ꓢꓲꓺ ꓒ ꓬꓰ‐ꓢꓴ ꓙꓲꓺ ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓟꓵꓽ ꓗꓴ ꓓꓵ ꓓꓵ ꓗꓪ ꓛꓲ ꓡꓰ ꓟ ꓚꓱ, (The spread of the Faith)

 ꓢꓲꓺ ꓒ ꓬꓰ‐ꓢꓴ ꓙꓲꓺ ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓟꓵꓽ ꓗꓴ ꓓꓵ ꓓꓵ ꓗꓪ ꓛꓲ ꓡꓰ ꓟ ꓚꓱ,

ꓮ.ꓓ (100) ꓘꓳꓼ ꓕꓯ ꓣꓳ‐ꓟ ꓟꓵꓽ ꓮ ꓙꓵꓽ ꓗꓪ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓚꓱ, ꓔꓯ ꓑ ꓫꓬ ꓮ ꓙꓵꓽ ꓐꓴ ꓑꓺ ꓙꓽ ꓪ ꓡꓰꓳ꓿A.D (112) ꓘꓳꓼ ꓕꓯ Asia Minor ꓟꓵꓽ ꓔꓯ ꓙꓵꓽ ꓢꓴ ꓪ ꓔꓲ ꓔꓯ ꓐꓳ ꓔ ꓟ ꓕꓳ ꓶ ꓗꓪ ꓪꓽ ꓘꓴ ꓦꓲꓻ ꓗꓪ ꓡ ꓞꓳ ꓟꓽ ꓔꓬ ꓡꓳ ꓐꓰ ꓐꓳ ꓔ ꓡꓳ꓿

A.D (300) ꓘꓳꓼ ꓕꓯ Asia Minor ꓟꓵꓽ ꓐꓰ Egypt ꓗꓴꓷꓼ ꓗꓪ ꓑ ꓫꓬ ꓕꓲ ꓐꓱ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓒꓬꓱꓼ ꓡ ꓪ꓿ ꓖꓳ ꓕꓲ ꓙꓵꓽ ꓗꓪ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓮ ꓟꓬ, ꓔꓬ ꓟ ꓟꓵꓽ ꓠꓬ Italy ꓗꓴꓷꓼ  Spain ꓗꓴꓷꓼ  Gaul ꓗꓴꓷꓼ  Britain ꓗꓴꓷꓼ Africa ꓗꓴꓷꓼ Syria ꓗꓴꓷꓼ  Abyssinia ꓗꓴꓷꓼ Arabia ꓗꓴꓷꓼ Armenia Perisia ꓗꓴꓷꓼ ꓥ ꓡꓳ ꓐꓰ ꓢꓷ. ꓪ ꓡꓳ꓿

ꓙꓲ‐ꓢꓴ ꓢꓲꓺ ꓤ ꓐꓴ ꓟꓵꓽ ꓗꓳ ꓓꓵ ꓓꓵ ꓗꓪ ꓢꓲꓺ ꓤ ꓬꓰ‐ꓢꓴ ꓔꓯ ꓦꓻ ꓡꓱ ꓡ ꓟ ꓚꓱ, ꓠꓬ ꓢꓯ. ꓔꓬ ꓟ ꓙꓵ, ꓗꓪ ꓦꓻ ꓢꓯꓼ ꓪ ꓪˍ ꓟ ꓐꓰ ꓧꓪꓽ ꓖꓳ ꓓꓱ ꓞꓳ ꓙꓳ ꓚꓱ, ꓗꓪ ꓥ ꓟꓲ ꓪꓴꓽ ꓟꓴ ꓡ ꓟ ꓪꓴ. ꓠꓬꓲ ꓥ ꓡꓳ꓿

ꓮꓽ ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓬꓰ ꓟ ꓟꓬꓱꓽ ꓔꓯ ꓡꓳ. ꓟꓳ ꓪ ꓡꓰ ꓟ ꓪꓴ. ꓠꓬꓲ ꓡ ꓞꓳ ꓮ ꓟꓬ, ꓠꓬ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓠꓲ, ꓫꓵˍ ꓟ ꓠꓲ, ꓟ ꓙꓳ ꓡ ꓟ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓬꓲ. ꓪ ꓘꓳ, ꓣꓴ ꓟꓶ ꓟ ꓗ, ꓛꓲ ꓓꓴ ꓐꓰ ꓢꓲ ꓡꓲ ꓟ ꓔꓯ ꓠꓱ. ꓐꓯꓼ ꓢꓴ ꓔꓯ ꓐꓯ ꓟ. ꓖꓶ ꓟ ꓪꓴ. ꓠꓬꓲ ꓟꓲ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓢꓴ ꓮ ꓟꓬ, ꓙꓳ ꓡ ꓟ ꓥ ꓡꓳ꓿

ꓪꓴ‐ꓢ ꓔꓯ ꓟꓽ ꓦꓻ ꓡꓰ ꓢꓴ ꓐꓴ ꓠꓬ ꓟꓲ ꓠꓯ ꓗ, ꓛꓲ ꓓꓴ ꓓꓯ ꓢꓲ ꓗ, ꓛꓲ ꓓꓴ ꓔꓯ ꓧꓪꓺ ꓟ ꓙꓵ, ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲꓺ ꓒ  ꓬꓰ‐ꓢꓴ ꓙꓲ‐ꓢꓴ ꓡꓰ ꓚꓺ ꓟ. ꓖꓶ ꓟ ꓟ. ꓟꓲ ꓔꓯ ꓠꓻ ꓡꓳ ꓑꓻ ꓙꓽ ꓢꓴ ꓐꓴ ꓠꓬ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓪ ꓿

ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓟꓲ ꓠꓯ ꓧꓪꓽ ꓖꓳ ꓓꓱ ꓕꓲ ꓒꓳ, ꓗꓪ ꓫ. ꓔꓬ ꓥ ꓟꓲ ꓬꓲ. ꓪ ꓞꓳ ꓙꓳ ꓚꓱ, ꓠꓬ ꓗ, ꓛꓲꓽ ꓛꓲꓽ ꓡꓰ ꓢꓯ. ꓔꓬ ꓟ ꓔꓯ ꓟꓽ ꓦꓻ ꓡꓱ ꓢꓴ ꓐꓴ ꓡꓳ. ꓟꓳ ꓪ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓟ ꓥ ꓡꓳ꓿

ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓠꓵꓻ ꓠꓲ, ꓟ. ꓖꓶ ꓟ ꓐꓰ ꓬꓰ ꓙ ꓔꓳ, ꓙ ꓡꓯ ꓘꓳ, ꓟ ꓝꓮꓲ ꓫ. ꓢꓴ ꓔꓯ ꓬꓰ ꓙ ꓟ ꓟꓬꓱꓽ ꓮ ꓟꓬ, ꓫꓵꓽ ꓔꓯ ꓬꓰ ꓢꓴ ꓐꓴ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓐꓴ ꓡꓰ ꓫ. ꓕꓱ ꓟ ꓠꓬ (See how these Christians Love one another) ꓡꓳ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓮ ꓟꓬ, ꓛꓲ ꓠꓲ, ꓠꓵ ꓡꓯ ꓘꓳ, ꓐꓰ ꓐꓯ ꓔꓬ ꓟ ꓥ ꓡꓳ꓿