ ꓡꓳ= ꓐꓯ ꓠꓬ-ꓸ ꓪꓴ-ꓢ ꓬꓲ ꓤ ꓔꓲꓸ ꓚꓬꓴ ꓢꓲ-ꓒ ꓠꓬ ꓧꓪꓽ ꓙꓳ ꓫꓵꓽ ꓙꓳ ꓟ ꓡꓽ ꓞꓳ ꓒꓬꓱꓼ ꓡ ꓠꓹ ꓟ ꓤ ꓟꓶ ꓤ ꓡꓰ ꓦꓵ ꓠꓹ ꓟ ꓪꓴ-ꓢ ꓬꓲ ꓔꓶ ꓙꓱꓽ ꓬꓰ ꓠꓬꓲ-ꓸ "ꓤ ꓟꓶ ꓤ" ꓐꓰ ꓣꓱꓽ ꓔ ꓡꓳ= ꓖꓳ ꓡꓱ ꓠꓬꓲ ꓤ ꓟꓶ ꓤ ꓖꓳ ꓟ ꓮꓽ ꓟ ꓥ ꓡ? ꓬꓰ-ꓢꓴ ꓬꓲ ꓟꓹ ꓟ ꓟ-ꓡꓲ-ꓬ ꓥ ꓡꓳ= ꓖꓳ ꓡꓱ ꓠꓬꓲ ꓟ-ꓡꓲ-ꓬ ꓠꓬ ꓬꓲ ꓚꓰ ꓬꓲ ꓪꓴꓸ ꓬꓲ-ꓓꓰꓽ ꓐꓱ ꓗꓪ ꓪꓴ-ꓢ ꓡꓰ ꓣꓱꓽ ꓗꓷ ꓟ ꓐꓯ ꓘꓶꓽ ꓤ ꓟꓶ ꓤ ꓕꓱ ꓕꓲꓽ ꓘꓶꓽ ꓐꓲ ꓜꓲꓼ ꓡ ꓠꓹ ꓟ ꓙꓲ-ꓢꓴ ꓟꓲ ꓙꓬꓽ ꓟꓲ ꓠꓯ ꓗꓪ ꓛꓲ ꓡ-ꓳ= ꓖꓳ ꓡꓱ ꓠꓬꓲ ꓬꓲ ꓔꓯ ꓬꓲ ꓚꓰ ꓬꓲ ꓪꓴꓸ ꓝꓴꓲ ꓟꓽ ꓙꓳ  (ꓟꓽ ꓠꓷꓼ ꓞ) ꓬꓲ ꓟꓹ ꓟ ꓤꓽ ꓘꓶꓽ ꓗꓪ ꓖꓳ ꓓꓱꓽ ꓠꓬꓲꓽ ꓔꓱꓹ ꓐꓲ ꓡ ꓢꓴ ꓐꓰ 12 ꓦ 8 ꓠꓬꓲ ꓗꓪ ꓟꓬꓱ ꓓꓳꓽ ꓖꓶ ꓢꓲ ꓬꓲ ꓦꓵ ꓡꓹ ꓟ ꓦꓬꓼ ꓠꓬꓲ 9 ꓦ 8 ꓠꓬꓲ ꓗꓪ ꓟꓬꓱ ꓓꓳꓽ ꓖꓶ ꓡꓳ=

Add new comment

4 + 12 =