ꓮ-ꓐ-ꓡ-ꓦ ꓦꓬꓼ ꓠꓬꓲ ꓕꓲꓽ ꓤꓶ ꓟꓸ ꓟꓲꓽ

ꓪꓴ-ꓢ ꓡꓰ ꓚꓬꓴ ꓙ ꓟ ꓟꓬꓱꓽ ꓬꓰ ꓗꓳꓸ ꓙꓰ_ ꓟ 8 ꓤꓶ ꓒꓯꓽ ꓢꓲꓸ ꓢꓳ ꓣꓴ ꓓꓴ ꓥꓳ= (1) ꓮ-ꓐ-ꓡ-ꓦ ꓕꓲꓽ ꓤꓶ= (2) ꓟꓳ-ꓫꓲ ꓦꓬꓼ ꓠꓬꓲ ꓕꓲꓽ ꓤꓶ= (3) ꓬꓳ-ꓫꓴ ꓦꓬꓼ ꓠꓬꓲ ꓕꓲꓽ ꓤꓶ= (4) ꓐꓯ ꓟꓴ ꓫꓬꓹ ꓒꓽ ꓦꓬꓼ ꓠꓬꓲ ꓕꓲꓼ ꓤꓶ= (5) ꓪ-ꓔꓲ ꓦꓬꓼ ꓠꓬꓲ ꓕꓲꓽ ꓤꓶ= (6) ꓬꓴ-ꓔ ꓗꓴꓷꓼ ꓐꓬ ꓡꓰ ꓟ ꓕꓲꓽ ꓤꓶ= (7) ꓚꓬꓴ ꓢꓲ ꓒꓽ ꓡ_ ꓟ ꓕꓲꓽ ꓤꓶ= (8) ꓘꓴ ꓜꓲꓼ ꓞꓳ ꓔꓶ ꓟ ꓕꓲꓽ ꓤꓶ=

