ꓢꓲꓽ ꓫꓬ ꓖꓳ ꓓꓱꓽ ꓟꓸ ꓟꓲ

ꓢꓲꓽ ꓫꓬ ꓖꓳ ꓓꓱꓽ ꓟꓸ ꓟꓲ

ꓟꓸ ꓟꓲ ꓕꓱ ꓟ ꓠꓬ-ꓸ ꓬꓲꓸ ꓠꓯꓹ ꓟ ꓚꓲ_ ꓘꓶꓽ ꓓꓽ ꓟ ꓥ_ ꓡꓳ= ꓙꓲ-ꓢꓴ ꓢꓲ ꓤꓼ ꓐꓴ ꓠꓯꓼ ꓗꓪ ꓙꓵ ꓠꓲꓹ ꓚꓱꓹ ꓟꓴ ꓕꓲꓸ ꓥ ꓢꓲ-ꓸ ꓬꓰ-ꓢꓴ ꓙꓲ-ꓢꓴ ꓐꓰ ꓕꓲꓽ ꓖꓳ ꓓꓱꓽ ꓕꓲꓽ ꓧꓪꓽ ꓒꓬꓱꓼ ꓬꓰ ꓢꓲꓸ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬ ꓝꓸ ꓟꓶ ꓠꓹ ꓟ-ꓸ ꓬꓰ-ꓢꓴ ꓬꓲꓸ ꓚꓲꓹ ꓛꓬꓽ ꓖꓳ ꓓꓱꓽ ꓖꓶꓽ ꓜꓽ ꓡꓹ ꓟ ꓥ ꓠꓬꓲ-ꓸ ꓟꓽ ꓙꓵ ꓟꓽ ꓓ-ꓸ ꓟꓽ ꓬꓰ ꓟꓽ ꓓ-ꓸ ꓟꓽ ꓘꓳꓹ ꓣꓴ ꓟꓽ ꓓ-ꓸ ꓟ ꓙꓵꓽ ꓚꓱꓹ ꓓꓽ ꓟ ꓥ_ ꓡꓳ= ꓬꓳ-ꓦ 6ꓽ52-59  ꓟ-ꓕꓲ 26ꓽ26-30  1 ꓘꓳ-ꓡꓱ-ꓕꓴ 11ꓽ23-29

ꓬꓳ-ꓦ ꓕꓳꓽ ꓶ ꓗꓪ ꓠꓬ-ꓸ ꓬꓰ-ꓢꓴ ꓬꓲꓸ ꓠꓬ ꓟꓴ ꓗꓪ ꓗꓪ ꓐꓰ ꓬꓯꓼ ꓡꓹ ꓟ ꓑꓸ ꓑꓸ ꓢꓯꓸ ꓥ ꓢꓲꓸ ꓑꓸ ꓑꓸ ꓕꓱ ꓟ ꓜꓽ ꓢꓴ ꓠꓬ ꓢꓯꓼ ꓟꓬ ꓟꓶ ꓢꓲꓸ ꓫꓵꓽ ꓥ ꓟꓲ ꓝꓮꓲ ꓢꓯꓸ ꓬꓲꓼ ꓡ ꓥꓳ= ꓑꓸ ꓑꓸ ꓕꓱ ꓟ ꓠꓬ-ꓸ ꓡꓽ ꓞꓳ ꓮ ꓐ ꓬꓲꓸ ꓧꓪꓽ ꓥ ꓟ-ꓸ ꓬꓲꓸ ꓟꓽ ꓫꓵꓽ ꓟ ꓧꓶꓸ ꓙꓬꓽ ꓗꓪ ꓐꓯ ꓟꓳꓸ ꓖꓶꓽ ꓔ ꓟ ꓥ_ ꓡꓳ=

ꓟ-ꓕꓲ ꓕꓳꓽ ꓶ ꓡꓪ ꓠꓬ-ꓸ ꓬꓲꓸ ꓛꓳ ꓒꓯꓹ ꓐꓴ ꓐꓰ ꓗꓳꓹ ꓗꓷ ꓟ ꓑꓮꓲ ꓬꓰ ꓢꓲ ꓠꓼ ꓡꓲꓹ ꓠꓬꓲ ꓟꓶꓽ ꓘꓶꓼ ꓜ ꓜꓽ ꓕꓯꓽ ꓬꓲ ꓫꓵꓽ ꓙ ꓟ ꓔꓯꓸ ꓚꓲꓸ ꓟꓶ ꓓꓴ ꓙꓵꓽ ꓚꓱꓹ ꓗ ꓫꓵ ꓫꓬꓹ ꓔꓶ ꓬꓰ ꓢꓲꓸ ꓕꓵꓽ ꓪ ꓖꓶꓽ ꓔꓸ ꓟ= ꓟꓸ ꓟꓲ ꓓꓯꓹ ꓡ0=

