ꓪꓴ‐ꓢ ꓔꓯ ꓮ ꓡꓰ ꓢꓷ. ꓓ ꓡ? (How to konw God?)

ꓮ ꓡꓰ ꓫꓵ ꓮ ꓡꓰ ꓟ ꓔꓯ ꓡꓳ. ꓠꓬꓲ ꓥˍ ꓟꓲ ꓕꓲꓽ ꓣꓳ ꓣꓳ ꓠꓬ ꓫꓬ, ꓔ ꓡꓳ ꓐꓯ ꓟ ꓣꓳ ꓔꓯ ꓢꓓ. ꓡꓰ ꓝꓲˍ ꓡꓳ꓿ ꓢꓷ. ꓠꓲ, ꓙꓳ ꓒ ꓕꓲꓽ ꓣꓳ꓾ ꓮ ꓫꓵꓽ ꓔꓯ ꓥˍ ꓟꓲ ꓬꓲ. ꓬꓲ ꓢꓲ ꓙꓳ ꓙꓳ ꓡꓰ ꓫꓬ, ꓗꓴ.ˍ ꓫꓵꓽ꓾ ꓔꓲ ꓔꓲ ꓢꓲꓽ ꓢꓲꓽ ꓡꓰ ꓫꓬ ꓗꓴ. ꓟ ꓑꓶ. ꓓꓴ ꓕꓱ ꓟ ꓠꓬ ꓬꓲ. ꓫꓬ, ꓢꓴ ꓙꓳ ꓫꓵꓽ ꓥꓳ꓿ ꓮ ꓫꓵꓽ ꓥˍ ꓟꓲ ꓕꓲꓽ ꓣꓳ ꓣꓳ ꓟꓽ ꓥ ꓠꓬ ꓕꓲ ꓫꓵꓽˍ ꓟꓲ ꓟꓽ ꓒꓬꓱꓼ ꓡ ꓟ ꓑꓶ. ꓓꓴ ꓪꓴ ꓢ ꓠꓬ ꓮ ꓡꓰ ꓥˍ ꓟꓲ ꓙꓳ ꓡꓳ ꓐꓯ ꓟ ꓣꓳꓽ ꓪꓴ. ꓠꓶ. ꓗꓪ ꓐꓰ ꓣꓳꓽ ꓢꓷ. ꓪ ꓡꓳ꓿ ꓝꓮꓲ. ꓕꓲꓽ ꓫꓵꓽ ꓪꓴ‐ꓢ ꓔꓬ, ꓟ ꓣꓳꓽ ꓢꓷ. ꓪ ꓟ ꓠꓬ ꓪꓴ‐ꓢ ꓬꓲ. ꓚꓲ. ꓛꓬ ꓡꓰ ꓢꓲꓽ ꓫꓬ, ꓕꓳ ꓶ ꓗꓪ ꓣꓳꓽ ꓔꓯ ꓐꓯ ꓟꓳ. ꓖꓶꓽ ꓡ ꓡꓳ꓿ ꓬꓲ. ꓡꓰ ꓬꓲ. ꓟꓷ ꓠꓷ ꓡꓰ ꓣꓳꓽ ꓔꓯ ꓐꓯ ꓟꓳ. ꓖꓶꓽ ꓡ ꓟ ꓑꓶ. ꓓꓴ ꓣꓳ ꓠꓬ ꓪꓴ‐ꓢ ꓮ ꓟ ꓥ ꓟ ꓣꓳꓽ ꓢꓷ. ꓡꓰꓳ꓿ ꓝꓮꓲ. ꓪꓴ‐ꓢ ꓠꓬ ꓮ ꓡꓰ ꓫꓵꓽ ꓥ ꓟ ꓣꓳꓽ ꓫꓬꓽ ꓫꓬꓽ ꓡꓰ ꓢꓷ. ꓡꓰ ꓟ ꓠꓬ ꓐ, ꓐ ꓪꓴ‐ꓢ ꓠꓬ ꓬꓲ. ꓤ ꓔꓲ. ꓬꓰ‐ꓢꓴ ꓔꓯ ꓟꓲ ꓠꓯꓺ ꓗꓪ ꓝꓲ ꓩꓴ ꓡ ꓟ ꓑꓶ. ꓓꓴ ꓥꓳ꓿ ꓬꓰ‐ꓢꓴ ꓪꓴ‐ꓢ ꓠꓬ ꓐ, ꓐ, ꓠꓬ ꓮ ꓡꓰ ꓫꓵꓽ ꓥ ꓟ꓾ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓠꓬ ꓮ ꓡꓰ ꓫꓵꓽ ꓥˍ ꓟ ꓣꓳꓽ ꓔꓯ ꓐꓯ ꓟꓳ. ꓖꓶ ꓡ‐ꓳ꓿ ꓕꓱ ꓟ ꓡꓰ ꓟꓽ ꓞꓲ ꓬꓲ. ꓔꓯ ꓙꓵ ꓢꓴ ꓔꓯ ꓥˍ ꓟꓲ ꓬꓲ. ꓠꓬ ꓢꓷ. ꓡꓰ ꓓꓴ ꓟꓳ. ꓖꓶ ꓡꓳ꓿ ꓖꓳ ꓡꓱ ꓠꓬꓲ ꓪꓴ‐ꓢ ꓔꓯ ꓕꓱ ꓡꓱ ꓢꓓ. ꓪ ꓓ ꓫꓵꓽ ꓥ ꓐꓭ꓾ ꓐꓯ ꓟ ꓮ ꓙꓵꓽ ꓢꓴ ꓔꓯ ꓙ ꓣꓳ ꓠꓲ, ꓡꓰ ꓐꓯ ꓟꓳ. ꓖꓶꓽ ꓩꓴ ꓡ ꓥꓳ꓿ ꓫ ꓟꓳ

Add new comment

5 + 6 =