ꓮ-ꓐ-ꓡ-ꓦ ꓠꓬ ꓬꓲꓸ ꓐꓹ ꓐ ꓡꓰ ꓖꓶꓽ ꓔꓸ ꓟ ꓟꓬꓱ ꓠꓬ ꓮ-ꓐꓷ-ꓡ ꓥ_ ꓡꓳ= ꓬꓲ ꓠꓬ ꓚꓬ-ꓡꓷ-ꓔꓲ ꓟꓵꓽ ꓪꓴ-ꓣ ꓗꓪ ꓔꓬ ꓟ ꓦꓬꓼ ꓠꓬꓲ ꓗꓪ ꓟꓲ ꓟꓲ ꓦ ꓐ ꓗꓴ ꓤ ꓔꓯ ꓦ ꓡꓱ ꓠꓬꓲꓳ-ꓸ ꓖꓳ ꓡꓱ ꓥ ꓟꓲ ꓕꓶ ꓡꓰ ꓓꓴ ꓟꓽ ꓙꓳ ꓠꓬꓲ ꓕꓱ ꓟꓬ ꓟ ꓔꓯ ꓚꓰꓼ ꓢꓴ ꓕꓲꓽ ꓣꓳ ꓠꓬ ꓙꓳ ꓥꓳ ꓐꓰ ꓬꓲ ꓠꓬ ꓚꓰꓼ ꓢꓴ ꓢꓲ ꓒꓽ ꓔꓯ ꓧꓪ ꓔꓬ ꓕꓯ ꓪꓴ-ꓢ ꓡꓰ ꓬꓲꓸ ꓔꓯ ꓘꓷ-ꓠ ꓟꓵꓽ ꓗꓪ ꓘꓴ ꓧꓳꓽ ꓓꓳ ꓡ-ꓳ= ꓘꓷ-ꓠ ꓟꓵꓽ ꓗꓪ ꓧꓶꓸ ꓙꓬ ꓬꓲꓸ ꓠꓬ ꓮ ꓕꓯ ꓥ ꓟꓲ ꓟꓽ ꓙꓰ ꓠꓬꓲ ꓟ ꓟꓵꓽ ꓥ ꓡꓳ= ꓖꓳ ꓡꓱ ꓥ ꓟꓲ ꓪꓴ-ꓢ ꓡꓰ ꓠꓴ ꓠꓬ ꓠꓴ ꓟꓵꓽ ꓠꓬꓲ ꓫꓵꓽ ꓠꓴ ꓧꓪ ꓠꓴ ꓐꓹ ꓐ ꓦꓲ ꓔꓯ ꓧꓹ ꓗꓷ ꓢꓲ ꓠꓴ ꓔꓯ ꓥꓪ ꓟꓳꓸ ꓖꓶ ꓠꓹ ꓟ ꓗꓪ ꓙꓰꓽ ꓥꓪ ꓡꓰ ꓠꓴ ꓔꓯ ꓠꓴ ꓔꓯ ꓶꓽ ꓙꓳ ꓫꓱ ꓙꓳ ꓝꓲ ꓢꓲ-ꓸ ꓠꓴ ꓞꓲꓼ ꓤ ꓡꓯꓸ ꓤꓼ ꓟꓬꓽ ꓡ ꓝꓲ ꓢꓲ ꓠꓬꓲ ꓞꓳ ꓜꓴ ꓓꓽ ꓟ ꓒꓬꓱꓼ ꓡ ꓝꓲ ꓥꓳ= ꓐꓰ ꓪꓴ-ꓢ ꓝꓲ ꓘꓶꓽ ꓔꓯ ꓡ ꓡꓳ ꓢꓲ-ꓸ "ꓮ-ꓐ-ꓡ-ꓦ ꓠꓬ ꓪꓴ-ꓢ ꓡꓰ ꓬꓲꓸ ꓔꓯ ꓙꓰ ꓐꓯ ꓟ ꓗꓪ ꓐꓰ ꓪꓴ-ꓢ ꓡꓰ ꓧꓳꓽ ꓙꓰ ꓡ ꓥꓳ ꓐꓰ ꓪꓴ-ꓢ ꓔꓯ ꓪꓽ ꓪꓴꓽ ꓘꓳꓹ ꓢꓲ ▪ꓶꓽ ꓫꓵ ꓫꓵ ꓙ ꓫꓱꓽ ꓗꓷ ꓠꓬ ꓘꓷ- ꓠꓽ ꓟꓵꓽ ꓗꓪ ꓛꓲ ꓢꓲ ꓧꓷ-ꓐꓴ-ꓠ ꓘꓹ ꓗꓪ ꓔꓬ ꓡꓳ= ꓖꓳ ꓕꓯ ꓘꓷ-ꓠ ꓟꓵꓽ ꓠꓬ ꓠꓴ ꓞꓲꓼ ꓤꓼ ꓡꓯꓸ ꓤꓼ ꓔꓯ ꓖꓶꓽ ꓥꓳ ꓐꓰ ꓘꓶꓽ ꓫꓵꓼ ꓬꓰ ꓡꓳ= ꓘꓶꓽ ꓫꓵꓼ ꓬꓰ ꓟ ꓗꓪ - ꓮꓸ ꓠꓬꓲ ꓢ ꓘꓳꓼ ꓡꓳꓼ ꓟ ꓕꓲꓽ ꓘꓹ - ꓮꓸ ꓛꓵꓼ ꓕꓲꓽ ꓟ ꓮꓸ ꓣꓳ ꓑ ꓕꓲꓽ ꓟ ꓮ ꓖꓴ ꓕꓲꓽ ꓟ ꓷꓱꓽ ꓑꓶ ꓕꓲꓽ ꓟ ꓮ ꓠꓬꓲ ꓮ ꓛꓵꓼ ꓮ ꓣꓳ ꓔꓯ ꓠꓬ ꓠꓬꓲꓽ ꓐꓶꓽ ꓘꓶꓽ ꓢꓲ ꓕꓲ ꓛꓱꓽ ꓕꓲꓽ ꓐꓶꓽ ꓛꓹ ꓔ ꓡꓳ=

