ꓢꓲꓽ ꓫꓬ ꓖꓳꓽ ꓓꓱꓽ ꓘꓳꓹ ꓣꓴˍ ꓟ ꓡꓲꓽ

ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓧꓪꓸ ꓧꓪꓸꓼ ꓔꓬ= ꓮ ꓟꓶ ꓕꓲ ꓙꓵꓹ ꓗꓪ ꓠꓬ ꓢꓲꓽ ꓫꓬ ꓖꓳ ꓓꓱꓽ ꓘꓳꓹ ꓣꓴˍ ꓟ ꓡꓲꓽ ꓒꓰꓼ ꓔꓯ ꓢꓳ ꓣꓴ ꓓꓴ ꓬꓰ ꓡꓯ= ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓗꓳꓸ ꓡꓳꓹ ꓬꓰˍ ꓟ ꓗꓪ ꓔꓲꓺ ꓓꓴ ꓟꓸ ꓟꓲꓽ꓾ ꓔꓲꓺ ꓓꓴ ꓗꓪ ꓐꓰ ꓦꓵꓻ ꓓꓳ ꓡˍ ꓟ ꓢꓲꓽ ꓫꓬ ꓖꓳ ꓓꓱꓽ ꓟꓸ ꓟꓲꓽ ꓢꓳ ꓡꓳꓹ ꓬꓰꓳ= ꓮ ꓟꓶ ꓕꓱ ꓕꓲ ꓙꓵꓹ ꓗꓪ ꓠꓬ ꓢꓲꓽ ꓫꓬ ꓖꓳ ꓓꓱꓽ ꓔꓯ ꓣꓳꓽ ꓕꓲ ꓣꓳ ꓡꓰ ꓕꓲ ꓣꓳ ꓮ ꓡꓰ ꓐꓰ ꓘꓳꓹ ꓣꓴ ꓠꓹ ꓟ ꓡꓲꓽ ꓒꓰꓼ ꓗ ꓫꓵ ꓔꓯ ꓟꓳꓸ ꓮꓸ ꓔꓲꓸ ꓤ ꓢꓲꓺ ꓣꓴ ꓢꓲ ꓠꓬꓲ ꓐꓯ ꓖꓶꓽ ꓠꓲꓹ ꓫꓵˍ ꓡꓳ=

ꓟꓸ ꓟꓲꓽ ꓕꓱ ꓟ ꓠꓬ 1 ꓘꓳ-ꓡꓱ-ꓕꓴ ꓕꓳꓽ ꓶ 11ꓽ27-30 ꓗꓪ ꓝꓲ ꓓꓴ ꓒꓳ-ꓡꓳ ꓡꓰ ꓘꓶꓸ ꓖꓶˍ ꓟ ꓐꓯ ꓘꓶꓽ ꓗꓪ ꓐꓰ ꓥꓳ= ꓮꓽ ꓟ ꓥˍ ꓟꓲ ꓟꓽ ꓒꓵꓽ ꓒꓵꓽ ꓢꓲꓺ ꓒ ꓑ ꓑ ꓜꓽ꓾ ꓥ ꓠꓬ꓾ ꓡꓴ ꓗꓶꓸ ꓓꓳˍ ꓠꓬ ꓢꓲꓺ ꓒ ꓬꓲ ꓖꓳ ꓓꓱꓽ ꓐꓰ ꓬꓲ ꓫꓵꓽ ꓔꓯ ꓛꓬꓻ ꓟ ꓝꓴꓲꓸ ꓟꓯꓻ ꓠ ꓗꓹ ꓡꓳ= ꓮꓽ ꓟ ꓥˍ ꓟꓲ ꓚꓲꓸ ꓛꓬ ꓔꓯ ꓚꓬꓹ ꓠꓬꓲ ꓖꓴꓻ ꓡꓰ ꓕꓯꓽ ꓢꓲ ꓑ ꓑ ꓕꓱ ꓟ ꓜꓽ꓾ ꓡꓴ ꓗꓶꓸ ꓕꓱ ꓟ ꓓꓳꓻ ꓠꓯꓹ ꓡꓳ=

ꓥ ꓡꓳ= ꓝꓲ ꓓꓴ ꓒꓳ-ꓡꓳ ꓐꓯ ꓘꓶꓽ ꓗꓪ ꓮ ꓟꓶ ꓣꓳ ꓘꓳꓹ ꓣꓴˍ ꓟ ꓑ ꓑ ꓛꓱꓼ ꓡꓱꓼ ꓙꓵ ꓠꓬ ꓢꓲ ꓒ ꓖꓳ ꓓꓱꓽ ꓥ ꓡꓳ꓾ ꓐꓰ ꓙꓵꓻ ꓢꓲ ꓟꓽ ꓜꓽ ꓟꓽ ꓓꓳꓻ ꓟ ꓧꓶꓸ ꓕꓯ ꓗꓪ ꓣꓳ ꓚꓲꓸ ꓛꓬ ꓬꓰ ꓛꓬ ꓗꓷˍ ꓟ ꓝꓴꓲꓸ ꓮ ꓙꓵꓽ ꓣꓷꓠꓸ ꓗꓷ ꓗꓸ ꓠꓯꓸ ꓢꓲ ꓒ ꓖꓳ ꓓꓱꓽ ꓔꓯ ꓣꓳꓽ ꓘꓳꓹ ꓣꓴ ꓠꓯꓹ ꓟ ꓟꓸ ꓟꓲꓽ꓾ ꓝꓲ ꓓꓴ ꓒꓳ-ꓡꓳ ꓡꓰ ꓘꓶꓸ ꓖꓶˍ ꓟ ꓗ ꓫꓵ ꓥ ꓡꓳ꓾ ꓐꓯ ꓟ ꓔꓯ ꓐꓯ ꓟꓸ ꓖꓶ ꓠꓲꓹ ꓫꓵˍ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓝꓮꓲ ꓢꓲ ꓒ ꓖꓳ ꓓꓱꓽ ꓥꓳ ꓐꓰ ꓟꓽ ꓦꓰꓽ ꓦꓰꓽ ꓜꓽˍ ꓕꓯ ꓠꓽ ꓚꓲ ꓛꓬ ꓔꓯ ꓐꓯ ꓟꓴ ꓞꓷꓹˍ ꓟ ꓥ ꓡꓳ= ꓬꓲ ꓟꓶꓽ ꓕꓲ ꓘꓶꓽ ꓗꓪ ꓝꓲ ꓓꓴ ꓒꓳ-ꓡꓳ ꓡꓰ ꓣꓳ ꓔꓯ ꓘꓶꓸ ꓖꓶˍ ꓐꓭ=

ꓖꓳ ꓟ ꓑꓶꓸ ꓓꓴ ꓮꓽ ꓟ ꓥˍ ꓟꓲ ꓢꓲꓺ ꓒ ꓖꓳ ꓓꓱꓽ ꓟꓽ ꓘꓳ ꓣꓴ ꓧꓶꓸ ꓕꓯ ꓗꓪ ꓣꓳꓽ ꓝꓴꓲꓸ ꓔꓯ ꓣꓷꓠꓸ ꓠꓬꓲ ꓢꓲ ꓠꓬꓲ꓾ ꓧꓪ ꓟꓰꓹ ꓠꓬꓲ ꓢꓲ ꓠꓬꓲ ꓢꓲ ꓒ ꓖꓳ ꓓꓱꓽ ꓔꓯ ꓣꓳ ꓘꓳꓹ ꓣꓴ ꓬꓰ ꓡꓯ=