ꓢꓲꓽ ꓫꓬ ꓕꓳ ꓶ ꓚꓺ ꓟꓲꓽ ꓬꓲ ꓪꓴꓸ ꓕꓲ ꓕꓱꓻ

ꓕꓱ ꓕꓲ ꓙꓵꓹ ꓗꓪ ꓙꓲ-ꓢꓴ ꓢꓲꓺ ꓤ ꓐꓴ ꓣꓳ ꓣꓱꓽ ꓔꓬ ꓟ ꓢꓲꓽ ꓫꓬ ꓕꓳ ꓶ ꓚꓺ ꓟꓲꓽ ꓔꓯ ꓓꓴꓸ ꓓꓴꓸ ꓤ ꓚꓺ ꓟꓸ ꓖꓶ ꓠꓲꓹ ꓫꓵˍ ꓡꓳ= ꓢꓲꓽ ꓫꓬ ꓕꓳ ꓶ ꓔꓯ ꓜꓲ ꓜꓲ ꓟꓴ ꓟꓴ ꓢꓳˍ ꓠꓬ ꓟꓶ ꓫꓵꓺ ꓫꓵꓺ ꓢꓳ ꓠ ꓗꓹ ꓡꓳ= ꓖꓳ ꓡꓱ ꓥ ꓟꓲ ꓬꓲ ꓙꓵꓹ ꓓꓴꓸ ꓓꓴꓸ ꓤ ꓕꓱ ꓟ ꓗꓪ ꓣꓳ ꓢꓲꓽ ꓫꓬ ꓕꓳ ꓶ ꓔꓯ ꓟꓳꓸ ꓮ ꓔꓲꓸ ꓢꓳ ꓓꓴ ꓬꓰ ꓡꓯ=

ꓢꓳ ꓔꓬ ꓟ ꓟꓸ ꓟꓲꓽ ꓗꓪ ꓢꓲꓺ ꓒ ꓬꓰ-ꓢꓴ ꓟꓽ ꓡ ꓟ ꓧꓶꓸ ꓕꓯ ꓟꓶꓽ ꓘꓳꓼ ꓔꓯ ꓟꓳꓸ ꓠꓬ ꓐꓚ ꓐꓯ ꓬꓯꓼˍ ꓥꓳ= ꓢꓲꓺ ꓒ ꓬꓰ-ꓢꓴ ꓡ ꓗ ꓠꓯꓸ ꓢꓲ ꓗꓪ ꓟ ꓟꓶꓽ ꓘꓳꓼ ꓔꓯ ꓟꓳꓸ ꓠꓬ ꓮꓓ ꓐꓯˍ ꓥꓳ= ꓕꓲ ꓐꓱ ꓠꓬ ꓢꓷˍ ꓥꓳ꓾ ꓕꓲ ꓐꓱ ꓠꓬ ꓟꓽ ꓢꓷꓸ ꓢꓴ ꓐꓱ ꓶ ꓐꓯ ꓖꓶ ꓠꓲꓹ ꓫꓵˍ ꓡꓳ=

ꓘꓶꓽ ꓫꓵꓽ ꓡꓵꓺ ꓕꓳ ꓶˍ ꓐꓰ ꓘꓶꓽ ꓫꓵꓽ ꓫꓵꓼ ꓕꓳ ꓶ ꓕꓱ ꓠꓬꓲꓽ ꓑꓷꓠ ꓡꓱꓸꓼ ꓮ ꓡꓲ ꓐꓰ ꓫꓬꓹ ꓒꓬꓱꓼ ꓡ ꓟ ꓚꓺ ꓟꓲꓽ ꓠꓬꓱꓸ ꓠꓬꓱꓸ ꓤ ꓢꓳ ꓣꓴ ꓓꓴ ꓥꓳ= ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓘꓶꓽ ꓫꓵꓽ ꓡꓵꓺ ꓕꓳ ꓶ ꓬꓲ ꓚꓰ ꓬꓲ ꓪꓴꓸ ꓕꓳ ꓶ ꓔꓯ ꓟꓳ-ꓫꓲ ꓡꓰ BC1445 ꓘꓳꓼ ꓐꓰ 1405 ꓘꓳꓼ ꓠꓬꓲꓽ ꓗꓴꓸ ꓚꓸꓼ ꓗꓪ ꓐꓳ ꓢꓲ ꓘꓶꓽ ꓫꓵꓽ ꓡꓵꓺ ꓬꓲ ꓟꓶꓽ ꓕꓲ ꓑꓷꓠ ꓠꓬ ꓟ-ꓡ-ꓘꓷ ꓐꓰ BC 430ꓘꓳꓼ ꓐꓰ 420 ꓘꓳꓼ ꓗꓪ ꓐꓳ ꓢꓲ꓾ ꓘꓶꓽ ꓫꓵꓽ ꓡꓵꓺ ꓕꓳ ꓶ ꓘꓴꓽ ꓗꓪ 46 ꓑꓷꓠ ꓙꓳˍ ꓡꓳ= 

ꓝꓮꓲ ꓘꓶꓽ ꓫꓵꓽ ꓫꓵꓼ ꓕꓳ ꓶ ꓔꓯ ꓓ ꓪꓴꓸ ꓕꓲ ꓑꓷꓠ꓾ ꓝꓲ ꓓꓴ ꓟ-ꓕꓲ ꓡꓰ AD 60 ꓘꓳꓼ ꓗꓪ ꓐꓳ ꓢꓲ ꓘꓶꓽ ꓫꓵꓽ ꓫꓵꓼ ꓕꓳ ꓶ ꓡꓳꓹ ꓬꓰˍ ꓟ ꓕꓲ ꓑꓷꓠ ꓟꓳꓸ ꓖꓶ ꓓꓴ ꓕꓳ ꓶ ꓔꓯ AD 96ꓘꓳꓼ ꓕꓯ ꓝꓲ ꓓꓴ ꓬꓳ-ꓦ ꓡꓰ ꓐꓳ ꓔ ꓡꓳ= ꓘꓶꓽ ꓫꓵꓽ ꓡꓵꓺ ꓕꓳ ꓶ ꓐꓰ ꓘꓶꓽ ꓫꓵꓽ ꓫꓵꓼ ꓕꓳ ꓶ ꓮ ꓙꓵꓽ ꓡꓱꓸꓼ 73 ꓑꓷꓠ ꓙꓳˍ ꓡꓳ=