ꓬꓲ. ꓪꓴ. ꓕꓲ ꓧꓪ, ꓟ ꓙꓱ‐ꓣꓴ‐ꓢ‐ꓡꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓚꓱ, (Church history)

ꓬꓲ. ꓪꓴ. ꓕꓲ ꓧꓪ, ꓟ ꓙꓱ‐ꓣꓴ‐ꓢ‐ꓡꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓚꓱ,

ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓟꓴ ꓗꓪ ꓗꓪ ꓓꓯ ꓙꓰ ꓗ, ꓠꓯ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓟꓬ, ꓟꓬꓽ ꓡ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓡꓰ ꓧꓳꓽ ꓣꓱ ꓔꓬ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓪꓴ‐ꓢ ꓦꓻ ꓡꓱ ꓢꓴ ꓬꓴ‐ꓔ ꓞꓳ ꓫꓵꓽ ꓐꓴ ꓐꓰ ꓠꓱ. ꓐꓯꓼ ꓞꓳ ꓫꓵꓽ ꓐꓴ ꓘꓴꓽ ꓗꓪ ꓟꓽ ꓪ ꓡꓯ ꓘꓳ, ꓗꓪ ꓙꓳ ꓗꓷꓳ꓿

 ꓪꓴ‐ꓢ ꓦꓻ ꓡꓱ ꓢꓴ ꓬꓴ‐ꓔ ꓞꓳ ꓫꓵꓽ ꓐꓴ ꓠꓬ ꓟꓳ‐ꓫ ꓡꓱ ꓖꓶ ꓔ ꓟ ꓙꓵꓽ ꓗꓽ ꓔꓯ ꓚꓳ ꓠ, ꓟ ꓐꓯ ꓟ. ꓔ ꓡꓳ꓿ ꓖꓳ ꓡꓱ ꓥ ꓟꓲ ꓝꓲ ꓓꓴ ꓒꓳ‐ꓡꓳ ꓐꓰ ꓝꓲ ꓓꓴ ꓐ‐ꓠ‐ꓐ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓰ ꓐꓰ ꓢꓯ. ꓔꓬ ꓞꓳ ꓙꓳ ꓠꓯ, ꓟ ꓟ. ꓖꓶ ꓗꓷꓳ꓿

ꓬꓲ. ꓪꓴ. ꓕꓲ ꓧꓪ, ꓟ ꓙꓱ‐ꓣꓱ‐ꓢ‐ꓡꓱ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓐꓯ ꓞꓷ, ꓔ ꓟ ꓚꓱ, ꓠꓬ ꓠꓲꓽ ꓔꓯ ꓔꓶ ꓔ ꓟ ꓜꓽ ꓫꓵꓽ ꓟꓽ ꓜꓽ ꓠ, ꓟ꓾ ꓠꓲꓽ ꓔꓯ ꓔꓶ ꓔ ꓟ ꓧꓪꓽ ꓢꓲꓽ ꓟꓽ ꓓꓳꓻ ꓠ, ꓟ ꓐꓰ ꓠꓲꓽ ꓔꓯ ꓔꓶ ꓟ ꓜꓽ ꓫꓵꓽ ꓐꓰ ꓧꓪꓽ ꓟꓽ ꓜꓽ ꓠ, ꓟ ꓥ ꓡꓳ꓿ ꓝꓮꓲ ꓡꓯ ꓒꓯ, ꓟꓽ ꓝ. ꓔ ꓢꓴ ꓐꓴ ꓧꓪ ꓖꓳ ꓓꓱꓽ ꓟꓽ ꓦꓱ, ꓡꓯ ꓘꓳ, ꓠ, ꓖꓪ ꓙꓱ ꓞꓷ, ꓔ ꓟ ꓥ ꓡꓳ꓿