ꓬ-ꓕꓰ-ꓠ ꓡꓳ ꓒꓱ ꓚꓱꓹ

ꓬ-ꓕꓰ-ꓠ ꓐꓯ ꓟ ꓔꓯ ꓠꓬ ꓧꓪꓽ ꓒꓴ ꓫꓵꓽ ꓥꓳꓽ ꓗꓪ ꓚꓳꓸ Athens ꓐꓰ ꓐꓯ ꓟ ꓥ ꓡꓳ= ꓕꓱ ꓟ ꓠꓬ ꓖꓣꓰꓰꓗ ꓐꓯ ꓟ ꓦꓲ-ꓡꓲ ꓞꓳ ꓤ ꓐꓴ ꓡꓳ ꓒꓱ ꓥ ꓡꓳ= ꓖꓣꓰꓰꓗ ꓗꓴꓷꓼ ꓡꓳ ꓒꓱ ꓥ ꓡꓳ= ꓢꓲꓽ ꓫꓬ ꓕꓳ ꓶ ꓝꓲꓸ ꓗꓪ ꓣꓳ ꓡꓳꓸ ꓠꓬꓲ ꓗꓷ ꓠꓬ ꓝꓲ-ꓓꓴ ꓕꓳꓽ ꓶ 17ꓽ16-34 ꓗꓪ ꓛꓲ ꓝꓲ ꓓꓴ ꓒꓳ-ꓡꓳ ꓚꓱꓹ ꓔꓯ ꓟꓳꓸ ꓣꓳꓽ ꓡꓳꓸ ꓟꓳ ꓪ ꓓꓹ ꓡꓳ=

ꓴ-ꓣꓳ-ꓑ ꓕꓲ ꓛꓱꓽ ꓔꓯ ꓢꓲ ꓠꓯꓸꓼ ꓗꓪ ꓤꓶꓻ ꓟꓽ ꓓ ꓫꓵ ꓖꓴ ꓡꓰˍ ꓟ ꓠꓯꓸꓼ ꓗꓪ ꓐꓹ ꓟ ꓡꓳ ꓒꓱ ꓕꓲ ꓟ ꓥ ꓡꓳ= ꓠꓬꓲꓸ ꓠꓬꓲ ꓣꓳ ꓟꓳꓻ ꓪ ꓓꓹ ꓟ ꓬ-ꓕꓰ-ꓠ ꓡꓳ ꓒꓱ ꓠꓬ 3000 ꓘꓳꓼ ꓛꓲ ꓡ ꓟ ꓡꓳ ꓒꓱ ꓥ ꓡꓳ= ꓡꓳ ꓒꓱ ꓕꓱ ꓟ ꓠꓬ ꓢꓲꓺ ꓒ ꓬꓰ-ꓢꓴ ꓟꓽ ꓛꓲ ꓡ ꓢꓰꓽ ꓧꓶꓸ ꓕꓯ 1000 ꓘꓳꓼˍ ꓐꓰ ꓢꓲ ꓒ ꓬꓰ-ꓢꓴ ꓛꓲ ꓡ ꓗꓪ ꓛꓲ ꓟꓬꓱ ꓮ ꓘꓶꓸ ꓙꓳˍ ꓟ ꓡꓳ ꓒꓱ ꓕꓲ ꓟ ꓥ ꓟ ꓡꓰꓽ ꓟꓽ ꓞꓲꓺ꓾ ꓦꓲ-ꓡꓲ ꓐꓯ ꓟ ꓖꓣꓰꓰꓗ ꓞꓳ ꓤ ꓐꓴ ꓡꓳ ꓒꓱ ꓮ ꓙꓵꓽ ꓠꓯꓸꓼ ꓗꓪ ꓟꓽ ꓓ ꓟꓬꓱ ꓙꓳˍ ꓟ ꓡꓳ ꓒꓱ ꓕꓲ ꓟ ꓥ ꓡꓳ=

ꓕꓱ ꓕꓲ ꓘꓴꓽ ꓗꓪ ꓬꓲ ꓪ ꓡꓲꓽ ꓒꓰꓼ ꓚꓱꓹ꓾ ꓙꓵꓽ ꓗ ꓚꓱꓹ ꓮ ꓙꓵꓽ ꓔꓯ ꓣꓳ ꓡꓳꓸ ꓟꓳ ꓪ ꓓꓹ ꓡꓳ= ꓕꓱ ꓕꓲ ꓘꓴ ꓗꓪ ꓠꓬ ꓢꓲ ꓒ ꓬꓰ-ꓢꓴ ꓟꓽ ꓛꓲ ꓡ ꓢꓰꓽ ꓧꓶꓸ ꓕꓯ ꓗꓪ 3000 ꓘꓳꓼ ꓗꓪ ꓚꓳꓸ ꓡꓰ ꓞꓳ ꓤ ꓮ ꓟꓬꓹ ꓔꓬ ꓟ ꓡꓳ ꓒꓱ ꓒꓬꓱꓼ ꓡ ꓗꓷ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓕꓱ ꓕꓲ ꓘꓴ ꓗꓪ ꓔꓬ ꓢꓴ ꓠꓬ ꓞꓼ ꓞꓼ ꓐꓰ ꓪꓴꓽ ꓡ ꓟꓴ ꓡ ꓟ ꓮ ꓟꓬꓹ ꓙꓳˍ ꓡꓳ= ꓞꓳ ꓤ ꓪꓴꓽ ꓡ ꓟꓴ ꓡˍ ꓟ ꓡꓰꓽ ꓟꓽ ꓞꓲꓺ ꓫꓬꓹ ꓔ ꓟ ꓦꓲ ꓥˍ ꓟꓲ ꓟꓬꓽ ꓠꓬꓲ ꓪꓴꓽ ꓡ ꓟꓴ ꓡ ꓟ ꓔꓯ ꓡꓳꓸ ꓟꓳˍ ꓡꓳ=

ꓖꓳ ꓡꓱ ꓢꓲ ꓟꓲꓓꓓꓡꓰ ꓮꓖꓰ ꓐꓯ ꓟ ꓮꓢ 400 ꓘꓳꓼ ꓗꓪ ꓚꓳꓸ ꓮꓓ 1500 ꓘꓳꓼ ꓛꓲ ꓠꓬꓲꓽ ꓗꓴꓸ ꓚꓸꓼ ꓗꓪ ꓠꓬ꓾ Byzantine ꓪ ꓔꓲꓸ ꓐꓴ ꓡꓰ ꓙꓵꓽˍ ꓟ ꓠꓯꓸꓼ ꓗꓪ ꓛꓲꓺ ꓬꓰ ꓟ ꓥ ꓡꓳ= ꓖꓳ ꓕꓲ ꓙꓵꓹ ꓗꓪ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓪꓴꓽ ꓡ ꓟꓴ ꓡ ꓟ ꓔꓯ ꓡꓳꓸ ꓟꓳˍ ꓡꓳ=

ꓖꓳ ꓕꓲ ꓙꓵꓹ ꓗꓪ ꓙꓲ-ꓢꓴ ꓢꓲ ꓤ ꓐꓴ ꓐꓰ ꓟꓴ-ꓢ-ꓡꓲ ꓐꓴ ꓠꓬꓲꓽ ꓗꓴꓸ ꓚꓸꓼ ꓗꓪ ꓢꓰꓼ ꓡꓯ ꓘꓳ ꓓꓶꓽ ꓡꓯ ꓘꓳꓹˍ ꓟ ꓮ ꓟꓬꓹ ꓒꓬꓱꓼ ꓡ ꓟ ꓥ ꓡꓳ= ꓖꓳ ꓟ ꓡꓰꓽ ꓟꓽ ꓞꓲꓺ ꓕꓱ ꓕꓲ ꓘꓴ ꓗꓪ Byzantine ꓐꓴ ꓙꓵꓽ ꓔꓬ ꓟ ꓙꓵꓹ ꓗꓪ ꓠꓬ ꓲ-ꓔ-ꓡꓲ ꓞꓳ ꓤ ꓐꓴ ꓶꓻ ꓡꓯꓼ ꓬꓰˍ ꓟ ꓗꓪ ꓐꓰ ꓥˍ ꓟꓲ ꓮ ꓟꓬꓹ ꓪꓴꓽ ꓡ ꓟꓴ ꓡ ꓟˍ ꓟꓲ ꓥ ꓡꓳ=

