ꓢꓲ ꓫꓬ ꓕꓳ ꓶ ꓚ ꓟꓲꓽ (4) ꓕꓱ

Friday, March 12, 2021

ꓮꓓ-405 ꓘꓳꓼ ꓔꓲ-ꓒ ꓪ ꓔꓲ ꓲꓠꓠꓳꓚꓰꓠꓔ ꓧꓳꓽ ꓪꓴꓸ ꓟꓳ ꓢꓲ ꓕꓲꓽ ꓧꓪꓹ ꓗꓸ ꓠꓯꓸ ꓮꓓ-409 ꓘꓳꓼ ꓔꓲ-ꓒ ꓪ ꓔꓲ ꓐꓳꓠꓲꓝꓮꓚꓰ (1) ꓡꓰ ꓝꓮꓲ ꓕꓲꓽ ꓧꓪꓹ ꓚꓲꓸ ꓚ ꓓꓳ ꓡꓰ ꓢꓲ-ꓸ ꓔꓱꓹ ꓚꓲꓹ ꓟ ꓢꓲ ꓫꓬ ꓕꓳ ꓶ ꓢꓲ ꓚꓰ ꓓꓳ ꓪ ꓡꓰꓳ= ꓦꓬꓼ ꓠꓬꓲ ꓖꓳ ꓟ ꓗꓪ ꓛꓲ ꓢꓲ ꓫꓬ ꓕꓳ ꓶ ꓔꓯ ꓬꓲꓸ ꓕꓱ ꓬꓲꓸ ꓝꓲ ꓟꓽ ꓐꓱ ꓔ ꓢꓲ-ꓸ ꓗꓸ ꓠꓯ ꓔꓲ-ꓒ ꓪ ꓔꓲ ꓐꓴ ꓡꓰ ꓢꓲ ꓚꓰ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓮꓓ-1214 ꓘꓳꓼ ꓗꓪ ꓔꓲ-ꓒ ꓢꓲ-ꓕꓲꓽ-ꓩ ꓡꓮꓠꓖꓔꓳꓠ ꓡꓰ ꓘꓶꓼ ꓫꓵꓼ ꓡꓵ ꓐꓰ ꓘꓶꓼ ꓫꓵꓼ ꓫꓵꓼ ꓕꓳ ꓶ ꓔꓯ ꓬꓲꓸ ꓕꓱ ꓒꓯꓽ ꓩꓴ ꓗꓷꓳ= ꓗꓸ ꓠꓯ ꓮꓓ-1228 ꓘꓳꓼ ꓗꓪ ꓲ-ꓔ-ꓡꓲ ꓡꓽ ꓞꓳ ꓓꓳꓟꓲꓠꓲꓚꓮ ꓔꓲ-ꓒ ꓜꓴ ꓗꓪ ꓟ ꓢꓮꓠꓔꓰ ꓑꓮꓠꓖꓠꓲꓠꓳ ꓢ-ꓓꓯ-ꓑ-ꓠꓲ-ꓠꓳ ꓡꓰ ꓘꓶꓼ ꓫꓵꓼ ꓡꓵ ꓕꓳ ꓶ ꓔꓯ ꓬꓲꓸ ꓝꓲꓸ ꓐꓱ ꓗꓷ ꓗꓷꓳ= ꓗꓸ ꓠꓯ ꓮꓓ-1551 ꓘꓳꓼ ꓗꓪ ꓑꓲ-ꓔꓲꓼ ꓡꓽ ꓞꓳ ꓣꓳꓐꓰꓣꓔ ꓬꓳ-ꓐꓰ ꓢꓔꓲꓰꓠꓠꓰ ꓟꓸ ꓒꓽ ꓓꓽ ꓟ ꓕꓲꓽ ꓣꓳ ꓡꓰ ꓘꓶꓽ ꓫꓵꓼ ꓫꓵꓼ ꓕꓳ ꓶ ꓔꓯ ꓬꓲꓸ ꓝꓲ ꓐꓱ ꓗꓷ ꓗꓷꓳ=

ꓘꓶꓽ ꓫꓵꓼ ꓡꓵ ꓐꓰ ꓘꓶꓽ ꓫꓵꓼ ꓫꓵꓼ ꓔꓯ ꓬꓲꓸ ꓕꓱ ꓬꓲꓸ ꓝꓲꓸ ꓐꓱ ꓗꓷ ꓠꓬꓲ-ꓸ ꓢꓲ ꓫꓬ ꓕꓳ ꓶ ꓔꓯ ꓵ ꓠꓲꓹ ꓫꓵ ꓢꓴ ꓐꓱ ꓶ ꓮ ꓘꓶꓸ ꓢ ꓡꓰꓳ=ꓘꓶꓽ ꓫꓵꓼ ꓡꓵ ꓕꓳ ꓶ ꓗꓰ ꓚ-ꓟꓲ ꓕꓳ ꓶ ꓐꓰ ꓟꓷꓽ ꓠꓷꓹ ꓝꓸ ꓕꓳ ꓶ ꓕꓳ ꓶ ꓮꓽ ꓙꓵ 46 ꓑꓷꓠ ꓐꓰ ꓘꓶꓽ ꓫꓵꓼ ꓫꓵꓼ ꓕꓳ ꓶ 27 ꓑꓷꓠ ꓮ ꓙꓵꓽ 73 ꓠꓬ 1500 ꓘꓳꓼ ꓬꓲꓸ ꓘꓴꓽ ꓗꓪ ꓪꓴ-ꓢ ꓦ ꓡꓰ ꓧꓳꓽ ꓣꓱꓽ ꓧꓳꓽ ꓟꓳꓸ ꓖꓶꓽ ꓢꓲ-ꓸ ꓕꓲꓽ ꓤꓶꓸꓹ ꓖꓳ ꓕꓲꓽ ꓤꓶꓸꓹ ꓗꓪ ꓐꓳ ꓢꓲ ꓕꓶ ꓡꓰ ꓟ ꓢꓲ ꓫꓬ ꓕꓳ ꓶ ꓚꓲ_ ꓥ ꓡꓳ ꓐꓰ ꓬꓲꓸ ꓚꓰ ꓬꓲ ꓪꓴ ꓗꓪ ꓟ ꓘꓴ ꓜꓲꓼ ꓞꓳ ꓡꓰ ꓕꓶ ꓡꓰ ꓝꓲ ꓟ ꓥꓳ=