1 ꓘꓳ-ꓡꓱ-ꓕꓴ ꓕꓽ ꓶ ꓗꓪ ꓟ ꓟꓸ ꓟꓲ ꓠꓬ-ꓸ ꓣꓳꓽ ꓑꓸ ꓑꓸ ꓦꓶꓹ ꓟ ꓠꓬ-ꓸ ꓬꓰ-ꓢꓴ ꓧꓪꓽ ꓚꓲ ꓥ ꓠꓬꓲ-ꓸ ꓮ ꓘꓶꓸ ꓒꓵꓽ ꓢꓲꓸ ꓘꓳꓹ ꓣꓴ ꓙꓲꓽ ꓙꓳꓹ ꓟ= ꓟꓸ ꓟꓲ ꓝꓲ-ꓓꓴ ꓒꓳ-ꓡꓳ ꓘꓶꓸ ꓖꓶꓽ ꓟ ꓟꓸ ꓟꓲ ꓓꓯꓹ ꓡꓳ=

ꓠꓲꓸ ꓠꓵꓹ ꓟ ꓬꓲꓽ ꓤꓽ ꓠꓬꓲ ꓤꓽ ꓐꓴ-ꓳꓽ-ꓸ

ꓮ ꓟꓶ ꓘꓶꓼ ꓫꓵꓼ ꓫꓵꓼ ꓦꓬꓼ ꓠꓬꓲ ꓬꓰ-ꓢꓴ  ꓠꓯꓼ ꓗꓪ ꓐꓲ ꓡ ꓓꓴ-ꓸ ꓘꓶꓽ ꓫꓵꓼ ꓡꓵ ꓦꓬꓼ ꓠꓬꓲ-ꓸ ꓬꓲ-ꓢꓷ-ꓡꓰ ꓐꓴ ꓮ ꓠꓱ ꓗꓪ ꓐꓰ ꓠꓬꓲ ꓠꓬꓲ ꓗꓪ ꓛꓲ ꓬꓰ ꓔꓬ ꓟ ꓗꓳꓹ ꓗꓷ ꓟ ꓑꓮꓲ ꓥ_ ꓡꓳ= ꓬꓲ-ꓙꓲ ꓟꓵꓽ ꓗꓪ ꓚꓳ ꓑꓸ 430 ꓘꓳꓼ ꓗꓪ ꓐꓰ ꓗꓳꓹ ꓙꓰ ꓟꓶ ꓟ ꓬꓲꓸ ꓟꓶꓽ ꓟ ꓕꓲꓽ ꓦꓬꓼ ꓗꓪ ꓮ-ꓣꓳ ꓑꓸ ꓢꓰꓼ ꓜꓽ ꓢꓲꓹ ꓮ ꓣꓳ ꓫꓵꓽ ꓠꓬ ꓗꓸ ꓘꓶꓽ ꓪ ꓟꓰ ꓔꓸ ꓟ ꓗꓪ ꓐꓰ ꓤꓽ ꓪꓴꓽ ꓥ ꓟꓲ ꓟꓽ ꓫꓵꓼ ꓝꓮꓲ ꓚꓳꓸ ꓑ ꓤꓶ ꓗꓪ ꓐꓰ ꓩ-ꓣꓳ ꓪ-ꓔꓲ ꓡꓰ ꓬꓲ-ꓢꓷ-ꓡꓰ ꓡ ꓞꓳ ꓔꓯ ꓡꓲꓹ ꓔꓴ ꓗꓷꓟ ꓥ_ ꓡ= ꓟꓸ ꓟꓲ ꓕꓱ ꓟ ꓬꓳꓹ ꓚꓲꓸ ꓟ ꓠꓬ-ꓸ ꓬꓲ-ꓢꓷ-ꓡꓰ ꓐꓴ ꓮ ꓣꓳ ꓑ ꓢꓰꓼ ꓜꓽ ꓢꓲꓸ ꓬꓲꓸ ꓫꓵꓽ ꓠꓬ ꓗꓸ ꓘꓶꓽ ꓒꓰꓼ ꓗꓪ ꓟꓰ ꓔꓸ ꓟ ꓗꓪ ꓐꓰ ꓚꓳ ꓑꓸ ꓤꓶ ꓗꓪ ꓐꓰ ꓡꓲꓹ ꓙꓰ ꓟꓶ ꓟ ꓥꓳ= ꓬꓲ-ꓢꓷ-ꓡꓰ ꓐꓴ ꓔꓳꓸ ꓜꓳꓹ ꓟ ꓫꓵꓽ ꓪꓴ ꓕꓱ ꓟ ꓠꓬ ꓬꓰ-ꓢꓴ ꓡꓯ ꓐꓳ ꓔꓶ ꓓꓴ ꓗꓪ ꓣꓳ ꓐꓱ ꓶ ꓫꓵꓼ ꓙ ꓗꓷ ꓢꓲꓹ ꓝꓴꓲ ꓚꓳ ꓑꓸ ꓗꓪ ꓐꓰ ꓡꓲꓹ ꓙꓰ ꓟꓶ ꓟ ꓦ ꓐꓬꓱꓼ ꓧꓶꓸ ꓙꓬꓽ ꓟꓳꓸ ꓖꓶꓽ ꓔꓸ ꓟ ꓥꓳ= ꓝꓮꓲ ꓬꓲ-ꓢꓷ-ꓡꓰ ꓐꓴ ꓬꓲ-ꓙꓲ ꓟꓵꓽ ꓗꓪ ꓐꓰ ꓘꓷ- ꓠꓽ ꓟꓵꓽ ꓗꓪ ꓛꓲ ꓠꓹ ꓟ 40 ꓘꓳꓼ ꓙ ꓫꓱꓼ ꓕꓯ ꓪꓴ-ꓢ ꓡꓰ ꓟꓴ ꓗꓪ ꓗꓪ ꓐꓰ ꓟ- ꓠ ꓑꓸ ꓑꓸ ꓖꓶꓽ ꓜꓽ ꓢꓲꓸ ꓘꓶꓼ ꓫꓵꓼ ꓟꓵꓽ ꓘꓷ-ꓠꓽ ꓗꓪ ꓛꓲ ꓬꓰꓳ=ꓮ ꓟ ꓣꓳ ꓘꓶꓼ ꓫꓵꓼ ꓫꓵꓼ ꓦꓬꓼ ꓠꓬꓲ ꓗꓪ-ꓸ ꓟꓴ ꓗꓰ ꓗꓰ ꓐꓰ ꓬꓯꓼ ꓡꓹ ꓟ ꓑꓸ ꓑꓸ ꓬꓲꓸ ꓢꓯꓸꓜꓽ ꓢꓲꓸ ꓟꓴ ꓗꓪ ꓗꓪ ꓛꓲ ꓬꓰ ꓠꓹ ꓟ ꓥ_ ꓡꓳ= ꓟꓲ ꓠꓯ ꓡ ꓞꓳ ꓢꓯꓼ ꓟꓬ ꓟ ꓠꓹ ꓟ ꓥꓪ ꓡꓰ ꓖꓶꓽ ꓠꓹ ꓟ ꓑꓸ ꓑꓸ ꓠꓬ ꓥꓪ ꓧꓪꓽꓥꓳꓽ ꓬꓳ-ꓦ 6ꓽ51 ꓝꓲꓸ ꓥ_ ꓡꓳ= ꓬꓲꓽ ꓤ ꓠꓬꓲ ꓤ ꓐꓴ-ꓳꓽ-ꓸ ꓟꓴ ꓗꓪ ꓗꓪ ꓐꓰ ꓬꓯꓼ ꓡꓹ ꓟ ꓑꓸ ꓑꓸ ꓬꓲꓸ ꓢꓯꓸ ꓮ ꓡꓰ ꓗꓪ ꓐꓰ ꓣꓳ ꓘꓳꓹ ꓣꓴ ꓟꓶ ꓡꓽ? ꓟꓲ ꓙꓬ ꓝꓮꓲ ꓝꓸ ꓢꓲ ꓑꓸ ꓑꓸ ꓬꓲꓸ ꓢꓯꓸ ꓘꓳꓹ ꓣꓴ ꓟ ꓟꓸ ꓟꓲ ꓠ_ ꓠꓹ ꓡꓯ=

Add new comment

2 + 7 =