ꓪ-ꓔꓲ ꓦꓬꓼ ꓠꓬꓲ ꓕꓲꓽ ꓤꓶ=

ꓬꓴ-ꓔ ꓡꓽ ꓞꓳ ꓐꓴ ꓔꓯ ꓐꓯ ꓟꓴ ꓫꓬꓹ ꓒꓽ ꓐꓴ ꓡꓰ ꓙꓵ_ ꓟ ꓦꓬꓼ ꓠꓬꓲ ꓗꓪ ꓬꓲꓸ ꓟꓶꓽ ꓕꓲꓽ ꓣꓳ ꓠꓬ ꓢ-ꓟꓴ-ꓬꓰ ꓥ ꓡꓳ= ꓦꓬꓼ ꓠꓬꓲ ꓖꓳ ꓟ ꓗꓪ ꓬꓴ-ꓔ ꓡꓽ ꓞꓳ ꓐꓴ ꓬꓲ ꓪ ꓪ-ꓔꓲ ꓓꓰ ꓡ_ ꓠꓬꓲ ꓪꓴ-ꓢ ꓥ ꓟꓲ ꓓꓽ ꓔꓳꓹ ꓗꓷ ꓢꓲ ꓙꓲ-ꓢꓶ ꓬꓲꓸ ꓤ ꓢꓳ-ꓡꓳ ꓔꓯ ꓪꓴ-ꓢ ꓡꓰ ꓢꓲ ꓚꓰ ꓗꓷꓳ= ꓖꓳ ꓡꓱ ꓠꓬꓲ ꓬꓴ-ꓔ ꓡꓽ ꓞꓳ ꓪ-ꓔꓲ ꓬꓰ ꓠꓹ ꓟ ꓢ-ꓟꓴ-ꓬꓰ ꓡꓰ ꓢꓳ-ꓡꓳ ꓔꓯ ꓟꓰ ꓞꓰ ꓟꓰ ꓖꓶ ꓗꓷꓳ= ꓖꓳ ꓡꓱ ꓠꓬꓲ ꓢꓳ-ꓡꓳ ꓠꓬ ꓬꓲ-ꓢꓷ-ꓡꓰ ꓪ-ꓔꓲ ꓓꓽ ꓪꓴꓸ ꓕꓲꓽ ꓣꓳ ꓟ ꓥ ꓢꓲ ꓗ ꓠꓯꓸ ꓢꓳ-ꓡꓳ ꓬꓲ ꓤ ꓓ-ꓪꓵ ꓪ-ꓔꓲ ꓬꓰ ꓢꓲ ꓓ-ꓪꓵ ꓪ-ꓔꓲ ꓬꓲ ꓤ ꓢꓳ-ꓡꓳ-ꓟꓳ ꓪ-ꓔꓲ ꓬꓰ ꓡꓳ= ꓪ-ꓔꓲ ꓢꓳ-ꓡꓳ-ꓟꓳ ꓦꓬꓼ ꓠꓬꓲ ꓗꓪ ꓠꓬ ꓒꓵꓽ ꓶꓽ ꓥ ꓟꓲ ꓮ ꓘꓶꓸ ꓙꓳ ꓟꓬꓱꓽ ꓓꓳꓽ ꓥ ꓟꓲ ꓮ ꓘꓶꓸ ꓙꓳ ꓟ ꓦꓬꓼ ꓠꓬꓲ ꓥꓳ= ꓖꓳ ꓟ ꓠꓬ ꓐꓸꓚ 970-930 ꓘꓳꓼ ꓗꓪ ꓥ ꓡꓳ= ꓗ ꓠꓯꓸ ꓐꓸꓚ 930 ꓘꓳꓼ ꓗꓪ ꓠꓬ ꓬꓴ-ꓔ ꓗꓴꓷꓼ ꓬꓲ-ꓢꓷ-ꓡꓰ ꓗꓴꓷꓼ ꓐꓰ ꓐꓱ ꓒꓯ ꓗꓪ ꓡꓯ ꓘꓳ_ ꓟ ꓗꓷ ꓡꓰꓳ= ꓗ ꓠꓯꓸ ꓐꓸꓚ 590 ꓘꓳꓼ ꓕꓯ ꓗꓴꓷꓼ ꓐꓬ ꓧꓶꓽ ꓡꓰ ꓢꓲ ꓬꓲ-ꓢꓷ-ꓡꓰ ꓔꓯ ꓐ-ꓐꓲ-ꓡꓶ ꓗꓪ ꓐꓸꓚ 587 ꓘꓳꓼ ꓕꓯ ꓡꓵꓽ ꓔꓯꓹ ꓙꓰꓳ= ꓦꓬꓼ ꓠꓬꓲ ꓖꓳ ꓟ ꓗꓪ ꓬꓴ-ꓔ ꓗꓴꓷꓼ ꓪ-ꓔꓲ 20 ꓣꓳ ꓬꓲ-ꓢꓷ-ꓡꓰ ꓪ-ꓔꓲ 18 ꓣꓳ ꓡꓰ ꓙꓵꓽ ꓡꓳꓹ ꓬꓰꓳ= ꓦꓬꓼ ꓠꓬꓲ ꓕꓱ ꓟ ꓗꓪ ꓛꓲ ꓕꓯ ꓪ-ꓔꓲ ꓥ ꓟꓲ ꓟꓽ ꓙꓳ ꓗꓴꓷꓼ ꓥ ꓟꓲ ꓟꓽ ꓙꓳ ꓗꓷ ꓡꓰ ꓡꓳ=

Add new comment

7 + 11 =