ꓢꓲꓽ ꓫꓬ ꓕꓳ ꓶ ꓚꓺ ꓟꓲꓽ ꓠꓬꓲꓽ ꓕꓱ

ꓢꓲ ꓫꓬ ꓕꓳ ꓶ ꓚ ꓟꓲꓽ ꓗꓪ ꓘꓶꓽ ꓫꓵꓽ ꓡꓵꓺ ꓐꓰ ꓘꓶꓽ ꓫꓵꓽ ꓫꓵꓼ ꓕꓳ ꓶ ꓔꓯ ꓮꓽ ꓟ ꓡꓰ ꓐꓳ ꓟ-ꓸ ꓮ ꓟꓬ ꓘꓳꓼ ꓗꓪ ꓐꓳ ꓟ-ꓸ ꓮ ꓙꓵꓽ ꓮ ꓟꓬ ꓑꓷꓠ ꓥ ꓟ-ꓸ ꓢꓳ ꓡꓳꓹ ꓬꓰꓳ= ꓮ ꓟꓶ ꓕꓱ ꓕꓲꓽ ꓙꓵꓹ ꓗꓪ ꓠꓬ ꓢꓲ ꓫꓬ ꓕꓳ ꓶ ꓐꓳ ꓢꓴ ꓮ ꓟ ꓥ ꓢꓲ ꓮ ꓟꓬ ꓣꓳ ꓡꓰ ꓐꓳˍ ꓟ ꓔꓯ ꓐꓯ ꓖꓶ ꓠꓲꓹ ꓫꓵˍ ꓡꓳ=

(1) ꓬꓲ-ꓙꓲ ꓪ-ꓔꓲ ꓙꓵꓽ ꓠꓬꓲꓸ ꓕꓲꓽ ꓙ ꓗꓪ ꓢꓷꓸ ꓠꓲꓹ ꓢꓳ ꓣꓴ ꓟꓶ ꓟ ꓬꓳ-ꓢꓷ ꓕꓲꓽ ꓣꓳ ꓥ ꓡꓳ=

(2) ꓮꓸ ꓣꓳ ꓡꓳꓸ ꓒꓽ ꓤꓶꓸꓹ ꓗꓪ ꓐꓰ ꓪꓴꓽ ꓟꓴ ꓡ ꓢꓲ ꓢꓲ ꓫꓬ ꓕꓳ ꓶ ꓐꓳ ꓢꓴ ꓠꓬ ꓓ-ꓪꓵ ꓪ-ꓔꓲ ꓥ ꓡꓳ=

(3) ꓝꓮꓲ ꓢꓷꓸ ꓠꓲꓹ ꓐꓰ ꓙꓽ ꓜꓲꓼ ꓠꓲꓹ ꓙꓳ ꓢꓴ ꓪꓴ-ꓢ ꓦ ꓟꓷꓽ ꓠꓷꓹ ꓝꓸ ꓒꓽ ꓬꓲ-ꓢ-ꓬ ꓥ ꓡꓳ=

(4) ꓬꓴ-ꓔ ꓢꓳ ꓗꓪ ꓟ ꓞꓳ ꓔꓲ ꓓꓽ ꓟ ꓢꓲ ꓫꓬ ꓕꓳ ꓶ ꓐꓳ ꓒꓽ ꓠꓬ ꓟꓷꓽ ꓠꓷꓹ ꓝꓸ ꓒꓽ ꓬꓲ-ꓫꓲ-ꓚꓰ ꓥ ꓡꓳ=

(5) ꓮꓽ ꓠꓬꓲ ꓡꓳꓸ ꓒꓽ ꓤꓶꓸꓹ ꓗꓪ ꓐꓰ ꓪꓴꓽ ꓟꓴ ꓡ ꓢꓲ ꓢꓲ ꓫꓬ ꓕꓳ ꓶ ꓐꓳ ꓒꓽ ꓕꓲꓽ ꓣꓳ ꓠꓬ ꓟꓷꓽ ꓠꓷꓹ ꓝꓸ ꓒꓽ ꓮ-ꓟꓳ-ꓢꓲ ꓥ ꓡꓳ=

(6) ꓝꓮꓲ ꓠꓬ ꓞꓲꓼ ꓟꓸ ꓒꓽ ꓤꓶꓸꓹ ꓦꓬꓼ ꓠꓬꓲ ꓗꓪ ꓐꓰ ꓪꓴꓽ ꓟꓴ ꓡ ꓢꓲ ꓢꓲ ꓫꓬ ꓕꓳ ꓶ ꓐꓳ ꓢꓴ ꓕꓲꓽ ꓣꓳ ꓠꓬ ꓝꓲ-ꓓꓴ ꓡꓴ-ꓘ ꓥ ꓡꓳ=

(7) ꓮꓽ ꓙꓵꓽ ꓢꓴ ꓠꓬ ꓣꓳ ꓔꓬ ꓢꓲ ꓠꓲꓹ ꓙꓳꓺ ꓢꓴ ꓥ ꓟ ꓝꓲ ꓫꓸ ꓢꓴ ꓟ-ꓕꓲ ꓥ ꓡꓳ=

(8) ꓝꓮꓲ ꓥꓪꓸ ꓢꓰꓼ  ꓒꓽ ꓤꓶꓸꓹ ꓗꓪ ꓐꓰ ꓙꓲ-ꓢꓴ ꓛꓳ ꓒꓯꓹ ꓝꓲ ꓓꓴ ꓒꓲ-ꓕꓱ ꓕꓲꓽ ꓣꓳ ꓥ ꓡꓳ=

(9) ꓒ-ꓡꓲ-ꓢꓷ ꓢꓳ ꓗꓪ ꓟ ꓢꓷꓸ ꓠꓲꓹ ꓙꓳ ꓒꓽ ꓙꓲ-ꓢꓴ ꓢꓲ ꓤꓼ ꓔꓯ ꓗꓸ ꓧꓪ ꓢꓴ ꓥ ꓟ-ꓸ ꓓꓵꓽ ꓙꓽ ꓒꓳꓹ ꓬꓲꓼ ꓡ ꓢꓴ ꓝꓲ-ꓓꓴ ꓒꓳ-ꓡꓳ ꓟꓲ ꓥ ꓡꓳ=

ꓝꓮꓲ ꓢꓲ ꓫꓬ ꓕꓳ ꓶ ꓐꓳ ꓢꓴ ꓟꓳ-ꓫꓲ ꓐꓰ ꓠꓱꓸ ꓐꓯꓼ ꓮꓽ ꓟꓬ ꓣꓳ ꓥ ꓟꓲ ꓐꓳˍ ꓡꓳ= ꓮꓽ ꓙꓵꓽ ꓔꓯ ꓗꓷ ꓧꓳꓽ ꓓꓴ ꓬꓲꓸ ꓙꓵꓹ ꓟꓽ ꓙꓳ ꓠꓬꓲ ꓕꓱ ꓟꓬ ꓣꓳ ꓚꓺ ꓟꓲꓽ ꓡꓰꓽ ꓐꓯ ꓡꓳ=