ꓶꓹ ꓟ ꓗ ꓫꓵ ꓐꓰ ꓫꓬꓹ ꓦꓵ_ ꓟ ꓗ ꓫꓵ

              ꓬꓲ ꓚꓰ ꓬꓲ ꓪꓴ ꓕꓳ ꓶ 14ꓽ6-21ꓹ 15ꓽ7 ꓐꓰ ꓘꓶꓽ ꓫꓵꓼ ꓫꓵꓼ ꓕꓳ ꓶ ꓬꓳ-ꓦ 3ꓽ1-8 ꓐꓰ ꓟ-ꓕꓲ ꓕꓳ ꓶ 28ꓽ 19-20 ꓗꓪ ꓟ ꓟꓸ ꓟꓲ ꓥ ꓡꓳ= ꓬꓲ ꓤꓼ ꓠꓬꓲ ꓤꓼ ꓐꓴ-ꓳ-ꓸ ꓪꓴ-ꓢ ꓐꓯ ꓘꓶꓽ ꓠꓬ ꓬꓲꓸ ꓠꓯꓹ ꓟ ꓚꓵꓸꓸ ꓘꓶꓽ ꓥ ꓠꓬꓲ ꓙꓽ ꓜꓲꓼ ꓫꓸ ꓟ ꓟꓸ ꓟꓲ ꓔꓯ ꓣꓳ ꓑ ꓙ ꓥ ꓟꓲ ꓢꓲ ꓫꓬ ꓕꓳ ꓶ ꓔꓯ ꓵ ꓐ ꓡ ꓥ ꓟꓲ ꓟꓸ ꓟꓲ ꓒꓳꓹ ꓟꓽ ꓐ ꓡ ꓟ ꓙꓳ ꓥꓳ-ꓸ ꓕꓲꓽ ꓧꓪꓹ ꓧꓪꓹ ꓣꓳ ꓕꓱ ꓡꓱ ꓔꓳꓹ ꓜꓳꓽ ꓕꓯ ꓢꓲ ꓫꓬ ꓕꓳ ꓶ ꓔꓯ ꓢꓳ ꓠꓬꓲ ꓢꓴ ꓐꓴ ꓔꓯ ꓠ ꓠꓬꓲ ꓠꓬ ꓟꓸ ꓟꓲ ꓔꓯ ꓒꓳꓹ ꓖꓶ ꓐ ꓡ ꓟꓽ ꓢꓷꓸ ꓬꓲ ꓤꓼ ꓠꓬꓲ ꓤꓼ ꓐꓴ-ꓳ-ꓸ ꓓꓽ ꓪꓴꓸ ꓬꓲꓸ ꓚꓰ ꓬꓲꓸ ꓪꓴ ꓕꓳ ꓶ ꓗꓪ ꓟ ꓟꓸ ꓟꓲ ꓶꓹ ꓟ ꓗ ꓫꓵ ꓔꓯ ꓠ ꓡꓳꓸ ꓡꓯ= ꓶꓹ ꓟ ꓗ ꓫꓵ ꓕꓱ ꓟ ꓮꓽ ꓟ ꓡꓰ ꓮ ꓡꓰ ꓟ ꓔꓯ ꓖꓶꓽ ꓔꓸ ꓟ ꓗ ꓫꓵ ꓥ ꓡ? ꓣꓳ ꓠ ꓠꓬꓲ ꓘꓶꓽ ꓐꓯ ꓠ ꓗꓷ ꓡꓰ ꓡꓳ= ꓶꓹ ꓟ ꓗ ꓫꓵ ꓕꓱ ꓟ ꓔꓯ ꓚꓬ-ꓡꓷ-ꓔꓲ ꓟꓵꓽ ꓴ-ꓣ ꓗꓪ ꓔꓬ ꓟ ꓮ-ꓐ-ꓡ-ꓦ ꓔꓯ ꓘꓴ ꓧꓳꓽ ꓔꓯ ꓡ ꓢꓲ ꓘꓷ-ꓠ ꓟꓵꓽ ꓧꓷ-ꓐꓴ-ꓠ ꓗꓪ ꓔꓬ ꓕꓯ ꓘꓷ-ꓠ ꓟꓵꓽ ꓕꓱ ꓟ ꓠꓴ ꓞꓲꓽ ꓤꓼ ꓡꓯꓹ ꓤꓼ ꓔꓯ ꓖꓶꓽ ꓥꓳꓽ ꓐꓰ ꓪꓴ-ꓢ ꓡꓰ ꓮ-ꓐ-ꓡ-ꓦ ꓔꓯ ꓘꓶꓽ ꓫꓵꓼ ꓖꓶꓽ ꓟ ꓬꓲ ꓢ ꓢꓯꓸ ꓝꓮꓲ ꓠꓬꓲ ꓠꓬꓲ ꓗꓪ ꓚꓳꓸ ꓠꓴ ꓗꓪ ꓐꓰ ꓟꓬꓽ ꓡꓹ ꓟ ꓮꓸ ꓐꓲ ꓮ ꓟꓲꓽ ꓥꓪ ꓑ ꓫꓬꓽ (ꓪꓴ-ꓢ ꓑ ꓫꓬ) ꓥ ꓟ ꓬꓲꓸ ꓝ ꓠꓬ ꓞꓳ ꓑ ꓤ ꓥ ꓕꓽ ꓑꓳꓸ ꓮꓽ ꓙꓵꓽ ꓶꓹ ꓟ ꓗ ꓫꓵ ꓟꓽ ꓛꓳ ꓟꓽ ꓓ ꓟꓽ ꓛꓳ ꓢꓴ ꓠꓬ ꓐꓶꓽ ꓞꓳ ꓛꓳ ꓢꓴ ꓠꓬ ꓪꓴ-ꓢ ꓑ ꓫꓬ ꓥ ꓡꓳ ꓐꓰ ꓪꓴ-ꓢ ꓬꓲ ꓚꓲꓸ ꓛꓬ ꓡꓰ ꓮ-ꓐ-ꓡ-ꓦ ꓔꓯ ꓫꓸ ꓕꓱ ꓢꓲ ꓬꓰ ꓔ ꓟ ꓗ ꓫꓵ ꓥ ꓡꓳ=

           ꓖꓳ ꓡꓱ ꓠꓬꓲ ꓦꓬꓼ ꓠꓬꓲ ꓖꓳ ꓟ ꓗꓪ ꓐꓰ ꓮ-ꓐ-ꓡ-ꓦ ꓬꓲ ꓞꓲꓼ ꓤꓼ ꓡꓯ ꓤꓼ ꓐꓴ ꓶꓹ ꓟ ꓗ ꓫꓵ ꓛꓳ ꓢꓴ ꓮ ꓙꓵꓽ ꓠꓬ ꓪꓴ-ꓢ ꓑ ꓫꓬ ꓒꓬꓱꓼ ꓬꓰ ꓢꓲ ꓟꓲ ꓠꓯ ꓡꓽ ꓞꓳ ꓔꓯ ꓚꓬꓴ ꓠꓹ ꓟ ꓚꓬꓴ ꓢꓲ-ꓒ ꓠꓬ ꓪꓴ-ꓢ ꓑ ꓫꓬ ꓖꓳ ꓕꓲꓽ ꓪꓳꓼ ꓗꓪ ꓐꓰ ꓡ ꓠꓹ ꓟ ꓪꓴ-ꓢ ꓡꓰ ꓙꓽ ꓖꓶꓽ ꓟ ꓚꓱꓹ ꓓꓽ ꓪꓴꓸ ꓕꓲꓽ ꓕꓳꓼ ꓬꓰ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓬꓲ ꓤꓼ ꓠꓬꓲ ꓤꓼ ꓐꓴ-ꓳ-ꓸ ꓢꓲ ꓫꓬ ꓕꓳ ꓶ ꓗꓪ ꓬꓲ-ꓢꓷ-ꓡꓰ ꓥ ꓠꓬ ꓬꓴ-ꓔ ꓥ ꓠꓬ ꓦꓲ-ꓐꓱ-ꓣꓴ ꓐꓰ ꓐꓯ ꓔꓬ ꓟ ꓮ ꓙꓵꓽ ꓠꓬ ꓮ-ꓐ-ꓡ-ꓦ ꓞꓲꓽ ꓤꓼ ꓡꓯꓸ ꓤꓼ ꓪꓴ-ꓢ ꓑ ꓫꓬ ꓖꓳ ꓕꓲꓽ ꓪꓳꓼ ꓔꓯ ꓡꓰ ꓘꓴ ꓟ ꓥ ꓡꓳ= ꓠꓬꓲ ꓠꓬꓲ ꓗꓪ ꓛꓲ ꓘꓶꓽ ꓫꓵꓼ ꓡꓵ ꓙꓵ ꓚꓱꓹ ꓔꓯ ꓛꓳ ꓔꓬ ꓢꓴ ꓐꓴ ꓠꓬ ꓶꓹ ꓟ ꓗ ꓚꓵ ꓔꓯ ꓛꓳ ꓔꓬ ꓡꓳ= ꓶꓹ ꓟ ꓗ ꓫꓵ ꓟꓸ ꓟꓲ ꓕꓱ ꓗꓪ ꓖꓴ ꓡꓰꓳ=