ꓫꓬꓹ ꓦꓵꓽ_ ꓟ ꓟꓸ ꓟꓲꓽ (1) ꓕꓱ

ꓫꓬꓹ ꓦꓵꓽ_ ꓟ ꓟꓸ ꓟꓲꓽ

              ꓟꓲ ꓠꓯ ꓗꓪ ꓟ ꓗꓴꓷꓼ ꓗꓪ ꓕꓱ ꓕꓲꓽ ꓗꓴꓷꓼ ꓐꓰ ꓖꓳ ꓕꓲꓽ ꓗꓴꓷꓼ ꓗꓪ ꓙꓰ ꓠꓲꓹ ꓫꓵ ꓠꓬ ꓛꓲ ꓒꓯꓹ ꓗꓪ-ꓸ ꓟꓳ-ꓓꓳ (ꓡꓱꓽ ꓦꓲ) ꓗꓪ-ꓸ ꓥ ꓠꓬ ꓮꓸ ꓔꓳꓸ ꓦꓲ ꓗꓪ ꓥ ꓠꓬ ꓙꓱ ꓦꓲ ꓗꓪ ꓤꓶꓽ ꓢꓲ ꓙꓰ ꓠꓯꓹ ꓟ ꓥꓳ= ꓬꓲ ꓤꓼ ꓠꓬꓲ ꓤꓼ ꓐꓴꓳ-ꓸ ꓣꓳ ꓙꓲ ꓢꓴ ꓢꓲ ꓤ ꓐꓴ ꓬꓰ-ꓢꓴ ꓙꓲ-ꓢꓴ ꓟꓸ ꓖꓶꓽ ꓡ_ ꓟ ꓶꓽ ꓓꓳ ꓫꓱꓸ ꓓꓳ ꓟꓸ ꓟꓲꓽ ꓗꓪ-ꓸ

            ꓟꓴ ꓗꓪ ꓗꓪ ꓔꓬ ꓢꓲ ꓟꓴ ꓗꓪ ꓗꓪ ꓐꓰ ꓬꓯꓼ ꓡ ꓢꓴ ꓡꓽ ꓞꓳ ꓮ ꓐꓲ ꓟꓽ ꓥ ꓠꓬ ꓟꓴ ꓗꓪ ꓕꓯ ꓢꓲ ꓗꓪ ꓮꓽ ꓟ ꓥ ꓟꓲ ꓟꓽ ꓓꓯ ꓙꓰ ꓠꓬꓲ ꓖꓳ ꓡꓱ ꓠꓬꓲ ꓬꓰ-ꓢꓴ ꓡꓰ ꓟꓳ ꓠꓬꓲ ꓟ ꓐꓰ ꓑ ꓙ ꓠꓬꓲ ꓟ ꓔꓯ ꓢꓷꓸ ꓙ ꓟꓳ ꓙ ꓡꓳ-ꓸ ꓬꓳ-ꓦ 3ꓽ13-31

ꓟꓴ ꓗꓪ ꓗꓪ ꓐꓰ ꓬꓯꓼ ꓡ_ ꓟ ꓙꓲ-ꓢꓴ ꓡꓰ ꓟꓴ ꓗꓪ ꓗꓴꓷꓼ ꓕꓲꓽ ꓗꓴꓷꓼ ꓙꓳ ꓔꓬ ꓢꓲ ꓖꓳ ꓗꓪ ꓔꓬ ꓖꓴ ꓮꓽ ꓟꓬꓹ ꓙꓳ ꓡꓳ ꓐꓯ ꓡꓳ= ꓬꓳ-ꓦ 14ꓽ2 ꓗꓪ ꓥꓪ ꓐꓹ ꓐ ꓦꓲ ꓗꓪ ꓔꓬ ꓖꓴ ꓮꓽ ꓟꓬꓹ ꓙꓳ ꓡꓳ-ꓸ ꓬꓲ ꓖꓳ ꓡꓱ ꓟꓽ ꓙꓳ ꓕꓯ ꓠꓽ ꓠꓴ ꓪ ꓔꓯ ꓧꓶꓸ ꓕꓯ ꓡꓰ ꓐꓯ ꓖꓶ ꓡꓳ ꓫꓵꓽ ꓥ ꓡꓳ=

