ꓪꓴ-ꓢ ꓐꓬꓱꓽ ꓐꓰ ꓙꓲꓻ ꓫꓬ ꓢꓴ ꓐꓴ ꓐꓬꓱꓽ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓒꓬꓹ ꓩꓴˍ ꓟ ꓚꓱꓹ

ꓪꓴ-ꓢ ꓐꓬꓱꓽ ꓐꓰ ꓙꓲꓻ ꓫꓬ ꓢꓴ ꓐꓴ ꓐꓬꓱꓽ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓒꓬꓹ ꓩꓴˍ ꓟ ꓚꓱꓹ

ꓬꓰ-ꓢꓴ ꓠꓬ ꓪꓴ-ꓢ ꓟꓽ ꓥ ꓐꓯ ꓟ ꓟꓸ ꓟꓲ: ꓚꓺ ꓒ ꓐꓴ ꓡꓰ ꓚˍ ꓟ ꓟꓸ ꓟꓲꓽ ꓔꓯ ꓠ ꓡꓳˍ ꓟ ꓪꓺ ꓔꓲ ꓐꓴ ꓠꓬ ꓪꓽ ꓘꓴ ꓦꓲꓻ ꓗꓪ ꓙꓳˍ ꓟ ꓪꓴ-ꓢ ꓐꓬꓱꓽ ꓐꓰ ꓙꓲꓻ ꓫꓬ ꓢꓴ ꓐꓴ ꓐꓬꓱꓽ ꓔꓯ ꓒꓬꓹ ꓩꓴˍ ꓟ ꓥ ꓡꓳ= Greek ꓪꓺ ꓔꓲ ꓐꓴ ꓠꓬ ꓪꓽ ꓘꓴ ꓦꓲꓻ ꓗꓪ ꓙꓳˍ ꓟ ꓐꓬꓱꓽ ꓮ ꓙꓵꓽ ꓔꓯ Constantinople ꓪꓽ ꓘꓴ ꓦꓲꓻ ꓗꓪ ꓛꓲꓺ ꓒꓬꓹ ꓩꓴ ꓠꓹ ꓟ ꓐꓯ ꓑꓶ ꓗꓷ ꓪ=

ꓖꓳ ꓕꓲꓽ ꓙꓵꓹ ꓗꓪ Damascus ꓡꓳ ꓒꓱ ꓗꓪ ꓔꓬ ꓟ ꓙꓲꓻ ꓫꓬ ꓢꓴ ꓬꓳ-ꓦ ꓠꓬ ꓙꓲ-ꓢꓴ ꓢꓲ ꓤ ꓐꓴ ꓠꓬ ꓪꓴ-ꓢ ꓐꓬꓱꓽ ꓐꓰ ꓙꓲꓻ ꓫꓬ ꓢꓴ ꓐꓴ ꓐꓬꓱꓽ ꓔꓯ ꓟꓬꓱꓺ ꓓꓳꓽ ꓖꓶ ꓒꓵꓽ ꓗ ꓬꓰˍ ꓟ ꓥ ꓡꓳ=ꓪꓴ-ꓢ ꓕꓲꓽ ꓣꓳ ꓡꓰꓽ ꓦꓻ ꓡꓱꓹ ꓟ ꓟꓽ ꓥ ꓐꓰ ꓒꓳꓹ ꓖꓶˍ ꓟ ꓥ ꓡꓳ= ꓢꓲꓺ ꓒ ꓬꓰ-ꓢꓴ ꓔꓯ ꓟꓽ ꓦ ꓡꓱ ꓟ ꓡ ꓞꓳ ꓐꓴ ꓠꓬ ꓔꓲꓺ ꓒ ꓐꓴ ꓔꓯ ꓮ ꓟꓬꓹ ꓛꓲꓺ ꓝꓴꓲꓸ ꓖꓶ ꓢꓲ ꓢꓰꓼ ꓖꓶˍ ꓟ ꓥ ꓡꓳ=

AꓸD 787 ꓕꓯ ꓣꓳ-ꓟ ꓗꓴꓷꓼ ꓔꓯ ꓙꓵꓽˍ ꓟ ꓪ ꓔꓲ ꓟ Amnia ꓠꓬ ꓔꓲꓺ ꓒ ꓓ ꓐꓴ ꓔꓯ Ni-ce ꓡꓳ ꓒꓱ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓘꓴ ꓢꓲ  ꓪꓽ ꓘꓴ ꓦꓲ ꓗꓪ ꓙꓳˍ ꓟ ꓐꓬꓱꓽ ꓔꓯ ꓟꓳꓸ ꓢꓲ ꓖꓪ ꓙꓱꓻ ꓗꓷ ꓪ= ꓔꓲꓺ ꓒ ꓓ ꓐꓴ (390) ꓣꓳ ꓥˍ ꓟꓲ ꓡ ꓪ=ꓖꓪ ꓙꓱꓻ ꓜꓲꓼ ꓓꓴ ꓗꓪ ꓪꓴ-ꓢ ꓐꓬꓱꓽ ꓐꓰ ꓙꓲꓻ ꓫꓬ ꓢꓴ ꓐꓴ ꓐꓬꓱꓽ ꓔꓯ ꓪꓽ ꓘꓴ ꓦꓲꓻ ꓗꓪ ꓟꓬꓱꓺ ꓓꓳ ꓖꓶ ꓠꓹ ꓟ ꓐꓯ ꓑꓶ ꓗꓷ ꓪ=