ꓣꓳ‐ꓟ ꓡꓳ ꓒꓱ ꓗꓪ ꓮ ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓔꓴ. ꓔ ꓟ ꓔꓶ. ꓡꓯꓼ ꓜꓳꓼ ꓜꓳꓻ (The Catacombs) ꓗꓪ ꓡꓳ. ꓟꓳ ꓪ ꓟ ꓙꓵꓻ ꓠꓲ, ꓚꓱ, (The Catacombs Bear Witness to the Faith)

      ꓣꓳ‐ꓟ ꓡꓳ ꓒꓱ ꓗꓪ ꓮ ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓔꓴ. ꓔ ꓟ ꓔꓶ. ꓡꓯꓼ ꓜꓳꓼ ꓜꓳꓻ (The Catacombs) ꓗꓪ ꓡꓳ. ꓟꓳ ꓪ ꓟ ꓙꓵꓻ ꓠꓲ, ꓚꓱ, (The Catacombs Bear Witness to the Faith) 

 ꓣꓳ‐ꓟ ꓡꓳ ꓒꓱ ꓗꓪ ꓮ ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓔꓴ. ꓔ ꓟ ꓔꓶ. ꓡꓯꓼ ꓜꓳꓼ ꓜꓳꓻ (The Catacombs) ꓗꓪ ꓐꓳ ꓔ ꓕꓳ ꓶ ꓠꓬ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓠꓲ, ꓔꓯ ꓡꓳ. ꓟꓳ ꓪ ꓟ ꓥ ꓡꓳ꓿ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓠꓬꓲ. ꓠꓬꓲ ꓗ‐ꓔꓳ‐ꓡꓲ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓔꓬ ꓟ ꓮ ꓙꓵꓽ ꓔꓯ ꓙꓵꓻ ꓢꓴ ꓐꓴ ꓥ ꓡꓳ꓿ ꓐ, ꓐ ꓪꓴ‐ꓢ ꓔꓯ ꓙꓵꓻ ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓟ, ꓟ ꓟ‐ꓡꓲ ꓚꓱ, ꓐꓰ ꓙꓲꓻ ꓫꓬ ꓢꓴ ꓐꓴ ꓔꓯ ꓐ, ꓐ ꓪꓴ‐ꓢ ꓠꓯ, ꓗꓪ ꓪꓽ ꓘꓴ ꓙ ꓠ, ꓟ ꓓꓰꓽ ꓟ ꓔꓯ ꓘꓳ, ꓣꓴ ꓟ ꓐꓰ ꓫꓬ, ꓟꓵꓽ ꓙꓳˍ ꓟ ꓚꓱ, ꓐꓰ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓟ ꓔꓯ ꓥ ꓟꓲ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓬꓰ ꓗꓷ ꓟ ꓚꓱ, ꓔꓯ ꓡꓳ. ꓟꓳ ꓪ ꓡꓳ꓿

ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓥꓳ ꓡꓳ. ꓗꓷ ꓟ ꓠꓬ ꓠꓬꓲ. ꓠꓬꓲ ꓣꓳ ꓥꓳ ꓡꓳ. ꓔꓬ  ꓟ ꓥ ꓡꓳ꓿ ꓮ ꓠꓱ  ꓟ ꓙꓲ‐ꓢꓴ ꓢꓲꓺ ꓤ ꓐꓴ  ꓠꓬ ꓢꓲꓺ ꓒ ꓬꓰ‐ꓢꓴ ꓡꓰ ꓡꓯ ꓐꓳ ꓔꓲ. ꓓꓴ ꓗꓪ ꓫꓵꓻ ꓙ ꓗꓷ ꓢꓲ ꓠꓬꓲ ꓝꓴꓲ ꓙꓳ ꓢꓴ ꓟꓲ ꓠꓯ ꓡ ꓞꓳ ꓕꓯ ꓚꓬꓴ ꓙ ꓗꓷ ꓟ ꓐꓰ ꓪꓴ‐ꓢ ꓠꓵꓻ ꓠꓲ, ꓗꓪ ꓐꓰ ꓫꓬ, ꓡꓰ ꓟ ꓝꓴꓲ ꓔꓯ ꓖꓽ ꓖꓶ ꓟ ꓚꓱ, ꓐꓰ ꓧꓪꓽ ꓖꓳ ꓓꓱ ꓫꓵꓻ ꓥ ꓟꓲ ꓦꓻ ꓠꓬ ꓝꓮꓲ ꓢꓯꓼ ꓬꓲꓼ ꓡ ꓟ ꓐꓰ ꓕꓲ ꓞꓲꓼ ꓕꓲ ꓑ ꓐ, ꓐ ꓪꓴ‐ꓢ ꓐꓰ ꓔꓬ ꓪ ꓠ, ꓟ  ꓙꓵꓻ ꓠꓲ, ꓚꓱ, ꓮ ꓙꓵꓽ ꓔꓯ ꓙꓵꓻ ꓢꓴ ꓐꓴ ꓥ ꓡꓳ꓿

ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓐꓬꓱꓽ ꓢꓱ. ꓔ ꓟ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓙꓲˍ ꓟ ꓮꓽ ꓣꓳ ꓡꓳ. ꓒ ꓐꓬꓱꓽ ꓥ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓟꓶ ꓡꓰ ꓟ ꓮꓽ ꓣꓳ ꓔꓯ ꓑꓱ. ꓔ ꓟ ꓐꓬꓱꓽ ꓔꓯ ꓥ ꓟꓲ ꓡꓳ. ꓟꓳ ꓪ ꓟ ꓥ ꓡꓳ꓿ ꓝꓮꓲ ꓐꓬꓱꓽ ꓕꓲ ꓟ ꓗꓪ ꓠꓬ ꓢꓲꓺ ꓒ ꓬꓰ‐ꓢꓴ ꓬꓲ. ꓟꓶ ꓜ ꓜ ꓑꓮꓲ ꓬꓰ ꓗꓷ ꓟ ꓐꓬꓱꓽ ꓔꓯ  ꓥ ꓟꓲ ꓡꓳ. ꓟꓳ ꓪ ꓟ ꓥ ꓡꓳ꓿ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓫꓵꓻ ꓟ ꓗꓪ ꓐꓰ ꓝꓮꓲ ꓢꓯ. ꓬꓯꓼ ꓡ ꓟ ꓚꓱ, ꓔꓯ ꓠꓳ‐ꓪ ꓐꓰ ꓡꓲ ꓐꓬꓱꓽ ꓔꓯ ꓢꓱ. ꓔ ꓟ ꓥ ꓡꓳ꓿ ꓝꓮꓲ ꓬꓳ‐ꓠ ꓐꓰ ꓥꓪ ꓐꓬꓱꓽ ꓡ ꓟ ꓟꓶ ꓠꓲꓻ ꓑ ꓕꓲ ꓗꓪ ꓓ‐ꓠꓲ‐ꓡꓲ ꓐꓬꓱꓽ ꓐꓰ ꓡ‐ꓢ‐ꓣꓳ ꓝꓮꓲ ꓢꓯꓼ ꓬꓯꓼ ꓡ ꓟ ꓐꓬꓱꓽ ꓔꓯ ꓥ ꓟꓲ ꓐꓬꓱꓽ ꓢꓱ. ꓔ ꓐꓳ ꓔ ꓟ ꓔꓯ ꓡꓳ. ꓟꓳ ꓪ ꓟ ꓥ ꓡꓳ꓿

Catacombs ꓘꓴꓽ ꓗꓪ ꓠꓬ ꓟꓲ‐ꓢ ꓔꓲ ꓪꓽ ꓘꓴ ꓔꓬ ꓟ ꓙꓵ, ꓕꓯ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓢꓴ ꓐꓴ ꓐꓬꓱꓽ ꓓꓯ ꓢꓲ ꓗꓪ ꓟꓲ‐ꓢ ꓔꓲ ꓪꓽ ꓘꓴ ꓙꓵ, ꓬꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓪꓴ. ꓠꓬꓲ ꓠꓬꓲ. ꓠꓬꓲ ꓟ ꓙꓵ, ꓕꓯ ꓙꓲꓻ ꓫꓬ ꓢꓴ ꓐꓴ ꓡꓰ ꓪꓽ ꓘꓴ ꓔ ꓟ ꓐꓰ ꓣꓱ ꓫꓵꓽ ꓣꓱ ꓙꓵꓽ ꓔꓯ ꓪꓽ ꓘꓴ ꓦꓲꓻ ꓟꓲ‐ꓢ ꓔꓲ ꓔꓶ. ꓗꓪ ꓖꓶ ꓢꓲ ꓠꓬꓲ ꓫꓬ, ꓔ ꓟ ꓥ ꓡꓳ꓿ ꓪꓽ ꓘꓴ ꓦꓲ ꓔꓲ. ꓫꓵˍ ꓗꓪ ꓠꓬ ꓟꓲ‐ꓢ ꓔꓲ ꓪꓽ ꓘꓴ ꓔꓶ ꓥ ꓡꓳ꓿