ꓟꓰ ꓞꓶ ꓟꓰ ꓢꓲꓹ ꓪꓽ ꓘꓴ ꓖꓶꓼ ꓟ ꓟꓹ ꓟꓲꓽ

ꓠꓲꓹ ꓠꓴꓹ ꓟ ꓬꓲꓼ ꓤꓼ ꓠꓬꓲ ꓤꓼ ꓐꓴ-ꓳꓽ꓾ ꓧꓪꓹ ꓧꓪꓹ ꓔꓬ ꓡ !  ꓮ ꓟꓶ ꓕꓱ ꓕꓲꓽ ꓙꓲꓹ ꓗꓪ ꓠꓬ꓾ ꓠ ꓢꓴ ꓒꓬꓽ ꓢꓴ- ꓥ ꓠꓬ- ꓞꓲꓼ ꓪꓴꓽ ꓡꓲ ꓢꓴ ꓐꓴ ꓔꓯꓸ ꓟꓰ ꓞꓶ ꓟꓰ ꓢꓲꓹ ꓪꓽ ꓘꓴ ꓖꓶꓼ ꓟ ꓟꓹ ꓟꓲꓽ ꓢꓳ ꓣꓴ ꓡꓯ= ꓟꓬꓱ  ꓐꓱꓼ ꓘꓶꓼ ꓕꓱ ꓟ ꓗꓪ- ꓟꓰ ꓞꓶ ꓣꓱꓼ ꓢꓲꓹ ꓟꓰ ꓖꓶꓽ ꓢꓲꓹ ꓪꓽ ꓘꓴ ꓖꓶ ꓟ ꓟꓸ ꓟꓲ ꓬ-ꓗꓴ 5ꓽ 13-16ꓹ ꓝꓲꓸ ꓗꓪ ꓓꓹ ꓟ ꓟꓹ ꓟꓲ ꓥꓳ=

ꓓꓽ ꓪꓴꓹ ꓧꓪꓞꓶ ꓥ ꓠꓬ- ꓟꓰ ꓞꓶ ꓬꓲꓹ ꓪꓽ ꓠꓬꓲꓹ ꓟ ꓟꓹ ꓟꓲ- ꓮ ꓔꓲ ꓐꓯ ꓠꓲꓹ ꓫꓵ- ꓡꓳ= ꓘꓶꓼ ꓫꓵꓼ ꓐꓰꓼ ꓦꓬꓼ ꓠꓬꓲ ꓗꓪ- ꓔꓲ-ꓒ- ꓟꓶꓽ- ꓠꓷꓹ ꓝꓸ ꓒꓼ ꓥ ꓠꓬ- ꓪ-ꓔꓲ ꓬꓰ ꓠꓹ ꓟ ꓪꓴ-ꓢ ꓢꓲ ꓓꓳ ꓡ ꓕꓯꓽ ꓓꓽ ꓪꓴ- ꓟꓰ ꓞꓶ ꓧꓶꓹ ꓕꓯ (ꓟꓲ ꓙꓬꓼ) ꓬꓲꓹ ꓪꓴꓹ ꓓꓵ ꓗꓪ ꓧꓳꓸ ꓕꓲꓽ ꓖꓶ ꓟ-ꓲ ꓢ- ꓟꓴ- ꓬꓰ- 10ꓽ 1 ꓝꓲ ꓬꓲꓹ ꓢꓷ- ꓡꓰ ꓪ-ꓔꓲ ꓓꓽ ꓪꓴꓸ ꓕꓲꓽ

ꓣꓳ  ꓢꓳ- ꓡꓳ- ꓔꓯ ꓪ- ꓔꓲ ꓬꓰ ꓠꓹ ꓟ ꓪꓴ-ꓢ ꓕꓵꓽ ꓪ  ꓗꓪ ꓐꓰ ꓢ-ꓟꓴ-ꓬꓰ ꓡꓰ ꓟꓰ ꓞꓶ ꓟꓰ ꓖꓶ ꓟ꓾ ꓝꓮꓲ ꓬꓰ-ꓫꓲ ꓬꓲꓸ ꓤꓽ ꓓꓸ ꓪꓵ ꓔꓯꓸ ꓥ  ꓟꓲ ꓬꓲ-ꓢꓷ- ꓡꓰ ꓪ- ꓠꓬꓲꓽ ꓣꓳ ꓕꓲꓸ ꓤꓽ ꓬꓰ ꓪꓹ ꓟ- ꓢ-ꓟꓴ-ꓬꓰ ꓡꓰ ꓟꓰ ꓞꓶ ꓟꓰ ꓖꓶ ꓗꓷ ꓠꓬ ꓪꓴ-ꓢ ꓬꓲꓸ ꓥ ꓠꓬ ꓪꓽ ꓠꓬꓲꓹ ꓟ ꓡꓰ ꓓ-ꓪꓵ ꓔꓯꓸ ꓬꓯꓼ ꓡ ꓢꓲꓸ ꓖꓳ ꓕꓲꓼ ꓠꓬꓲ ꓗꓪ ꓚꓳꓹ ꓪꓴ-ꓢ ꓬꓲꓹ ꓦ ꓠꓬ- ꓬꓲꓸ ꓔꓯ ꓛꓳ ꓞꓹ ꓡꓳ= ꓐꓯ ꓡꓳꓼ 1ꓢ-ꓟꓴ-ꓬꓰ 16ꓽ13ꓹ ꓝꓲꓽ