            ꓬꓲ ꓤ ꓠꓬꓲ ꓤ ꓐꓴꓳ-ꓸ ꓐꓯ ꓘꓶꓽ ꓕꓱ ꓟ ꓠꓬ ꓪꓴ-ꓢ ꓐꓯ ꓘꓶꓽ ꓗꓪ ꓐꓰ ꓐꓯ ꓓꓳ ꓡꓹ ꓟ ꓐꓯ ꓘꓶꓽ ꓥ ꓠꓬꓲ ꓮ ꓟꓶ ꓣꓳ ꓟꓲ ꓠꓯ ꓧꓪ ꓖꓳ ꓓꓱꓽ ꓕꓲꓽ ꓒꓳꓹ ꓗꓪ ꓟ ꓟꓬ ꓢꓶꓽ ꓡꓰ ꓟꓳ ꓪ ꓟꓽ ꓓꓹ ꓟ ꓣꓳ ꓐꓱ ꓶ ꓙ ꓖꓶꓽ ꓔ ꓟ ꓗꓴꓷꓼ ꓠꓬ ꓪꓴ-ꓢ ꓡꓰ ꓟꓵꓽ ꓚꓰꓼ ꓟꓲ ꓚꓰꓼ ꓕꓯ ꓡꓰ ꓠꓴ ꓪ ꓐꓱ ꓶ ꓙ ꓖꓶꓽ ꓔ ꓟ ꓡꓯꓼ ꓪ ꓗꓴꓷꓼ ꓘꓳꓹ ꓣꓴ ꓡꓯ= ꓟ-ꓕꓲ 25ꓽ34 ꓬꓲ ꓤ ꓠꓬꓲ ꓤ ꓐꓴꓳ-ꓸ ꓟꓲ ꓠꓯ ꓗꓪ ꓢꓲ ꓒꓽ ꓪ ꓔꓲ ꓐꓴ ꓡꓰ ꓚꓲ ꓛꓬ ꓗꓴꓷꓼ ꓔꓯ ꓮꓽ ꓘꓶꓸ ꓗꓹ ꓛꓲ ꓟ ꓗꓴꓷꓼ ꓐꓬꓱꓼ ꓡꓱꓼ ꓡꓱꓼ ꓫꓬꓹ ꓓꓳ ꓡ ꓡꓳ= ꓢꓲ ꓒꓽ ꓕꓯ ꓢꓲ ꓢꓲ ꓒꓽ ꓪ ꓔꓲ ꓕꓯ ꓢꓲ ꓟ ꓪ ꓔꓲ ꓣꓳ ꓐꓹ ꓐ ꓪꓴ-ꓢ ꓡꓰ ꓣꓳ ꓐꓱ ꓶ ꓙ ꓖꓶꓽ ꓠꓲꓹ ꓐꓰ ꓟꓬ ꓢꓶꓽ ꓡꓰ ꓟꓳ ꓪ ꓟꓽ ꓓ-ꓸ ꓢꓳ ꓖꓴ ꓡꓰ ꓟꓽ ꓓ-ꓸ ꓗꓴꓷꓼ ꓚꓲ ꓚꓲ ꓣꓳ ꓐꓱ ꓶ ꓙꓳ ꓡꓳ-ꓸ ꓐꓯ_ ꓡꓳ= ꓖꓳ ꓡꓱ ꓠꓬꓲ ꓬꓲ ꓤ ꓠꓬꓲ ꓤ ꓐꓴꓳ-ꓸ ꓗꓴꓷꓼ ꓟ ꓗꓪ ꓙꓰ ꓠꓹ ꓟ ꓚꓱꓹ ꓗꓪ ꓢꓲ-ꓒ ꓬꓰ-ꓢꓴ ꓡꓰ ꓟꓸ ꓖꓶꓽ ꓡꓹ ꓟ ꓗꓪ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓠꓹ ꓟ ꓚꓱꓹ ꓗꓪ ꓙꓱ-ꓦꓲ ꓥ ꓟꓲ ꓟꓽ ꓙꓳ-ꓸ ꓟꓳ ꓓꓳ ꓥ ꓟꓲ ꓟꓽ ꓙꓳ= ꓗꓴꓷꓼ ꓖꓳ ꓟ ꓗꓪ ꓙꓰ ꓠꓲꓹ ꓫꓵꓽ ꓢꓴ ꓠꓬ ꓬꓲꓸ ꓙꓬ ꓐꓰ ꓦ ꓡꓰ ꓫꓬꓼ ꓦꓵꓹ ꓠ ꓗ ꓡꓳ-ꓸ ꓐꓯ_ ꓡꓳ=

Add new comment

1 + 1 =