Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓬ‐ꓟ ꓗꓴꓷꓼ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ 6 ꓟ ꓚꓱ, (Church history)
ꓟꓬ‐ꓟ ꓗꓴꓷꓼ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ 6 ꓟ ꓚꓱ,
ꓟꓬ‐ꓟ ꓗꓴꓷꓼ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ ꓟ ꓠꓬ AD (1555) ꓘꓳꓼ ꓕꓯ ꓔꓲꓺ ꓒ ꓑꓰꓔꓰꓣ ꓐꓳꓠꓝꓰꓣ ꓪꓴ‐ꓢ ꓶ ꓓꓳ ꓫꓱ, ꓓꓳ ꓚꓺ ꓖꓶ ꓡ ꓟ ꓗꓪ ꓐꓰ ꓥ ꓢꓲ ꓠꓬꓲ ꓠꓬꓲ. ꓠꓬꓲ ꓗꓪ ꓛꓲ ꓟꓬ‐ꓟ ꓗꓴꓷꓼ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ ꓟ ꓠꓬ (500) ꓘꓳꓼ ꓐꓲ ꓡꓰ ꓟ ꓥ ꓡꓳ=
ꓟꓬ‐ꓟ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓠꓬ ꓮ ꓟꓬ, ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓚꓺ ꓟ. ꓖꓶ ꓗꓷ ꓟ ꓥ ꓡꓳ꓿
ꓟꓬ‐ꓟ ꓗꓴꓷꓼ ꓗꓪ ꓬꓲ. ꓪꓴ. ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓡ ꓢꓴ ꓔꓲꓺ ꓒ ꓜꓴꓻ ꓠꓬ (Barnabite Missionaries) ꓔꓲꓺ ꓒ ꓜꓴꓻ ꓥ ꓡꓳ꓿ ꓕꓱ ꓔꓲꓺ ꓒ ꓜꓴꓻ ꓠꓬ ꓟꓬ‐ꓟ ꓗꓴꓷꓼ ꓗꓪ AD (1720) ꓘꓳꓼ ꓗꓪ ꓐꓰ (1832) ꓘꓳꓼ ꓗꓪ ꓛꓲ (112) ꓘꓳꓼ ꓟꓶ ꓫꓵꓺ ꓗꓪ ꓛꓲ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓥ ꓡꓳ꓿
ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓔꓲꓺ ꓒ ꓐꓴ ꓠꓬ ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓘꓳ ꓣꓴ ꓟꓶ ꓠ, ꓟ ꓢꓯꓼ ꓕꓵꓼ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓘꓳ ꓣꓴ ꓟꓶ ꓠ, ꓟ ꓐꓱ ꓶ ꓢꓲ‐ꓗꓮꓲ ꓟꓵꓽ ꓘꓰ‐ꓴ ꓗꓪ ꓔꓲꓺ ꓒ ꓢꓳ ꓦꓲꓻ ꓔꓯ (1780) ꓘꓳꓼ ꓕꓯ ꓒꓴ ꓗꓷꓳ꓿
ꓝꓮꓲ ꓔꓲꓺ ꓒ ꓢꓳ ꓦꓲꓻ ꓔꓯ (1793) ꓘꓳꓼ ꓕꓯ ꓬ‐ꓖꓳꓥ ꓡꓳ ꓒꓱ ꓗꓪ ꓔꓲꓺ ꓒ ꓢꓳ ꓦꓲꓻ ꓔꓯ ꓚꓲ. ꓗꓷꓳ꓿ ꓪꓴ‐ꓢ ꓟꓬꓱꓽ ꓟꓯ ꓢꓴ ꓔꓲꓺ ꓒ ꓐꓴ ꓮ ꓟꓬ, ꓢꓯꓼ ꓕꓵꓼ ꓗꓷ ꓟ ꓪꓴ. ꓠꓬꓲ ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓢꓽ ꓣꓳ ꓘꓳ ꓣꓴ ꓟꓶ ꓡꓰꓳ꓿
ꓕꓱ ꓔꓲꓺ ꓒ ꓐꓴ ꓠꓬ ꓔꓲꓺ ꓒ (JOSEPH MG MG GYI)
ꓔꓲꓺ ꓒ ( ANDREW MG KOO) BE TIꓺ ꓒ IGNATIUS D’BRITTO) BU ꓥ ꓡꓳ꓿
ꓔꓲꓺ ꓒ ( ANDREW MG KOO) BE TIꓺ ꓒ IGNATIUS D’BRITTO) BU ꓥ ꓡꓳ꓿
Add new comment