ꓟꓶꓽ ꓘꓶꓼ ꓟꓲ ꓟꓲ ꓖꓵ ꓡꓰ ꓕꓯ ꓢꓲꓸ ꓟꓴ ꓘꓴꓽ ꓐꓰ ꓮ ꓔꓳꓸ ꓧꓶꓸ ꓠꓬ ꓧꓪꓽ ꓐꓶꓽ ꓠꓬꓲ ꓙꓰ ꓙꓰ ꓡꓽ ꓡꓽ ꓬꓰ ꓢꓲ-ꓸ ꓠꓴ ꓞꓲꓼ ꓤꓼ ꓡꓯ ꓤꓼ ꓐꓴ ꓐꓶ ꓞꓳ ꓡꓯ ꓒꓯꓹ ꓗꓪ 400 ꓘꓳꓼ ꓫ ꓙꓵ ꓥꓳ ꓗꓸ ꓠꓯ ꓥꓪ ꓡꓰ ꓧꓳꓽ ꓓꓳ ꓡ ꓢꓲ ꓕꓱ ꓕꓲꓽ ꓟꓵꓽ ꓗꓪ ꓔꓬ ꓝꓲ ꓥꓳ ꓐꓰ ꓘꓶꓽ ꓫꓵꓼ ꓬꓰ ꓡꓳ= ꓥ ꓡꓳ= ꓬꓲꓽ ꓤꓼ ꓠꓬꓲ ꓤꓼ ꓐꓴ-ꓳ-ꓸ ꓡꓲ-ꓢꓴ ꓡꓲꓽ ꓒꓰꓼ ꓗꓪ ꓥ ꓟꓲ ꓟꓽ ꓒꓳꓹ ꓢꓲꓹ ꓡꓲꓼ ꓠꓲꓸ ꓚꓰꓼ ꓕꓱ ꓟ ꓕꓯ ꓢꓲ ꓒꓳꓹ ꓟꓽ ꓓꓹ ꓟ ꓠꓬ ꓧꓪꓽ ꓢꓲꓽ ꓓꓳ ꓟ ꓥꓳ= ꓪꓴ-ꓢ ꓡꓰ ꓮ-ꓐ-ꓡ-ꓦ ꓔꓯ ꓖꓶ ꓔꓸ ꓟ ꓟꓵꓽ ꓠꓬ ꓟꓽ ꓒꓳꓹ ꓟ ꓬꓲꓹ ꓝꓸ ꓮ ꓠꓬꓲꓽ ꓮ ꓛꓵꓼ ꓮ ꓣꓳ ꓮ ꓖꓴ ꓢꓰꓼ ꓢꓲ ꓢꓲꓽ ꓧꓳꓸ ꓢꓲ ꓘꓶꓽ ꓫꓵꓼ ꓕꓶ ꓡꓰ ꓝꓲ ꓟ ꓥꓳ= ꓗꓸ ꓠꓯ ꓮ-ꓐ-ꓡ-ꓦ ꓬꓲꓸ ꓡꓲꓸ ꓒꓲꓽ ꓬ-ꓗꓴ ꓦꓬꓼ ꓠꓬꓲ ꓗꓪ ꓪꓴ-ꓢ ꓙ ꓟꓴ ꓔ ꓟ ꓡꓰ ꓐꓰ ꓦꓰꓼ ꓟꓶꓼ ꓜ ꓟꓽ ꓙꓳ ꓟ ꓑꓶꓸ ꓓꓴ ꓬꓲ-ꓙꓲ ꓟꓵꓽ ꓗꓪ ꓫꓱꓽ ꓛꓲ ꓬꓰꓳ=

Add new comment

4 + 8 =