ꓟꓬ-ꓟ ꓗꓴꓷꓼ ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼꓞꓳ ꓬꓲ ꓪꓴꓸ ꓓꓵꓽ ꓡ ꓟ ꓚꓱꓹ

#creditphoto #oldchurch #Myanmar #Yangone

ꓟꓬ-ꓟ ꓗꓴꓷꓼ ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼꓞꓳ ꓬꓲ ꓪꓴꓸ ꓓꓵꓽ ꓡ ꓟ ꓚꓱꓹ

ꓟꓬ-ꓟ ꓗꓴꓷꓼ ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓬꓲ ꓪꓴꓸ ꓛꓲ ꓡ ꓟ ꓚꓱꓹ ꓠꓬ꓾  ꓧꓶꓽ ꓗꓴꓷꓼ ꓗꓪ ꓐꓰ ꓧꓶꓽ ꓟꓯꓼ ꓐꓴ ꓟꓬ-ꓟ ꓗꓴꓷꓼ ꓔꓯ ꓟꓯꓼ ꓢꓰꓼ ꓟꓯꓼ ꓓꓶ ꓡꓯ ꓘꓳˍ ꓟ 1207 ꓘꓳꓼ ꓕꓯ ꓥ ꓡꓳ= AD 1207 ꓘꓳꓼ ꓕꓯ ꓑ-ꓖꓯꓠ ꓡꓳ ꓒꓱ ꓗꓪ ꓚꓯ-ꓢꓲꓼ-ꓔ ꓟꓯꓼ ꓢꓲꓽ ꓒ ꓠꓬ ꓠꓲꓽ ꓤ ꓦꓲ ꓮ ꓟꓬꓹ ꓔꓯ ꓫꓬꓹ  ꓗꓷꓳ= ꓖꓳ ꓠꓲꓽ ꓤ ꓦꓲ ꓗꓪ  ꓢꓲꓺ ꓒ ꓬꓰ-ꓢꓴ ꓡꓯ ꓐꓳ ꓔꓶꓸ ꓓꓴ ꓔꓯ ꓟꓳˍ ꓡꓳ= ꓡꓳꓸ ꓟꓳ ꓪˍ ꓟ ꓡꓯ ꓐꓳ ꓔꓶꓸ ꓓꓴ ꓗꓪ Greek ꓥꓳꓽ    ꓗꓪ ꓐꓰ ꓐꓳ ꓔ ꓟ ꓡꓯꓼ ꓐꓳ ꓔꓶ ꓓꓴ ꓡꓲꓸ ꓟ ꓐꓰ Latin ꓥꓳꓽ ꓗꓪ ꓐꓰ ꓐꓳ ꓔ ꓟ ꓡꓯꓼ ꓐꓳ ꓔꓶꓸ ꓓꓴ ꓡꓲꓸ ꓟ ꓡꓳꓸ ꓟꓳ ꓪ ꓡꓰꓳ=

ꓝꓮꓲ AD 1496 ꓘꓳꓼ ꓕꓯ Italy ꓗꓴꓷꓼ ꓗꓪ ꓐꓰ ꓶꓻ ꓡꓯꓼ ꓬꓰ ꓒ ꓕꓲ ꓣꓳ ꓠꓬ ꓟꓬ-ꓟ ꓗꓴꓷꓼ ꓑ-ꓖꓳ ꓡꓳ ꓒꓱ ꓗꓪ ꓡ ꓗꓷꓳ=ꓖꓳ ꓗꓸ ꓠꓯꓸ ꓠꓻ ꓫꓵꓽ ꓑꓶ ꓓꓴ ꓫꓵꓻ  ꓗꓷꓳ= ꓬꓲ ꓧꓪꓽ ꓖꓳ ꓓꓱ ꓔꓯ ꓑ-ꓖꓳ ꓡꓳ ꓒꓱ ꓗꓪ ꓟ ꓪꓽ ꓘꓴ ꓦꓲꓻ ꓗꓪ ꓔꓵꓸ ꓗꓷꓳ ꓐꓰ ꓐꓳ ꓔ ꓡꓳ= ꓠꓱꓸ ꓐꓯꓼ Italy ꓗꓴꓷꓼ ꓗꓪ ꓐꓰ ꓶꓻ ꓡꓯꓼ ꓬꓰ ꓒ ꓕꓲ ꓣꓳ ꓥ ꓟꓲ꓾ AD 1505 ꓘꓳꓼ ꓕꓯ ꓦ ꓡꓱ ꓢꓴ ꓟꓯꓼ ꓒ (1000) ꓣꓳ ꓐꓰ ꓑ-ꓖꓳ ꓪ ꓔꓲ ꓔꓯ ꓟꓬꓱꓽ ꓬꓰ ꓙ ꓗꓷꓳ=

