ꓢꓲ ꓫꓬ ꓕꓳ ꓶ ꓚ ꓟꓲꓽ (6) ꓕꓱ

Friday, March 26, 2021

ꓢꓲ ꓫꓬ ꓕꓳ ꓶ ꓚ ꓟꓲꓽ (6) ꓕꓱ

ꓬꓲ ꓚꓰ ꓬꓲ ꓪꓴꓸ ꓟ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓮꓓ-400 ꓘꓳꓼ ꓗꓪ ꓛꓲ ꓠꓬ ꓢꓰꓑꓔꓴꓮꓖꓲꓠꓔ ꓖꓣꓰꓰꓗ ꓥꓳꓽ ꓗꓪ ꓒꓳꓹ ꓡꓶꓸ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓣꓱꓽ ꓡꓳ= ꓝꓲ-ꓓꓴ ꓒꓳ-ꓡꓳ ꓥ ꓟꓲ ꓶꓽ ꓥꓳꓽ ꓚꓳ ꓙꓰ ꓟ ꓗꓪ ꓖꓣꓰꓰꓗ ꓥꓳꓽ ꓒꓳꓹ ꓡꓶꓸ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓣꓱꓽ ꓗꓷꓳ= ꓘꓶꓽ ꓫꓵꓼ ꓫꓵꓼ ꓢꓲ ꓫꓬ ꓕꓳ ꓶ ꓐꓳ ꓢꓴ ꓮ ꓙꓵꓽ ꓥ ꓟꓲ ꓖꓣꓰꓰꓗ ꓥꓳꓽ ꓗꓪ ꓡꓰ ꓐꓳ ꓔ ꓡꓳ=

ꓡꓮꓔꓲꓠ ꓥꓳꓽ ꓗꓪ ꓒꓳꓹ ꓡꓶꓸ ꓟ=

ꓮꓓ-382 ꓘꓳꓼ ꓗꓪ ꓔꓲ-ꓒ ꓪ ꓔꓲ ꓓꓮꓟꓮꓢꓴꓢ ꓠꓬ ꓬꓲꓸ ꓟꓬꓱꓽ ꓢꓲ ꓥ ꓟ ꓙꓰꓣꓳꓟ ꓔꓯ ꓖꓣꓰꓰꓗ ꓥꓳꓽ ꓗꓪ ꓐꓰ ꓡꓮꓔꓲꓠ ꓥꓳꓽ ꓗꓪ ꓒꓳꓹ ꓡꓶꓸ ꓝꓲ ꓢꓲ ꓡꓮꓔꓲꓠ ꓥꓳꓽ ꓗꓪ ꓒꓹ ꓡꓶꓸ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓦꓴꓡꓖꓮꓔꓰ ꓐꓰ ꓟꓬꓱ ꓔ ꓡꓳ=

ꓢꓲ ꓫꓬ ꓕꓳ ꓶ ꓔꓯ ꓔꓳꓹ ꓢꓴ ꓓꓳ ꓡ_ ꓟ=

ꓮꓓ-1524 ꓘꓳꓼ ꓗꓪ ꓠꓬ ꓔꓲ-ꓒ ꓟ-ꓔꓲ ꓡꓴ-ꓕꓷ ꓠꓬ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓐꓰ ꓓꓳ ꓙꓰ ꓢꓲ ꓬꓲ ꓚꓰ ꓬꓲ ꓪꓴꓸ ꓟ ꓢꓲ ꓫꓬ ꓕꓳ ꓶ ꓢꓰꓑꓔꓴꓮꓖꓲꓠꓔ ꓔꓯ ꓟꓽ ꓘꓳ ꓣꓴ ꓦꓲ-ꓐꓱ-ꓣꓴ ꓥꓳꓽ ꓐꓳ ꓔ ꓟ ꓢꓲ ꓫꓬ ꓕꓳ ꓶ ꓔꓯ ꓟꓬꓽ ꓠꓬꓲ ꓘꓳꓹ ꓣꓴ ꓠꓬꓲ ꓘꓶꓽ ꓫꓵꓼ ꓡꓵ ꓕꓳ ꓶ ꓗꓪ 39 ꓑꓷꓠ ꓡꓰ ꓣꓱꓽ ꓠꓬꓲ ꓬꓲ ꓗꓸ ꓠꓯ ꓛꓳ ꓐꓴ ꓥ ꓟꓲ ꓘꓶꓽ ꓫꓵꓼ ꓫꓵꓼ ꓕꓳ ꓔꓯ ꓥ ꓟꓲ ꓬ-ꓗꓴ ꓦꓲ-ꓐꓱ-ꓣꓴ ꓬꓴ-ꓓ ꓟꓳꓸ ꓖꓶ ꓓꓴ ꓕꓳ ꓶ ꓬꓲ ꓪ ꓟꓽ ꓘꓳꓹ ꓣꓴ ꓢꓲ ꓓꓳ ꓗꓷ ꓡꓳ= ꓟꓽ ꓘꓳꓹ ꓣꓴ ꓢꓲ ꓓꓳ ꓗꓷ ꓟ ꓕꓳ ꓶ ꓔꓯ ꓗꓸ ꓠꓯ ꓢꓲ-ꓸ ꓝꓮꓲ ꓘꓳꓹ ꓣꓴ ꓡꓳ ꓖꓳ ꓡꓱ ꓥ ꓟꓲ ꓘꓶꓽ ꓫꓵꓼ ꓡꓵ ꓗꓪ ꓟ ꓢꓲ ꓫꓬ ꓕꓳ ꓶ ꓔꓯ ꓦꓲ-ꓐꓱ-ꓣꓴ ꓥꓳꓽ ꓡꓰ ꓐꓳ ꓔ ꓟ ꓔꓯ ꓘꓳꓹ ꓣꓴ ꓠꓬꓲ ꓠꓬꓲꓸ ꓠꓬꓲ ꓗꓪ ꓛꓲ ꓘꓶꓽ ꓫꓵꓼ ꓡꓵ ꓕꓳ ꓶ ꓔꓯ 39 ꓑꓷꓠ ꓡꓰ ꓘꓳꓹ ꓣꓴ ꓡꓳ=

ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲ ꓫꓬ ꓕꓳ ꓶ ꓔꓯ ꓟꓳꓸ ꓗꓪꓽ ꓫꓵꓽ ꓢꓲ ꓐꓯ ꓞꓰꓹ ꓗꓷ ꓟ=

ꓬꓴ-ꓔ ꓗꓪ ꓬꓲ-ꓢꓷ-ꓡꓰ ꓡ ꓞꓳ ꓡꓰ ꓢꓲ ꓓꓳ ꓗꓷ ꓟ ꓕꓳ ꓶ ꓫꓵꓽ ꓑꓷꓠ ꓔꓯ ꓢꓲ ꓫꓬ ꓟ ꓢꓲ ꓫꓬ ꓕꓳ ꓶ ꓚꓲ ꓥ ꓡꓳ ꓐꓰ ꓮꓓ-1546 ꓘꓳꓼ ꓔꓲ-ꓒ ꓪ ꓔꓲ ꓒꓳ-ꓡꓳ(3) ꓡꓰ ꓲ-ꓔ-ꓡꓲ ꓗꓴꓷꓼ ꓔꓣꓰꓰꓗ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓐꓯ ꓞꓰ ꓐꓯ ꓒꓬꓱꓼ ꓩꓴ ꓗꓷꓳ=