Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓢꓯꓼ ꓙꓳ ꓪꓽ ꓠꓬꓲ ꓢꓴ ꓢ-ꓟꓷ-ꓢꓳ-ꓠ
Thursday, February 25, 2021
ꓬꓳ-ꓢꓴ ꓠꓬ ꓬꓲ-ꓢꓷ-ꓡꓰ ꓡ ꓞꓳ ꓐꓴ ꓐꓱ ꓶ ꓪꓽ ꓠꓬꓲ ꓢꓴ ꓕꓲ ꓣꓳ꓾ ꓬꓲ ꓪ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓢꓴ ꓕꓲ ꓣꓳ ꓥ ꓢꓲ꓾ ꓪꓴ-ꓢ ꓙꓵꓽ ꓗ ꓐꓴ ꓔꓯ ꓛꓳ ꓫꓱꓽ ꓠꓹ ꓟ ꓬꓲ ꓡ ꓞꓳ ꓐꓴ ꓔꓯ ꓬꓰ ꓙ ꓗꓷꓳ= ꓖꓳ ꓡꓱ ꓥˍ ꓟꓲ ꓬꓲ ꓫꓵꓻ ꓗꓷ ꓗ ꓠꓯ ꓬꓲ ꓡ ꓞꓳ ꓐꓴ ꓠꓬ ꓪꓴ-ꓢ ꓟꓽ ꓠꓲꓹ ꓒꓴ ꓟ ꓔꓯ ꓡꓰꓽ ꓬꓰˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓪꓴ-ꓢ ꓡꓰ ꓬꓲ ꓪ ꓐꓴ ꓔꓯ ꓟꓸ ꓜꓽˍ ꓡꓳ= ꓖꓳ ꓡꓱ ꓠꓬꓲ ꓬꓲ-ꓢꓷ-ꓡꓰ ꓐꓴ ꓠꓬ ꓩꓱ-ꓡꓲ-ꓫꓵ ꓐꓴ ꓔꓬ ꓗꓪ 40 ꓘꓳꓼ ꓛꓲ ꓚꓳ ꓑ ꓬꓰ ꓪ ꓡꓰꓳ=
ꓦꓬꓼ ꓠꓬꓲ ꓕꓱ ꓟ ꓘꓴꓽ ꓗꓪ ꓟ-ꓠꓳ-ꓪ ꓐꓰ ꓟꓬꓱꓺ ꓔ ꓢꓴ ꓕꓲ ꓣꓳ ꓙꓳˍ ꓡꓳ= ꓬꓲ ꓐꓰ ꓬꓲ ꓤ ꓟꓶ ꓐꓴ ꓠꓬ ꓡꓯꓽ ꓒꓯꓹ ꓝ ꓗꓷ ꓟ ꓬꓲꓸ ꓘꓳꓼ ꓮꓽ ꓟꓬꓹ ꓙꓳ ꓗꓷˍ ꓥ ꓟꓲ ꓬꓲ ꓪ ꓐꓴ ꓔꓯ ꓤ ꓠꓱ ꓕꓲ ꓣꓳˍ ꓟꓲ ꓟꓽ ꓙꓳ= ꓕꓲ ꓠꓬꓲ ꓙꓳˍ ꓕꓯ ꓪꓴ-ꓢ ꓬꓲ ꓝꓲ ꓓꓴ ꓕꓲ ꓣꓳ ꓟ-ꓠꓳ-ꓪ ꓤ ꓟꓶ ꓔꓬ ꓗꓪ ꓡ ꓢꓲ꓾ “ꓧꓶꓸ ꓕꓯ ꓠꓴ ꓠꓬ ꓤ ꓠꓱ ꓟꓽ ꓙꓳ ꓗꓳꓸ ꓥˍ ꓟꓲ ꓟꓽ ꓟꓶ ꓫꓵˍ ꓟ ꓦꓬꓼ ꓠꓬꓲ ꓗꓪ ꓠꓴ ꓔꓯ ꓤ ꓕꓲ ꓣꓳ ꓙꓳ ꓡˍ ꓥꓳ= ꓖꓳ ꓡꓱ ꓥˍ ꓟꓲ ꓠꓴ ꓖꓳ ꓓꓱ ꓡꓲꓽ ꓓꓹ ꓟ ꓬꓲ ꓙꓵꓹ ꓗꓪ ꓬꓲ ꓙꓲꓻ ꓤ ꓟꓳ ꓠ ꓔ ꓥ= ꓙꓵꓻ ꓒꓶꓽ꓾ ꓬꓲꓼ ꓫꓵꓽ ꓬꓲꓼ ꓙꓰꓽ ꓕ ꓓꓳ= ꓬꓲ ꓠꓬ ꓪꓴ-ꓢ ꓔꓯ ꓟ ꓥ ꓠꓬꓲ ꓤ ꓦꓵꓻ ꓡˍ ꓕꓯ ꓬꓲ ꓪꓴꓸ ꓞꓱ ꓔꓯ ꓮꓸ ꓕꓯ ꓟꓲ ꓕꓽ ꓓꓶꓺ= ꓬꓲ ꓠꓬ ꓬꓲ-ꓢꓷ-ꓡꓰ ꓡ ꓞꓳ ꓐꓴ ꓔꓯ ꓩꓱ-ꓡꓲ-ꓫꓵ ꓡꓯꓽ ꓒꓯꓹ ꓗꓪ ꓐꓰ ꓡꓲꓹ ꓙꓰ ꓪ ꓠꓹ ꓟ ꓬꓲ ꓡꓰ ꓬꓰ ꓙˍ ꓥꓳ꓾ ꓐꓯ ꓖꓶˍ ꓡꓳ=
ꓖꓳ ꓗ ꓠꓯ ꓤ ꓟꓶ ꓤ ꓖꓳ ꓕꓲ ꓣꓳ ꓠꓬ ꓤ ꓕꓲ ꓣꓳ ꓦꓵꓻ ꓡ ꓢꓲ꓾ ꓬꓲ ꓔꓯ ꓢ-ꓟꓷ-ꓢꓳ-ꓠ ꓐꓰ ꓟꓬꓱꓺ ꓖꓶˍ ꓡꓳ= ꓬꓲ ꓠꓬ ꓪꓴ-ꓢ ꓡꓰ ꓶꓼ ꓥꓳꓽ ꓙꓰˍ ꓟ ꓟꓶ ꓢꓲ꓾ ꓮ ꓘꓶꓸ ꓢꓯꓼ ꓙꓳ ꓪꓽ ꓠꓬꓲˍ ꓟ ꓡ ꓞꓳ ꓒꓬꓱꓼ ꓡ ꓠꓹ ꓟ ꓪꓴꓽ ꓡ ꓔꓬ ꓡꓳ= ꓬꓲ ꓠꓬ ꓬꓲ-ꓢꓷ-ꓡꓰ ꓡ ꓞꓳ ꓐꓴ ꓐꓰ ꓩꓱ-ꓡꓲ-ꓫꓵ ꓡ ꓞꓳ ꓐꓴ ꓗꓳ ꓡꓳ ꓗꓪ ꓟꓽ ꓓ ꓪꓽ ꓠꓬꓲ ꓢꓴ ꓥ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment