A.D (357) ꓘꓳꓼ ꓕꓯ ꓙꓵꓻ ꓠꓲ, ꓚꓱ, ꓕꓯ ꓗꓽ ꓕꓻ ꓢꓴ ꓙꓲꓻ ꓫꓬ ꓢꓴ ꓢꓽ ꓣꓳ ꓚꓱ, (2) ꓕꓱ,

#creditphoto #the three cappadocians

Monday, October 30, 2023

A.D (357) ꓘꓳꓼ ꓕꓯ ꓙꓵꓻ ꓠꓲ, ꓚꓱ, ꓕꓯ ꓗꓽ ꓕꓻ ꓢꓴ ꓙꓲꓻ ꓫꓬ ꓢꓴ ꓢꓽ ꓣꓳ ꓚꓱ, (2) ꓕꓱ,

ꓮꓓ (378) ꓘꓳꓼ ꓗꓪ ꓪ ꓔꓲ Valens ꓠꓬ ꓟꓯꓼ ꓢꓰꓼ ꓡꓯꓽ ꓘꓳ, ꓖꓴ ꓗꓪ ꓫꓵꓻ ꓡꓰ ꓟ ꓥ ꓡꓳ꓿ ꓖꓳ ꓡꓰ ꓥ ꓟ ꓣꓳ‐ꓟ ꓪ ꓔꓲ ꓬꓲ ꓫꓵꓼ Theodosius ꓒꓬꓱꓼ ꓡ ꓟ ꓥ ꓡꓳ꓿ ꓕꓱ ꓪ ꓔꓲ ꓠꓬ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓟꓽ ꓥ ꓐꓰ ꓟ. ꓟꓲꓽ ꓚꓺ ꓢꓴ ꓜꓴꓻ (Arian) ꓜꓴꓻ ꓔꓯ ꓟꓽ ꓠꓲ, ꓫꓵˍ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ St. Basil ꓠꓬ (379) ꓘꓳꓼ ꓕꓯ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰ ꓟ ꓥ ꓡꓳ꓿

ꓖꓳ ꓗ. ꓠꓯ ꓙꓲꓻ ꓫꓬ ꓢꓴ Basil ꓛꓳꓽ ꓒꓯꓽ ꓥ ꓟꓲ Nazianzus ꓡꓳ ꓒꓱ ꓗꓪ ꓐꓰ Greogroy ꓠꓬ Constantinople ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓒꓬꓱꓼ ꓡ ꓟ ꓥ ꓡꓳ꓿ ꓔꓲꓺ ꓒ ꓓꓽ Gregory ꓠꓬ Constantinople ꓡꓳ ꓒꓱ ꓔꓲꓺ ꓒ ꓓꓽ ꓙꓵꓽ ꓪ ꓐꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓗꓷ ꓟ ꓙꓵ, ꓕꓯ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓠꓬ ꓮ ꓟꓬ, ꓟꓽ ꓔꓬ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓦꓲꓻ ꓤ ꓤ ꓕꓲ ꓦꓲꓻ ꓗꓪ ꓔꓬ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓓꓽ ꓠꓬ ꓢꓽ ꓣꓳ ꓕꓲ ꓖꓳꓽ ꓓꓱ ꓪꓴ‐ꓢ ꓚꓱ, ꓔꓯ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓚꓺ ꓖꓶ ꓟ ꓥ ꓡꓳ꓿ ꓪꓽ ꓘꓴ ꓙꓵ, ꓐꓰ ꓟꓲ‐ꓢ ꓔꓲ ꓓꓴ ꓔꓯ ꓔꓲꓺ ꓒ ꓔꓬ ꓟ ꓦꓲꓻ ꓗꓪ ꓬꓰ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓꓽ Gregory ꓠꓬꓲ Constantinople ꓡꓳ ꓒꓱ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓠꓬꓲ ꓘꓳꓼ ꓟꓽ ꓐꓲ ꓢꓲ ꓕꓯ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓕꓲ ꓐꓱ ꓠꓬ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓟ ꓥ ꓡꓳ꓿ ꓖꓳ ꓙꓵ, ꓗꓪ ꓪ ꓔꓲ Theodosius ꓠꓬ Arian ꓜꓴꓻ ꓔꓯ ꓔꓳ, ꓢꓲ ꓠꓬꓲ Constantinople ꓡꓳ ꓒꓱ ꓓꓽ ꓗꓪ ꓐꓰ ꓪꓽ ꓘꓴ ꓦꓲꓻ ꓔꓯ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓡꓯꓽ ꓒꓯꓽ ꓗꓪ ꓡꓯꓽ ꓙꓱ ꓗꓷ ꓟ ꓥ ꓡꓳ꓿

ꓟꓽ ꓟꓶ ꓫꓵˍ ꓟ ꓙꓵ, ꓔꓯ ꓔꓲꓺ ꓒ ꓓꓽ ꓠꓬ Asia Minor ꓟꓵꓽ ꓗꓪ ꓙꓰ ꓢꓲ ꓠꓬꓲ ꓔꓬ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓬꓲ ꓧꓪ ꓖꓳꓽ ꓓꓱ ꓡꓳ ꓬꓰ ꓟ ꓙꓵ, ꓗꓪ ꓛꓲ ꓪꓽ ꓘꓴ ꓢꓲ ꓠꓬꓲ ꓔꓬ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓ ꓡꓰ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓟ ꓕꓳ ꓶ ꓔꓯ ꓙꓲ‐ꓢꓴ ꓢꓲ‐ꓤ ꓐꓴ ꓮ ꓟꓬ, ꓢꓷ. ꓡꓰ ꓟ ꓥ ꓡꓳ꓿ ꓮꓓ (391) ꓘꓳꓼ ꓕꓯ ꓢꓲꓺ ꓒ ꓠꓯ ꓗꓪ ꓬꓲꓼ ꓟꓶ ꓡꓰ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ Basil ꓠꓬ Constantinople ꓡꓳ ꓒꓱ Athans ꓟꓵꓽ ꓗꓪ ꓟꓲ ꓠꓯ ꓢꓷ. ꓠꓲ, ꓢꓳꓻ ꓣꓴ ꓔꓬ ꓟ ꓙꓵ, ꓕꓯ ꓬꓲ ꓠꓬꓲ ꓤ ꓠꓬ Gregory ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓟꓲ ꓠꓯ ꓢꓷ. ꓠꓲ, ꓢꓳꓻ ꓣꓴ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓟꓲ ꓠꓯ ꓢꓷ. ꓠꓲ, ꓓꓵꓽ ꓙ ꓫꓪ ꓠꓬꓲˍ ꓢꓷ. ꓠꓲ, ꓔꓯ ꓢꓳꓻ ꓣꓴ ꓪ ꓡꓰꓳ꓿ ꓬꓲ ꓠꓬꓲ ꓘꓴ ꓜꓲꓼ ꓞꓳ ꓗꓪ ꓪꓴ‐ꓢ ꓟꓯ ꓢꓴ ꓕꓲ ꓣꓳ ꓒꓬꓱꓼ ꓡ ꓥ ꓡꓳ꓿ ꓬꓲ ꓠꓬꓲ‐ꓟ ꓡꓰ ꓢꓯꓼ ꓖꓶ ꓪ ꓖꓶ ꓟ ꓪꓴ. ꓠꓬꓲ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓗꓪ ꓛꓲ ꓢꓯꓼ ꓕꓵꓼ ꓗꓷꓳ꓿ ꓙꓲꓻ ꓫꓬ ꓢꓴ St. Basil ꓡꓰ ꓬꓲ ꓔꓯ Nyssia ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓙꓵꓽ ꓪ ꓔꓯ ꓖꓶ ꓗꓷꓳ꓿

(374) ꓘꓳꓼ ꓕꓯ ꓪ ꓔꓲ Valens ꓠꓬ ꓬꓲ ꓔꓯ ꓔꓲꓺ ꓒ ꓓꓽ ꓙꓵꓽ ꓪ ꓣꓱ ꓞꓲꓼ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴꓼ ꓠꓬꓲ Armenia ꓟꓵꓽ ꓗꓪ ꓕꓲ ꓑ ꓤ ꓔꓬ ꓗꓷꓳ꓿ Constantine ꓡꓳ ꓒꓱ ꓗꓪ ꓖꓪꓽ ꓙꓱ ꓜꓲꓼ ꓓꓴ ꓬꓰ ꓟ ꓙꓵ, ꓕꓯ ꓬꓲ ꓐ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Basil ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓪꓴ‐ꓢ ꓟꓽ ꓥ ꓐꓰ ꓟ. ꓟꓲꓽ ꓚꓺ ꓢꓴ ꓐꓴ ꓕꓯ ꓮ ꓘꓶ. ꓛꓲ ꓔꓳ, ꓡꓯꓽ ꓘꓳ, ꓗꓷ ꓟ ꓥ ꓡꓳ꓿ ꓬꓲ ꓡꓰ ꓕꓳꓽ ꓶ ꓮ ꓟꓬ, ꓥ ꓟꓲ ꓐꓳ ꓗꓷ ꓟ ꓥ ꓡꓳ꓿

ꓪꓴ‐ꓢ ꓟꓽ ꓦ ꓡꓱ ꓢꓴ ꓐꓴ ꓡꓰ ꓝꓮꓲ ꓙꓵꓻ ꓠꓲ, ꓚꓱ, ꓔꓯ ꓔꓳ, ꓢꓴ ꓐꓴ ꓡꓰ ꓙꓲꓻ ꓫꓬ ꓢꓴ Grogory ꓔꓯ (The great Catechism) ꓐꓰ ꓮ ꓘꓶ. ꓓꓽ ꓟ ꓟ. ꓒ ꓓꓽ ꓐꓰ ꓘꓴ ꓟ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓰ ꓞꓳ ꓙꓳ ꓢꓯ. ꓔꓬ ꓠ, ꓟ ꓚꓱ, ꓔꓯ ꓕꓳ ꓶ ꓐꓳ ꓖꓶ ꓗꓷ ꓟ ꓥ ꓡꓳ꓿ (359) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓺ ꓳ ꓟ ꓥ ꓡꓳ꓿