ꓟꓬ-ꓟ ꓗꓴꓷꓼ ꓗꓪ ꓬꓲ ꓪꓴꓸ ꓛꓲ ꓡ ꓟ ꓗ-ꓕꓳ-ꓡꓲꓗ ꓔꓲꓺ ꓒ ꓠꓬ Franciscan ꓔꓲꓺ ꓒ ꓜꓴꓻ ꓗꓪ ꓐꓰ ꓔꓲꓺ ꓒ Peter Bonfer ꓥ ꓡꓳ= ꓔꓲꓺ ꓒ Peter Bonfer ꓠꓬ꓾ AD 1555 ꓘꓳꓼ ꓕꓯ P-TIN ꓡꓳ ꓒꓱ (Kawsmil) ꓗꓪ ꓛꓲ ꓬꓰꓳ ꓐꓰ ꓚꓺ ꓟꓲ ꓕꓳ ꓶ ꓗꓪ ꓐꓳ ꓔ ꓡꓳ= ꓔꓲꓺ ꓒ ꓠꓬ ꓬꓲ ꓛꓲ ꓬꓰ ꓟ ꓟꓵ: ꓗꓪ ꓥꓳꓽ ꓫꓵꓽ ꓔꓯ ꓢꓳ ꓣꓴ ꓢꓲ ꓠꓬꓲ꓾ ꓪꓴ-ꓢ ꓟꓬꓱꓽ ꓬꓰ ꓗꓷꓳ= ꓖꓳ ꓡꓱ ꓥ ꓟꓲ ꓪꓴ-ꓢ ꓦ ꓡꓱ ꓡ ꓢꓴ ꓟꓽ ꓔꓬ ꓟ ꓪꓴꓸ ꓠꓬꓲ꓾ ꓬꓲ ꓔꓬ ꓟ ꓟꓵꓽ ꓗꓪ ꓡꓽ ꓙꓰꓳ=

ꓖꓳ ꓕꓲ ꓙꓵꓹ ꓗꓪ Rakhine ꓪ ꓔꓲ ꓔꓬ ꓗꓪ ꓟꓬꓱꓽ ꓬꓰ ꓔꓬ ꓟ Portugal ꓗꓴꓷꓼ ꓗꓪ ꓐꓰ ꓡ ꓟ ꓦꓻ ꓡꓱ ꓢꓴ ꓟꓯꓼ ꓒ ꓮ ꓟꓬꓹ ꓟꓬꓱꓽ ꓬꓰ ꓔꓬ ꓟ ꓥ ꓡꓳ= Portugal ꓟꓯꓼ ꓒ ꓐꓴ ꓡꓰ ꓡꓳꓸ ꓙ ꓠꓹ ꓟ Dominican ꓔꓲꓺ ꓒ ꓜꓴꓻ ꓔꓯ ꓟꓬꓱꓽ ꓖꓶ ꓗꓷꓳ= Rakhine ꓟꓵ: ꓗꓪ ꓪꓴ-ꓢ ꓶ ꓓꓳꓽ ꓫꓱꓽ ꓓꓳꓽ ꓬꓰ ꓔꓬ ꓕꓯ ꓔꓲꓺ ꓒ ꓐꓴ ꓮ ꓟꓬꓹ ꓔꓯ ꓢꓰꓼ ꓗꓷ ꓟ ꓪꓴꓸ ꓠꓬꓲ꓾ Dominican ꓔꓲꓺ ꓒ ꓜꓴꓻ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰꓳ= ꓝꓮꓲ ꓟꓬ-ꓟ ꓗꓴꓷꓼ ꓗꓪ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ Jesuit ꓔꓲꓺ ꓒ ꓜꓴꓻ ꓡ ꓗꓷꓳ=

Add new comment

6 + 1 =