ꓖꓳ ꓟ ꓓꓳ ꓡꓰ ꓠꓬ ꓳ-ꓓꓳ-ꓟ Empire ꓐꓯˍ ꓟ ꓳ-ꓓꓳ-ꓟ ꓪ ꓔꓲꓸ ꓐꓴ ꓡꓰ ꓙꓵꓽˍ ꓟ ꓙꓵꓹ ꓗꓷ ꓡꓰ ꓟ ꓥ ꓡꓳ= ꓖꓳ ꓡꓱ ꓢꓲ ꓠꓬꓲ ꓳ-ꓓꓳ-ꓟ ꓪ ꓔꓲꓸ ꓐꓴ ꓡꓯꓽ ꓒꓯꓹ ꓗꓪ ꓚꓳꓸ 1800 ꓘꓳꓼ ꓙ ꓡꓰ ꓕꓯ ꓖꓣꓰꓰꓗ ꓞꓳ ꓤ ꓐꓴ ꓠꓬ ꓚꓲꓸ ꓛꓬ ꓗꓴꓷꓼ ꓔꓯ ꓚꓲ ꓛꓬ ꓙꓵꓽˍ ꓟ ꓙꓵꓽ ꓪ ꓟꓶ ꓡꓰꓳ= ꓖꓳ ꓡꓱ ꓢꓲ ꓠꓬꓲ ꓬ-ꓕꓰ-ꓠ ꓡꓳ ꓒꓱ ꓥˍ ꓟꓲ ꓟꓬꓽ ꓠꓬꓲ ꓪꓴꓽ ꓡ ꓟꓴ ꓡˍ ꓡꓳ=

ꓕꓱ ꓕꓲ ꓘꓴ ꓗꓪ ꓭꓸ ꓘꓴ ꓡꓰ ꓫꓬꓹ ꓔ ꓟ ꓤꓲꓻ ꓘꓴ꓾ ꓭꓸ ꓡꓳ ꓓꓰ ꓡꓰ ꓫꓬꓹ ꓔ ꓟ ꓦꓲꓻ ꓮ ꓟꓬꓹ ꓔꓯ ꓡꓳꓸ ꓟꓳ ꓪ ꓓꓹ ꓡꓳ= ꓬ-ꓕꓰ-ꓠ ꓡꓳ ꓒꓱ ꓠꓬ Hellenistic ꓙꓵꓹ ꓗꓪ ꓠꓬ Acropolis ꓐꓯ ꓟ ꓟꓴˍ ꓟ ꓪꓽ ꓚꓲ ꓗꓪ ꓙꓳˍ ꓟ ꓦꓲꓻ ꓔꓯ ꓠꓬ ꓖꓳ ꓕꓲ ꓙꓵꓹ ꓗꓪ ꓫꓬꓹ ꓔ ꓟ ꓥ ꓡꓳ= ꓖꓳ ꓡꓱ ꓢꓲ ꓠꓬꓲ ꓢꓲꓺ ꓒ ꓬꓰ-ꓢꓴ ꓟꓽ ꓛꓲ ꓡꓰ ꓢꓰꓽ ꓧꓶꓸ ꓕꓯ ꓗꓪ 400 ꓘꓳꓼ 300 ꓘꓳꓼ ꓕꓱ ꓕꓲ ꓙꓵꓹ ꓗꓪ ꓫꓬꓹ ꓔ ꓟ ꓥ ꓡꓳ= ꓕꓱ ꓟ ꓪꓽ ꓙꓵꓽ ꓫꓬꓹ ꓔ ꓟ ꓠꓬ ꓡꓳ-ꓔ 12 ꓕꓷꓹ ꓙꓳˍ ꓟ ꓥ ꓐꓷ=

ꓬ-ꓕꓰ-ꓠ ꓡꓳ ꓒꓱ ꓠꓬ ꓙꓵꓻ ꓠꓲꓹ ꓠꓯꓸꓼ ꓗꓪ ꓟꓽ ꓓ ꓬꓳꓸ ꓚꓵˍ ꓟ ꓡꓳ ꓒꓱ ꓕꓲ ꓟ ꓥ ꓡꓳ= ꓖꓳ ꓕꓲ ꓘꓴ ꓗꓪ ꓠꓬ ꓦꓲ-ꓡꓲ ꓞꓳ ꓤ ꓐꓴ ꓬꓲ ꓪ ꓪꓽ ꓘꓴˍ ꓟ ꓪꓴꓸ ꓓꓵ ꓕꓱꓼˍ ꓟ ꓕꓱ ꓡꓱ ꓫꓵꓽ ꓮ ꓟꓬꓹ ꓙꓳˍ ꓟ ꓥ ꓡꓳ=