ꓢꓲ ꓒ ꓬꓰ-ꓢꓴ ꓦꓵꓻ ꓔꓶꓸ ꓥ ꓟ ꓢꓲꓽ ꓫꓬ ꓟ ꓟꓵꓽ ꓘꓹ-ꓒꓱ-ꓠꓴ ꓟꓸ ꓟꓲꓽ

ꓕꓱ ꓕꓲ ꓠꓽ ꓢꓲꓽ ꓫꓬ ꓕꓳꓽ ꓶ ꓗꓪ ꓟ ꓡꓳ ꓒꓱ ꓚꓱꓹ ꓐꓴ ꓔꓯ ꓐꓯ ꓟꓸ ꓖꓶˍ ꓟ ꓙꓵꓹ ꓗꓪ ꓢꓲ ꓒ ꓬꓰ-ꓢꓴ ꓦꓵꓻ ꓔꓶꓸ ꓥ ꓟ ꓢꓲꓽ ꓫꓬ ꓟ ꓟꓵꓽ꓾ ꓥ ꓠꓬ꓾ ꓘꓹ-ꓒꓱ-ꓠꓴ ꓟꓸ ꓟꓲꓽ ꓔꓯ ꓐꓯ ꓟꓸ ꓖꓶ ꓩꓴ ꓡˍ ꓥꓳ=  

ꓘꓹ-ꓒꓱ-ꓠꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓐꓰ ꓡꓳ-ꓔ 100 ꓕꓷꓹ ꓛꓲ ꓶꓽˍ ꓟ ꓟꓵꓽ ꓥ ꓡꓳ= ꓘꓹ-ꓒꓱ-ꓠꓴ ꓟꓵꓽ ꓐꓯ ꓕꓯ ꓠꓬ ꓮ ꓟꓬꓹ ꓔꓶꓸ ꓔꓯ ꓐꓯˍ ꓟ ꓥ ꓡꓳ= ꓕꓱ ꓕꓲ ꓘꓴ ꓗꓪ ꓖ-ꓡꓲ-ꓡꓲ ꓬꓲꓻ ꓡꓴꓽ ꓐꓱ ꓥˍ ꓟꓲ ꓐ ꓔꓬ ꓟ ꓔꓯ ꓡꓳꓸ ꓟꓳꓻ ꓪ ꓓꓹ ꓡꓳ=

ꓘꓹ-ꓒꓱ-ꓠꓴ ꓗꓪ ꓙꓰˍ ꓕꓯ ꓬꓲ ꓪꓴꓸ ꓣꓳ ꓙꓰ ꓠ ꓔ ꓟ ꓠꓬ Capernaum Nation Park ꓐꓯˍ ꓟ ꓘꓹ-ꓒꓱ-ꓠꓴ ꓢꓲꓹ ꓪꓰ ꓐꓱ ꓗꓪ ꓙꓰ ꓠ ꓔ ꓥ= ꓖꓳ ꓕꓲ ꓘꓴ ꓗꓪ ꓞꓳ ꓤ ꓟꓽ ꓔꓬꓹ ꓟ ꓟꓶ ꓤ ꓗꓷ ꓡꓰ ꓢꓲ꓾ 1838 ꓘꓳꓼ ꓕꓯ ꓢꓲꓸ ꓠꓬꓲ ꓕꓱ ꓕꓲ ꓘꓴ ꓔꓯ ꓝꓮꓲ ꓕꓲ ꓧꓪꓹ ꓟꓳꓻ ꓡꓰ ꓟ ꓥ ꓡꓳ꓾ ꓐꓰ ꓐꓯˍ ꓡꓳ= ꓖꓳ ꓡꓱ ꓢꓲ ꓠꓬꓲ 1960 ꓘꓳꓼ ꓕꓯ Franciscan ꓔꓲ ꓒ ꓐꓴ꓾ ꓔꓲ ꓟ ꓐꓴ ꓡꓰ ꓕꓱ ꓕꓲ ꓘꓴ ꓗꓪ ꓝꓮꓲ ꓕꓲ ꓧꓪꓹ ꓫꓬꓹ ꓑꓱ ꓗꓷ ꓟ ꓥ ꓡꓳ꓾ ꓐꓰ ꓐꓯˍ ꓡꓳ= ꓕꓱ ꓗꓪ ꓮ ꓫꓵꓽ ꓙꓳˍ ꓡ ꓐꓯ ꓕꓯ ꓬꓴ-ꓔ ꓪꓽ ꓘꓴ ꓦꓲ꓾ ꓜꓲꓼ ꓦꓲ ꓙꓳˍ ꓟ ꓡꓰꓽ ꓟꓽ ꓞꓲꓺ ꓪꓽ ꓘꓴ ꓦꓲ ꓬꓲ ꓐꓰꓽ ꓮ ꓟꓬꓹ ꓔꓯ ꓡꓳꓸ ꓟꓳꓻ ꓪ ꓓꓹ ꓡꓳ=

ꓟꓬꓽ ꓠꓬꓲ ꓕꓱ ꓗꓪ ꓟꓬꓱ ꓙꓳˍ ꓟ ꓠꓬ ꓝꓲ ꓓꓴ ꓒꓲ-ꓕꓱ ꓦꓲꓻ ꓐꓯˍ ꓟ ꓥ ꓡꓳ= ꓥꓪꓸ ꓢꓰꓼ ꓒ ꓝꓲ ꓓꓴ ꓒꓲ-ꓕꓱ ꓔꓬ ꓗꓷ ꓟ ꓦꓲ ꓥ ꓢꓲ ꓠꓬꓲ꓾ ꓖꓳ ꓟ ꓗꓹ ꓘꓶꓽ ꓓꓴꓽ ꓗꓪ ꓠꓬꓲꓸ ꓠꓬꓲ ꓦꓲꓻ ꓓ ꓟ ꓫꓬꓹ ꓔ ꓟ ꓙꓳˍ ꓡꓳ= ꓖꓳ ꓟ ꓡꓰꓽ ꓟꓽ ꓞꓲꓺ ꓕꓱ ꓕꓲ ꓘꓴ ꓗꓪ ꓬꓲ-ꓢꓷ-ꓡꓰ ꓗꓴꓷꓼ ꓔꓯ ꓙꓵꓽ ꓢꓴ ꓢꓲꓽ ꓒ ꓐꓴ ꓡꓰ ꓗꓹ ꓗ ꓔꓶꓸ ꓢꓲꓹ ꓪꓰ ꓐꓱˍ ꓐꓰ꓾ ꓪꓴꓽ ꓧꓶ ꓠꓽ ꓔꓶꓸ ꓮ ꓟꓬꓹ ꓬꓰ ꓔ ꓡꓳ꓾ ꓐꓰ ꓐꓯˍ ꓡꓳ= 

ꓠꓬꓲꓽ ꓖ ꓕꓲ ꓖ ꓣꓳ ꓙꓰ ꓠ ꓔ ꓟ ꓠꓬ Tabghar ꓥ ꓡꓳ=