ꓕꓯ ꓢꓲ ꓗꓪ ꓟ ꓬ-ꓗꓴ ꓕꓳ-ꓶ ꓗꓪ ꓥ ꓟꓲ- ꓠꓴ ꓪꓽ ꓗꓳ-ꓡꓳ ꓗꓪ ꓠ ꓢꓴ ꓙꓳ ꓡ! ꓙꓳ ꓠꓬ-ꓢꓲ- ꓒꓽ ꓟꓬꓱ- ꓗꓪ ꓐꓰ  ꓮꓽ ꓛꓬꓽ ꓞꓶ ꓟꓰ ꓖꓶꓽ ꓢꓲꓸ ꓬꓲꓸ ꓐꓱ ꓶ  ꓪꓽ ꓘꓴ ꓖꓶ ꓝꓲ - ꓙꓵ ꓠꓲꓹ ꓡꓰ ꓪꓽ ꓘꓴ ꓠꓬ- ꓞꓳ ꓠ ꓓ ꓡꓰ ꓢꓲꓸ ꓢꓲ-ꓒꓽ ꓡꓰ ꓬꓲꓸ ꓔꓯ ꓢꓯꓼ ꓙꓳ ꓡ ꓝꓲꓹ ꓥꓳ=

ꓥ-ꓡꓳ= ꓬꓲꓼ ꓤ ꓠꓬꓲ ꓤꓼ ꓐꓴ-ꓳꓽ꓾ ꓪꓴ-ꓢ ꓠꓬ ꓟꓰ ꓞꓶ ꓐꓰ ꓕꓲꓽ ꓛꓳ ꓟꓬꓱꓽ ꓬꓰ ꓡ ꓢꓲꓸ ꓪꓴ-ꓢ ꓦ ꓥ ꓟꓲ ꓐꓲ ꓡ ꓝꓲ- ꓟ꓾ ꓝꓮꓲ ꓠ ꓢꓴ ꓥ ꓟꓲ ꓓ ꓡꓰ ꓢꓲꓸ ꓢꓯꓼ ꓙꓳ ꓡ ꓟ- ꓝꓮꓲ ꓝꓴꓲ ꓥ ꓟꓲ ꓫꓬ ꓡꓰ ꓟ꓾ ꓟꓹ ꓟꓲ ꓕꓯꓽ ꓢꓲ ꓗꓪ ꓡꓳꓹ ꓟꓳ- ꓡꓳ=

ꓥ- ꓡꓳ ꓬꓲꓼ ꓤꓼ ꓠꓬꓲ ꓤꓼ ꓐꓴ-ꓳꓼ꓾ ꓟꓬꓱ  ꓐꓱꓼ ꓘꓶꓽ ꓕꓱ ꓟ ꓬꓳꓹ ꓚꓲꓹ ꓟ ꓟꓬꓱꓼ ꓕꓲ ꓟ- ꓥ ꓠꓬꓲꓸ ꓮꓽ ꓠꓱꓹ ꓬꓲꓸ ꓪꓴꓹ ꓟ ꓘꓴ ꓜꓲꓽ ꓞꓳ ꓗꓪ ꓐꓰ ꓣꓱꓽ ꓪꓴꓹ ꓔꓴ ꓢꓲꓹ ꓠꓬꓲ ꓠꓬꓲ ꓗꓪ ꓛꓲ ꓣꓱꓼ ꓔꓬ ꓟ-ꓥ-ꓡꓳ=

ꓝꓮꓲ  ꓣꓳꓽ ꓧꓪꓹ ꓛꓲꓽ ꓓꓴ ꓕꓲꓽ ꓘꓶꓽ ꓠꓬ- ꓡ ꓞꓳ ꓕꓲꓽ ꓐꓱ ꓠꓬ- ꓟꓬꓱꓽ ꓐꓱꓽ ꓘꓶꓽ ꓟꓰ ꓞꓶ ꓟꓰ ꓖꓶ ꓟ꓾ ꓕꓱ ꓟ ꓠꓬ- ꓮꓸ ꓘꓶꓹ ꓠꓺ ꓪꓴꓽ ꓖꓪ ꓢꓴ ꓾ ꓐꓱ ꓶ  ꓥ  ꓡꓳ ꓐꓰ ꓓꓵꓽ ꓙ ꓢꓴ ꓙꓳ ꓡꓳ= ꓕꓱ ꓟ ꓓꓵꓽ ꓙꓽ ꓥꓳꓽ ꓡꓰ ꓡꓳ= ꓮ ꓟ ꓥ ꓟꓲ ꓠ ꓢꓴ ꓒꓬꓽ ꓓꓴ ꓔꓳꓹ ꓜꓳꓽ ꓔꓬ ꓕꓯ= ꓞꓲꓼ ꓣꓳ ꓢꓴ ꓪꓴꓽ ꓢꓴ ꓔꓲ ꓒꓼ ꓐꓴ ꓔꓯ ꓘꓴ ꓢꓲꓹ ꓘꓴ ꓣꓴ ꓓꓹ ꓟꓸ ꓸꓢꓮꓗꓣꓮꓟꓰꓠꓔꓴ- ꓥ ꓠꓬ ꓟꓬꓱꓽ ꓐꓱꓼ ꓘꓶꓸ ꓥ ꓠꓬꓲ꓾ ꓣꓱꓽ ꓬꓯꓼ ꓔꓬ ꓕꓯ ꓮ ꓕꓯ ꓥ ꓟꓲ ꓘꓳꓹ ꓣꓴ ꓡꓯ= ꓘꓳꓹ ꓣꓴ ꓓꓹ ꓡꓳ=

ꓧꓪꓹ ꓧꓪ  ꓙ  ꓡꓯ ꓘꓳ ꓢꓴ- ꓸꓟꓸ ꓒ ꓟꓳꓽ ꓠꓪ ꓤ-ꓓꓶ ꓥꓳ =