ꓢꓲꓽ ꓫꓬ ꓕꓳ ꓶ ꓚ ꓟꓲꓽ ꓛꓳꓼ ꓕꓱ

ꓢꓲ ꓫꓬ ꓕꓳ ꓶ ꓚ ꓟꓲꓽ (6) ꓕꓱ

     ꓬꓲ ꓚꓰ ꓬꓲ ꓪꓴꓸ ꓟ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓮꓓ-400 ꓘꓳꓼ ꓗꓪ ꓛꓲ ꓠꓬ ꓢꓰꓑꓔꓴꓮꓖꓲꓠꓔ ꓖꓣꓰꓰꓗ ꓥꓳꓽ ꓗꓪ ꓒꓳꓹ ꓡꓶꓸ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓡꓰꓽ ꓣꓱꓽ ꓡꓳ= ꓝꓲ-ꓓꓴ ꓒꓳ-ꓡꓳ ꓥ ꓟꓲ ꓶꓽ ꓥꓳꓽ ꓚꓳꓻ ꓙꓰˍ ꓟ ꓗꓪ ꓖꓣꓰꓰꓗ ꓥꓳꓽ ꓒꓳꓹ ꓡꓶꓸ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓟꓬꓽ ꓠꓬꓲ ꓣꓱꓽˍ ꓡꓳ= ꓘꓶꓽ ꓫꓵꓽ ꓫꓵꓼ ꓢꓲ ꓫꓬ ꓕꓳ ꓶ ꓐꓳ ꓢꓴ ꓮ ꓙꓵꓽ ꓥ ꓟꓲ ꓖꓣꓰꓰꓗ ꓥꓳꓽ ꓗꓪ ꓡꓰꓽ ꓐꓳ ꓔ ꓟ ꓚꓺ ꓟꓲꓽ ꓙꓳˍ ꓡꓳ=

ꓡꓮꓔꓲꓠ ꓥꓳꓽ ꓗꓪ ꓒꓳꓹ ꓡꓶꓸ ꓟ꓾

      ꓮꓓ-382 ꓘꓳꓼ ꓗꓪ ꓔꓲ-ꓒ ꓪ ꓔꓲ ꓓꓮꓟꓮꓢꓴꓢ ꓠꓬ ꓬꓲꓸ ꓟꓬꓱꓽ ꓢꓲꓽ ꓒ ꓥ ꓟ ꓙꓰꓣꓳꓟꓰ ꓔꓯ ꓖꓣꓰꓰꓗ ꓥꓳꓽ ꓗꓪ ꓐꓰ ꓡꓮꓔꓲꓠ ꓥꓳꓽ ꓗꓪ ꓒꓳꓹ ꓡꓶꓸ ꓝꓲ ꓢꓲ ꓡꓮꓔꓲꓠ ꓥꓳꓽ ꓗꓪ ꓒꓳꓹ ꓡꓶꓸ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓦꓴꓡꓖꓮꓔꓰ ꓐꓰ ꓟꓬꓱ ꓔ ꓡꓳ=

ꓢꓲ ꓫꓬ ꓕꓳ ꓶ ꓔꓯ ꓔꓳꓹ ꓢꓴ ꓓꓳ ꓡ ꓟ꓾

      ꓮꓓ-1524 ꓘꓳꓼ ꓗꓪ ꓠꓬ ꓔꓲ-ꓒ ꓟ-ꓔꓲ ꓡꓴ-ꓕꓷ ꓠꓬ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓐꓰ ꓓꓳ ꓙꓰ ꓢꓲ ꓬꓲ ꓚꓰ ꓬꓲ ꓪꓴꓸ ꓗꓪ ꓟ ꓢꓲ ꓫꓬ ꓕꓳ ꓶ ꓢꓰꓑꓔꓴꓮꓖꓲꓠꓔ ꓔꓯ ꓟꓽ ꓘꓳ ꓣꓴ ꓦꓲ-ꓐꓱ-ꓣꓴ ꓥꓳꓽ ꓡꓰꓽ ꓐꓳ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓟꓬꓽ ꓠꓬꓲ ꓘꓳꓹ ꓣꓴ ꓠꓬꓲ ꓘꓶꓽ ꓫꓵꓽ ꓡꓵꓺ ꓕꓳ ꓶ ꓗꓪ 39 ꓑꓷꓠꓽ ꓡꓰ ꓣꓱꓽˍ ꓠꓬꓲ꓾ ꓬꓲ ꓗꓸ ꓠꓯ ꓛꓳ ꓙꓰ ꓢꓴ ꓮ ꓥ ꓟꓲ ꓘꓶꓽ ꓫꓵꓽ ꓫꓵꓼ ꓕꓳ ꓶ ꓔꓯ ꓥ ꓟꓲ ꓬ-ꓗꓴ꓾ ꓦꓲ-ꓐꓱ-ꓣꓴ꓾ ꓬꓴ-ꓓ ꓟꓳꓸ ꓖꓶ ꓓꓴ ꓕꓳ ꓶ ꓬꓲ ꓪ ꓟꓽ ꓘꓳꓹ ꓣꓴ= ꓢꓲꓺ ꓓꓳ ꓗꓷˍ ꓡꓳ= ꓟꓽ ꓘꓳꓹ ꓣꓴ ꓢꓲꓺ ꓓꓳ ꓗꓷˍ ꓟ ꓢꓲꓽ ꓫꓬ ꓕꓳ ꓶ ꓔꓯ ꓗꓸ ꓠꓯ ꓢꓲ- ꓝꓮꓲ ꓘꓳꓹ ꓣꓴˍ ꓡꓳ= ꓖꓳ ꓡꓱ ꓥ ꓟꓲ ꓘꓶꓽ ꓫꓵꓽ ꓡꓵꓺ ꓗꓪ ꓟ ꓢꓲ ꓫꓬ ꓕꓳ ꓶ ꓔꓯ ꓦꓲ-ꓐꓱ-ꓣꓴ ꓥꓳꓽ ꓡꓰ ꓐꓳ ꓔ ꓟ ꓔꓯ ꓘꓳꓹ ꓣꓴˍ ꓠꓬꓲ꓾ ꓠꓬꓲꓸ ꓠꓬꓲ ꓗꓪ ꓛꓲ ꓘꓶꓽ ꓫꓵꓽ ꓡꓵꓺ ꓕꓳ ꓶ ꓔꓯ 39 ꓑꓷꓠ ꓡꓰ ꓘꓳꓹ ꓣꓴ ꓔꓬ ꓡꓳ=

ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲ ꓫꓬ ꓕꓳ ꓶ ꓔꓯ ꓟꓳꓸ ꓗꓪꓽ ꓫꓵꓽ ꓢꓲ ꓐꓯ ꓞꓷꓹ ꓗꓷˍ ꓟ꓾

            ꓬꓴ-ꓔ ꓗꓪ ꓬꓲ-ꓢꓷ-ꓡꓰ ꓡ ꓞꓳ ꓡꓰ ꓢꓲꓺ ꓓꓳ ꓗꓷ ꓟ ꓕꓳ ꓶ ꓫꓵꓽ ꓑꓷꓠ ꓔꓯ ꓢꓲꓽ ꓫꓬ ꓟ ꓢꓲꓽ ꓫꓬ ꓕꓳ ꓶ ꓚꓵꓺ ꓥ ꓡꓳ ꓐꓰ ꓮꓓ-1546 ꓘꓳꓼ ꓔꓲꓺ ꓒ ꓪ ꓔꓲ ꓒꓳ-ꓡꓳ (3) ꓡꓰ ꓲ-ꓔ-ꓡꓲ ꓗꓴꓷꓼ ꓔꓣꓰꓰꓗ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓐꓯ ꓞꓷꓹ ꓢꓲ ꓐꓯ ꓒꓬꓱꓻ ꓩꓴ ꓗꓷꓳ=